رواية عشق التحكم الفصل الثاني 2 بقلم اسماء سلام
رواية عشق التحكم الفصل الثاني 2 هى رواية من تأليف المؤلفة المميزة اسماء سلام رواية عشق التحكم الفصل الثاني 2 صدرت لاول مرة على فيسبوك الشهير رواية عشق التحكم الفصل الثاني 2 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عشق التحكم الفصل الثاني 2
رواية عشق التحكم الفصل الثاني 2
فؤاد وانا مش موافق يا ابوى
الاب يعنى بتكسر كلمتى يا ابنى
فؤاد يا ابويا معاش ولا كان اللى يكسر كلمتك بس ده جواز يعنى مش يوم وليلة ولا يومين ، ده العمر كله وانا عايز اختار شريكة حياتى بنفسى وأنا متأكد انك لما تتعرف على سلمى هتحبها
رضوان طب وطلاق امك اللى واقف على كلمتك لتتجوز روح يعنى هتتجوز روح ولا عادى أطلق امك
فؤاد عادى طلقها وردها مش اول مرة
الاب المصيبة أنها مش اول ، دى هتكون الثالثة يعنى مفيش راجعة
فؤاد ليه تحطنى قدام الأمر الواقع ، حرام كده ، دى صغيرة ومش عارفه معنى الزواج ولا هتقدر تفهمنى
رضوان يا ولدى روح كبيرة وعارفه كل حاجة وهتقدر تفهمك ، انا خايف عليك وعايز واحدة تكون أمينة وتحمى شرفك لكن البت اللى انت بتتكلم عنها دى هتخونك علطول دى داخلة على طمع ، وكمان ازاى سامح أنها تلبس عريان وضيق ونص شعرها باين ولا انت بتحب العريان وان الناس كلها تتفرج على لحم مراتك
فؤاد يا ابوى سلمى محترمه بس لبسها كده علشان هى ساكنه فى مدينة وكل الناس هناك بتلبس كده و هى قالت إنها هتلتزم بقواعدنا لما نتجوز لكن دلوقتي لأ وكمان أنا واثق من سلمى أنها بتحبنى وعمرها ما هتخونى
رضوان هى تلتزم بقواعد ربنا علشانك ولا علشان ربنا
فؤاد يا ابوي..
رضوان خلاص مفيش كلام ، هنروح النهاردة عند الحج عبد المجيد علشان نخطب ايد روح
فؤاد بس انا بحب سلمى ، ايه رأيك اتجوز الاثنين
رضوان انت اتجننت ، انت عارف انت بتقول ايه ، زوجتين ، لا هى واحدة بس وهى روح وسابه ودخل جوه
فؤاد ماشى يا ابوى
------------
الحج عبد المجيد خير يا حضرت العمدة
رضوان خير طبعا ، أنا جاى اخد منك ميعاد علشان اطلب ايد بنتك روح لابنى فؤاد
عبدالمجيد بفرحة هو انا أطول يا سى العمدة ، ده يوم السعد والهنا ، بت يا هنية هاتى الشربات بسرعة
رضوان الشربات باليل انشاء الله ،هنيجى بعد العشاء
عبدالمجيد هستناكم
----------------
فؤاد زى ما بقولك كده زواجى واقف على طلاق امى
سلمى طبعا عارفه أن ام فؤاد هى الوحيدة اللى كانت مأيدة فؤاد فى الجواز منها فلو أطلقت كده تنسى فؤاد وللأبد فقررت تضحى بتفاحة من أجل الشجرة
سلمى بتظاهر الحزن فعلا ابوك غصب عليك ، فأنت اتجوز روح وابعد عنى ، علشان مصلحة ولدتك
فؤاد مستحيل اسيبك يا سلمى ، أنا بحبك ، انتى حب حياتى ومش من اول مشكلة هسيبك
سلمى طب هتعمل ايه ، أنا قولت كده علشان مصعبش الموضوع عليك اصل صعب تختار بينى وبين والدتك فأكيد هتختار ولدتك
فؤاد سكت شوية وقال لأ انا هختاركم انتم الاثنين
سلمى ازاى يعنى
فؤاد هتقدم لروح واعمل خطوبة كام شهر وخلال الخطوبة هخوفها واخليها تخاف منى وتكرهنى وبكده هى اللى هتفشكل الخطوبة وطبعا هى صغيرة فالحيلة دى هتيجى عليها
سلمى بضحك طبعا يا لعيب ، يلا سلام
فؤاد سلام يا حبيبتى ❤️
-------------
فؤاد ماشى يا روح ، أما نشوف مين روح اللى ابويا كان مستعد يطلق أمى علشان اتجوزها
سلمى( حبيبة فؤاد وزميلته فى الشغل وكانت زميلته فى الجامعة عندها 26 سنة وبتحب فؤاد بس شايفه أن فلوسه مهمة لأنه هيقدر يجبلها كل حاجه ، مش بتحب الصعايدة ومفكره ان تفكيرهم عقيم وأنهم قدام اوى ، بتحب التحرر ومش بتحب حد يتحكم فيها وبتلبس على الموضة)
-------------------
عند والدة فؤاد (امل )
امل تعالى يا فؤاد اقعد
فؤاد ايوه يا امى
امل هتعمل ايه فى جوازة روح
فؤاد والله ما عارف يا امى ، هو حالف عليكى بالطلاق ودى اخر مرة فلازم اوافق وهو قالى هنروح نطلب ايديها النهاردة
امل أنا عارفه أن مجبرور على الجوازة دى فلو مش عايزها ارفض واتجوز البنت اللى بتحبها ، انت قولتلى اسمها سلمى صح
فؤاد ايوه اسمها سلمى بس انا عمرى ما ابنى سعادتى على حزنك ، أنا عارف انك بتحبى ابويا رغم المشاكل اللى بينكم فأنا هسمع كلامه واتجوزها وممكن الخير فيها
(طبعا فؤاد مقلش لامه انه هيعامل روح وحش لانها اكيد هترفض وهتزعل منه )
امل ربنا يسعدك دائما يا حبيبي ❤️
فؤاد يا رب يا امى
----------------
عند والد روح
الحج رضوان - يسعدنى ويشرفنى انى اطلب ايدك بنتك روح لابنى فؤاد
عبدالمجيد- من عنيا يا حاج يلا نقرأ الفاتحة
فؤاد : ايه استنوا مش لما اشوف العروسة الاول مش ممكن تطلع وحشة وتلبسوهالى
رضوان اتأدب يا ولد ، عيب كلامك ده ، حديث ماسخ
فؤاد بس ده من حقى ولا لأ يا شيخ عبدالمجيد
عبدالمجيد بحرج طبعا يا فؤاد يا بنى من حقك وبعدين قال يا ام عدى هاتى روح وتعالى
رضوان عجبك كده كسفتنى قدام الراجل
فؤاد مفيش كسوف ولا حاجة والراجل قال كده وكمان لازم اشوف شكل مراتى المستقبلية قبل ما نتجوز واعرف مين روح اللى خلت ابويا يحلف عليا وكمان بتوع زمان بس اللى كانوا بيتجوزوا من غير لما بيشوفوا بعض لكن دلوقتي غير وانا شخص متعلم ولازم اشوفها
رضوان خلاص اسكت فضحتنى وحاول يغير الموضوع وقال صحيح يا حج عبد المجيد اخبار عدى ايه واخبار لمياء بنتك
عبدالمجيد لمياء الحمد لله كويسه هى و زوجها لكن عدى من ساعة طلاقة وهو كاره صنف النساء كلها ، منها لله مراته
رضوان معاك حق بس لازم يتخطى العقبة دى ، يعنى واحد مراته خنته وطلقها خلاص ينساها ويكمل حياته
عبد المجيد لأ هو اتعقد من الزواج والستات كلها
رضوان ربنا يصلح أحواله ويرزقه ببنت الحلال المناسبة ليه واللى تعوضه عن كل اللى شافه
عبدالمجيد يا رب يا حاج
---------------
عند روح
الام يلا يا روح البسى واطلعى يلا ، الناس بره كده عيب
روح بعياط قولتلك يا ماما أنا مش هتجوز دلوقتي وكمان هو كبير اوى عليا ، ده فؤاد ابن العمدة 28 سنة ده اكبر منى بكتير ، ازاى عايزين تجوزونى ليه
الام بزعيق البسى واطلعى دلوقتي وكلامك ده بعدين تقوليه مع ابوكى علشان الناس مستنية بره
روح قامت لبست اى لبس لأنها مش عايزة تتجوز طلعت وسلمت عليهم
فؤاد اول ما شافها قال فى سره أن جمالها عادى يعنى مقبولة وان سلمى احسن واجمل
رضوان باذن الله كتب الكتاب الاسبوع الجاى يوم الخميس والبيت جاهز وكل حاجة يعنى هناخد روح بس وهنعيشها مكرمة
عبدالمجيد على خيرة الله ، نقرأ الفاتحة
روح استنى يا بابا ، خد رأيى الاول
فؤاد فى سره، بقى فى واحدة ترفض الجواز منه وبعدين قال سيبنا لوحدنا يا حاج
عبدالمجيد ماشى يا ابنى وسابوهم لوحدهم
فؤاد هاى ازيك يا سكرة
روح سكره!!!! هو انت بتكلم طفلة صغيرة ولا ايه
فؤاد اه صغيرة مش عندك 18 سنة فأنتى صغيرة
روح اه صغيرة بالنسبة لعجوز زيك
فؤاد أنا عجوز !!؟
روح يعنى أنا اللى طفلة ، هتتكلم عدل هتكلم عدل لكن لو عوجت بوزك (خشمك) هقطعلك بقك من مكانه
فؤاد أنا يا قليلة الرباية ، شكلك عايزة تتربى من اول وجديد علشان مشفتيش ساعة تربية
روح ملكش دعوة بيا
فؤاد ماشى يا ست روح ، أنا هوريكى ازاى تتكلمى معايا عدل يا أم نص لسان
رضوان وعبدالمجيد دخلوا
رضوان اهو سبناكم لوحدكم وباين اتفاهمتم
روح بغيظ اه اوى
رضوان تمام كتب الكتاب يوم الخميسي الجاى
فؤاد تمام يا عمى إلى يريحك ، وانا وروح موافقين
رضوان وفؤاد مشيوا
------------
روح ليه يا ابوى مخدتش رأيى ممكن مش موافقة
الاب مش موافقة ليه ، ده شاب ماشاء الله عليه جميل ومتعلم وأخلاقه زين وأهله احنا عارفينهم كويس ولا انتى عايزة تقعدى هنا علطول
روح بعياط حضنته وقالت اه نفسى افضل فى حضنك علطول ، خايفة زوجى ميكنش زيك ، خايفة يضربنى
الاب لأ يا بنتى فؤاد كويس وميعملش الكلام العفش ده
روح بس انا لسه صغيرة استنى لما ابقى 20
الاب لأ كده كويس وكمان اختك اتجوزت وهى 18 سنة فمش عايز كلام ملوش لازمة
روح سابته وراحت تكلم صاحبتها
روح ازيك يا منى
منى ازيك يا روح ، مال صوتك ، هو انتى بتعيطى
روح الحقينى يا منى عايزين يجوزونى فؤاد ابن العمدة اللى عنده 28 سنة ده اكبر منى ب 10 سنين
منى اهدى يا روح وكله هيتحل ، فؤاد شاب محترم
روح مش عايزة اتجوز دلوقتي سواء كان سى فؤاد ده ولا حتى أيا كان
منى قوليلى اللى حصل
روح جه مع ابوه يتقدملى ......الخ
منى طب متجربى كده ممكن تفهميه، اصل انتى عارفه أن الحاج رضوان وابوكى كلامهم سيف ومش بيترجعوا فيه ابدا وبرده الحج رضوان قايل انك لابنه فؤاد من اول لما اتولدتى
روح بس ده كبير عليا وأكيد الحياة بينا هتكون صعبة
منى ليه نقدر البلا قبل وقوعه ، اصبرى
روح عايزانى اصبر لما اشوف حريتى بتتاخد
منى مين قال إنها هتتاخد ، انتى بس بتتخيلى
روح خلاص مفيش فايدة للكلام ده دلوقتي ، يلا سلام علشان ماما بتنده
روح ادخلى يا امى
الام تعالى سلمى على اختك علشان مسافرة
روح هى لحقت قعدت
روح نزلت و ودعت اختها
-------------
سلمى عملت ايه يا فؤاد
فؤاد دى بنتك قليلة تربية ، بتقول انها مش عايزانى وانى عجوز
سلمى شكلها مش سهلة
فؤاد باين كده بس على مين
سلمى يعنى هتعمل ايه
فؤاد ابويا حدد الفرح الخميس الخميس فمفيش خطوبه ولازم اتجوزها واعلمها ادب وبعد كام شهر كده أطلقها
سلمى ماشى يا فؤاد
----------
عدى اسبوع وتم كتب الكتاب وكل من روح و فؤاد رافضين بعض تماما ومش بيتكلموا ابدا
-------------
يوم الفرح
فؤاد وروح قاعدين على الكوشة وكل واحد رافض يبص فى وش التانى وراسمين الابتسامه المزيفة
وجه وقت الرقص
فؤاد مسك ايد روح وبدأوا يرقصوا
روح مش حاسه بأى مشاعر تجاهه لأنها مش عايزة تتجوز دلوقتي ومغصوبة على الزواج
فؤاد عمال يبص لسلمى ومش مركز مع روح خالص
خلص الفرح وفؤاد وروح راحوا بيتهم
فؤاد : ادخلى برجلك اليمين يا بنتى
روح ايه بنتك دى ، انت متعرفش تجامل الناس
فؤاد زقها فى الحيطة ..
للانضمام لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا