رواية عشق التحكم الفصل السادس 6 بقلم اسماء سلام

رواية عشق التحكم الفصل السادس 6 هى رواية من تأليف المؤلفة المميزة اسماء سلام رواية عشق التحكم الفصل السادس 6 صدرت لاول مرة على فيسبوك الشهير رواية عشق التحكم الفصل السادس 6 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عشق التحكم الفصل السادس 6

رواية عشق التحكم الفصل السادس 6

روح راحت تعمل الاكل لفؤاد

بعد فترة روح صرخت

فؤاد اول لما سمع صوتها جرى على المطبخ ولقى أن الزيت بيفرقع جامد وفى نار عالية فقام طفى النار وغطى الطاسه بحاجة علشان تمنع الهواء عن الزيت وبكده النار والرفعة تقل

فؤاد انتى كويسه يا روح

روح فؤاااااد

فؤاد خدها فى حضنه وقعد يطبطب عليها وقال روح اهدى أنا جمبك

روح من الصدمة أغمى عليها

فؤاد شالها و وداها اوضته وحطها على السرير وراح جاب ليها مية وقعد يرش على وشها

فؤاد قعد يضرب بايده على وشها خفيف وينده عليها بس روح مش راضية تصحى

فؤاد هى مش راضية تصحى ليه

فؤاد اعمل ايه دلوقتي ، هى مش راضية تصحى ليه وبعدين راح وجاب ازازة البرفيوم بتاعته وقعد يرش على أنفها

بعد شوية روح صحيت واول لما فتحت عينيها حضنت فؤاد وقعدت تعيط

فؤاد اهدى يا روح أنا معاكى اهو

روح بخوف كنت خايفه لتحرق

فؤاد اهدى مفيش حاجة ، يلا نامى شوية علشان تهدى

روح طب خليك معايا

فؤاد حاضر انا معاكى اهو

روح مددت جسمها على السرير وحضنت فؤاد جامد اوى وكأنها خايفة من حاجة

فؤاد اتفاجأ من تصرفها بس قال إنها خايفة مش اكتر

بعد شوية فؤاد نده على روح علشان يتأكد أنها نامت ولما روح مردتش بعد عنها وغطاها وطلع بره

فؤاد ايه اللى حصل لكل ده ولا هى اللى خافت زيادة ، الصراحة مش فاهم حاجة بس اكيد لما تصحى هعرف منها كل حاجه

عند لمياء

عماد ايوه يا لولى تعالى عايزك

لمياء ايوه يا حبيبى

عماد اخويا جاى وعايزك تحضريلى غداء كويس

لمياء عنيا يا حبيبى ، بس فى مناسبة ولا ايه

عماد اه ، أصله رجع من السعودية وعايز يستقر ويفتح بيت فجايلى يقعد معايا يومين

لمياء حمد لله على السلامه ، ينور بيت اخوه دائما

عماد الصراحة عايز اخطبله واحدة من البلد عندك علشان كده قررت انها نخطبله بنت عمنا

لمياء فكره حلوة و بالمرة تربطنا اكتر

عماد ربنا يخليكى ليا

لمياء ويخليك ليا يا حبيبي

عماد تعالى اقولك حاجة جوه 🙈🙈

نرجع لفؤاد

بعد ساعة فؤاد دخل يصحى روح بس اتفاجأ انها مش الاوضة فدخل اوضتها لقاها بتغير

روح خبت نفسها وقالت عايز ايه

فؤاد كنت بطمن عليكى مش اكتر وخفت لما ملقتكيش هناك فجيت اشوفك هنا

روح تمام ممكن تطلع علشان اغير

فؤاد ماشى

عدى الوقت وفؤاد راح يقابل سلمى

سلمى ايوه يا فؤاد فى ايه خضتنى

فؤاد احنا لازم نتجوز

سلمى يعنى هطلق مراتك

فؤاد لأ علشان مينفعش يحصل دلوقتى لأن كده غلط فى حقها وهى معملتش حاجة

سلمى يعنى عايزنى زوجة تانية

فؤاد اه لان ده الحل الامثل لينا

سلمى وليه مفكرتش فيه قبل كده

فؤاد افتكر أما باس روح وانه كان هيضعف قدامها فعلشان كده لازم يتجوز

سلمى ايه رحت فين

فؤاد عادى يا حبيبتى ، الحكاية انى مش مستحمل روح وبجد عايزك فى حياتى

سلمى ماشى يا فؤاد موافقة بس لازم تيجى تطلبنى من اهلى

فؤاد اه طبعا

سلمى طب هتجيب ابوك ازاى ولا هتعمل ايه

فؤاد هجيب والدتى واخويا لكن بابا لأ

سلمى ماشى يا حبيبى ، أنا فرحانه اوى أننا هنكون مع بعض

فؤاد وانا كمان يا روحى ، يلا نتغدى بقى

سلمى ماشى يا حبيبى

سلمى هتعمل ايه مع روح

فؤاد هعمل ايه فى ايه

سلمى قصدى هتقولها على زواجنا ولا لأ

فؤاد لأ مش هقول لأنها هتقول لأهلها وفى الاخر بابا هيعرف فالدنيا هتبوظ

سلمى معاك حق

كل ده وروح قاعدة فى البيت عماله تسال هو راح فين وليه شكله كأنه مستعجل ، كأن الموضوع مهم ، أنا هسأله لما يجى

فؤاد خرج واتفسح مع سلمى وراحوا السينما وبعدين رجع باليل البيت وهو مبسوط جدا

روح كانت سهرانه لحد ما يجى ولما شافته قامت

روح كنت فين كل ده

فؤاد بزعيق وانتى مالك ، هو انتى هتتحكمى فيا ولا ايه ، ملكيش دعوة اروح فين ومع مين ، ماشى ولا مش ماشى ، عن اذنك أنا داخل انام بدل وجع الدماغ ده وسابها ودخل ينام

روح هو انا عملت حاجة غلط ، ليه رد عليا بالاسلوب كده

عند ندى

سعاد مالك يا ندى

ندى مالى ازاى يعنى منا كويسه اهو

سعاد حساكى من امبارح وانتى علطول سرحانه

ندى بفكر فى الشاب اللى اتخانقت معاه ، ليه اتضايق من رسمة الابتسامه ، بس شكله حزين علشان كده اتضايق

سعاد واحنا مالنا بيه ، خلينا فى شغلنا ، احنا بيعدى علينا بدل الزبون عشرات الزبائن فليه مركزة مع ده

ندى علشان شوفت فى عيونه نظرة حزن وكسره كأنه اتخذل من شخص عزيز عليه أو اتخذل من كل الناس فلما حطيت الرسمة زعق بس فى الاخر جه اعتذرلى لان قلبه طيب مستحملش انه يعمل كده

سعاد ماشى يا حبيبتي ، ربنا يصلح ليه الحال بس احنا مالنا بيه

ندى أنا حاسه بيه لانى أنا كمان زعلانه ، ده كل الحكاية مش اكتر ولا اقل

سعاد فاهماكى يا ندى بس خلينا فى شغلنا

ندى وسعاد راحوا يشتغلوا وندى لاحظت أن عدى وسليم قاعدين

اول لما عدى لمح ندى شاور لها

ندى ايوه يا فندم ، ممكن اساعدك ازاى

عدى عايز فنجان قهوه مظبوطة

ندى تمام يا فندم وجت علشان تمشى بس عدى اتكلم

عدى بس متنسيش الوش اللى بيضحك على القهوة

ندى لفت ليه وضحكت وقالت عنيا يا فندم

سليم قاعد ومتابع كل ده و فرحان لفرح صاحب عمره

سليم اخيرا بقيت تبتسم

عدى أنا نفسى مستغرب بس لما ببص عليها ببتسم لانى بحس الدنيا لسه بخير وعينيها جميلة اوى وهادية كده ، تصدق نسيت اسالها على اسمها ، أنا غبى

سليم خلاص يا عم انت هتقول فيها شعر ، استنى لما تيجى واعرف اسمها

عدى ماشى

سعاد جابت القهوة لعدى وسليم

عدى اتضايق لما ندى مجتش

عدى هى مجتش ليه

سليم عادى يا سليم اكيد مشغولة جوه

عدى ممكن

عدى وسليم شربوا القهوة وندى مش باينة

سليم يلا نمشى يا عدى

عدى ماشى يلا وهو ماشى كل شوية يبص ويدور عليها علشان يشوفها

سليم يلا يا عدى

عدى وسليم مشيوا وراحوا الفندق

سعاد اتأخرتى ليه

ندى كنت مشغولة جوه اوى

سعاد تمام تعالى نكمل شغل

تانى يوم

روح صحيت وحضرت الفطار ودخلت تنده على فؤاد من غير لما تخبط الباب

روح فؤاد ، يا فؤاد ، اصحى يلا

فؤاد حاضر وبعدين فاق

فؤاد انتى دخلتى هنا ازاى وليه مخبطيش

روح عادى دخلت اصحيك علشان تفطر

فؤاد لأ مش عادى ، اتعودى تحترمى خصوصيات غيرك ، افرضى كنت قالع يعنى

روح عادى انتى زوجى مش شخص غريب

فؤاد بزعيق بس انا مش معتبرك مراتى

روح انصدمت من كلامه ، هو قالها أنه مجبور على الزواج منها وهى كمان كده بس هى بتعتبره زوجها لأن ده حقه

روح سكتت ومردتش

فؤاد ممكن تطلعى بره

روح طلعت من غير لما ترد عليه

عدى اسبوع وروح وفؤاد مش بيتكلموا مع بعض و روح مصدومة من اخر مرة كلمها ومن ساعتها وهى بتحاول تتجاهله على قد ما يقدر

أما عن سليم وعدى فرجعوا البلد علشان عندهم شغل ضرورى وعدى ميعرفش اسم ندى بس علطول فى دماغه مش بتروح لأن حس بإعجاب من ناحيتها وراحة من اول لما شافها وكمان لما غلط فيها سكتت مردتش عليه وهو حب كده فيها

بعد الاسبوع روح وفؤاد نزلوا تحت عند حماها وحماتها و ابو فؤاد بيحبها جدا وخائف عليها زى بنته بالضبط ،اما والدة فؤاد فهى بتتمنى ان روح تفرح ابنها لأنها لاحظت أنه مش مبسوط وطبعا الام بتحس بعيالها

الام مالك يا فؤاد

فؤاد مالى يا امى ، أنا بخير الحمد لله

الام يا رب دايما يا ولدى بس انا حاسه انك مش مبسوط

فؤاد لقى أن دى احسن فرصة يفاتح امه فى موضوع زواجه من سلمى

الام لاحظت سكوته وقالت شوفت يا ولدى أن كلامى صح ، قولى ايه اللى مضايقك ، انت متخانق مع روح ولا حاجة

فؤاد يا امى ، أنا وروح مفيش حاجة حصلت بينا

الام امال متضايق من ايه

فؤاد يا امى افهمينى بقولك مفيش حاجة حصلت بينى وبين روح يعنى أنا ملمستهاش

الام يا لهوى ، ليه كده يا بنى ، انتم بقالكم اسبوع زواج يعنى ولا مرة حتى

فؤاد ولا مرة

الام خلينى اكلمها ممكن خايفة مش اكتر ، متنساش أنها لسه صغيرة

فؤاد يا امى أنا كلمتها كتير بس رفضت وانا بصراحة مبقتش عايزها تانى

الام استهدى بالله يا ابنى ، انتم لسه عرسان جداد

فؤاد خلاص يا امى أنا مش عايز اعيش معاها والصراحة أنا كنت عايزك فى موضوع بخصوص كده

الام قول يا حبيبي

فؤاد أنا عايز اتجوز

الام يا لهوى انت اتجننت بقالك اسبوع وعايز تتجوز ، الناس تقول ايه ، خلينى اكلمها ممكن تتحسن

فؤاد يا ماما انتى عارفه انى مغصوب على الجوازة دى علشان بابا ميطلقكيش ، وكمان عارفه انى كنت بحب زميلتى فى الشغل

الام ايوه عارفه

فؤاد وانا عايز اتجوز سلمى يا ماما ومش شايف غيرها مراتى وام عيالى

الام يا فؤاد أنا فهماك بس ازاى تتجوز اثنين ، المسئولية هتزيد وحتى لو روح قصرت فى حقوقك متنساش أنها مراتك وليها حقوق بردو وانت ازاى هتوفق بين الاثنين وخصوصا انها فى القاهرة وانت فى الصعيد

فؤاد باذن الله هقدر يا امى ، والزواج افضل ما اقع فى الحرام وانا راجل وليا احتياجات ولازم اخدها وبصراحة أنا مش عايزها من روح ، أنا عايزها من سلمى

الام بس ابوك مش هيرضى بالكلام ده

فؤاد ومين قال إننا هنقوله

الام يعنى هتخبى على ابوك

فؤاد ايوه علشان هو السبب فى كل اللى حصل ده

الام وبخصوص روح ، من حقها تعرف انك هتتجوز عليها ويا توافق يا ترفض

فؤاد لأ روح مش هتعرف علشان لو عرفت هتقول لابويا واهلها

الام يا بنى أنا عندى بنت ومرضاش ليها كده

فؤاد بس بنتك مش زيها لأنها مش هتقصر مع زوجها ، قولتلى ايه يا امى

الام ماشى يا ابنى هنروح امتى

فؤاد هكلمها واخليها تحدد ميعاد مع والدها

الام ماشى يا بنى ، ربنا يسعدك دائما

فؤاد يا رب يا امى وبعدين مسك أيدها وباسها وطلع يكلم سلمى ويقولها

--------------

سلمى بتتكلم جد يا فؤاد

فؤاد اه والله يا روحى ، ماما موافقة وخلاص هنتجوز ونكون بعض فى بيت واحد

سلمى أنا فرحانه اوى يا فؤاد بالخبر ده

فؤاد وانا كمان ، كلمى والدك وحددى معاه ميعاد علشان نيجى نخطبك يا حبيبتي ❤️

سلمى عنيا يا حبيبى

عند سليم

الام مالك يا سليم ، ملاحظة من ساعت لما جيت وانت زعلان

سليم بزعل ليه مقولتليش أن روح اتجوزت

الام احنا معرفناش إلا يوم الفرح

سليم ازاى ده حصل

الام ابوها غصب عليها ، خلاص انساها يا بنى ، ملكش نصيب فيها

سليم فعلا يا امى ، بس صعب احب تانى

الام متقولش كده ، ربنا شايل ليك حاجة كبيرة

سليم يا رب يا امى

نرجع لروح

روح ملاحظة أن فؤاد متغير معاها خالص وكأنه مش مهتم بيها وبقت متأكده أن فى واحده فى حياته

روح فؤاد أنا عايزه اكلمك

فؤاد مش فاضى دلوقتي ، خليها مرة تانية

روح قربت منه وقالت ولا تانية ولا ثالثة ، أنا عايزة اكلمك دلوقتي

فؤاد متعليش صوتك عليا مرة تانية

روح أنا اسفة ، مش قصدى والله بس انت متجاهلنى خالص ولا كإنى موجودة وده مضايقنى

فؤاد يعنى عايزة ايه

روح انت جوزى وليا عليك واجبات فعاملنى كويس مش تحسسنى انى مش موجودة

فؤاد القاعدة بتقول أن حقوق + واجبات تساوى معادلة كاملة لكن أنا مخدتش منك واجبات فخلاص ملكيش حقوق عندى

روح يعنى انت عايز حقوقك ، خلاص تعالى خدها

فؤاد هههههه ضحكتينى ، مين قالك انى عايز اقربلك ، انتى مراتى قدام الناس بس لكن بينا احنا اخوات وخلاص يعنى متطلبيش منى حاجة وانا مش هطلب منك حاجة

روح ازاى نعيش كده ، ومدام انت مش عايزنى ليه اتجوزتنى ، انت راجل ومحدش يقدر يغصبك على حاجة على عكس البنت الكل بيتحكم فيها

فؤاد مين قالك انى مش مجبور ، أنا والدى حلف عليا بالطلاق انى اتجوزك ولو رفضت كان هيطلق امى لأن للاسف دى كانت اخر طلقة فاضطريت اوافق

روح كنت قولتلى على الأقل كنا لقينا خل مدام انت مش طايقنى كده

فؤاد ليه بتتكلمى على اساس انك بتحبينى ، انتى كمان مغصوبة على الزواجة دى

روح مغصوبة لانى مش مستعدة بس مش كرهاك يعنى عايزة شوية وقت لكن انت مش طايقنى اصلا ولا عايز تدي علاقتنا اى فرصة وتدى ازاى وانت مش بتبص فى وشى ولا بتقعد معايا

فؤاد اه وبعدين

روح خلاص يا فؤاد مفيش عمار بينا ، احنا وصلنا لحيطه يد ،طلقنى

للانضمام لجروب التليجرام ( هينزل فيه الرواية كاملة ) اضغط هنا 

للانضمام لجروب الواتساب اضغط هنا   

تعديل المقال