رواية عشق التحكم الفصل السابع والثلاثون 37 بقلم اسماء سلام
رواية عشق التحكم الفصل السابع والثلاثون 37 هى رواية من تأليف المؤلفة المميزة اسماء سلام رواية عشق التحكم الفصل السابع والثلاثون 37 صدرت لاول مرة على فيسبوك الشهير رواية عشق التحكم الفصل السابع والثلاثون 37 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عشق التحكم الفصل السابع والثلاثون 37
رواية عشق التحكم الفصل السابع والثلاثون 37
اول لما وصلوا البيت وقفل الباب
فؤاد قرب علشان يحضن روح لانها وحشته اوى لكن روح بعدت عنه وصدته بايديها وقالت
روح اوعى تقرب منى تانى
فؤاد بصلها باستغراب اللى هو مش فاهم
روح سابته ودخلت غرفتها وفؤاد شوية وراح وراها
فؤاد قوليلى ايه اللى حصل بره ده يا روح
روح مردتش عليه
فؤاد قرب منها وقال مش بتردى عليا ليه
روح معلش مسمعتكش
فؤاد روح انتى عارفه انى مش بحب الاسلوب ده ولا انك تتجاهلينى كده .. يعنى جيت علشان احضنك لكن انتى بعدتينى عنك
روح بسخرية فؤاد خليك كول كده .. مش حاجة كبيرة يعنى علشان تعمل كل ده
فؤاد مش حاجة كبيرة !! اومال مفكراها حاجة صغيرة ولا ايه .. اصل واحد بيقرب من مراته اللى وحشته فهى تقوم تبعده فهل ده شىء صغير ليكى ؟
روح اه شىء صغير وتافه كمان وبعد اذنك ممكن تخرج علشان تعبانه وعايزة انام وكمان فاضل شهر والامتحانات تبدأ وانا مش عايزة حد يعطلنى
فؤاد مالك بتكلمينى كده ليه يا روح .. وكمان هو انا حد وكمان هعطلك !!!
روح فؤاد متتعبش دماغى أنا تعبانه ومش قادرة اتكلم ولا اناهد فلو سمح... لكن لم تكمل الجملة لأنها شعرت بالغثيان واسرعت للحمام لتستفرغ
كل ده تحت أنظار فؤاد اللى جرى يشوف روح مالها
فؤاد يضع يده على ظهرها لكى يسهل عليها انها تستفرغ
بعد شوية روح طلعت من الحمام وهى حالتها تعبانه
فؤاد بقلق مالك يا روح .. انتى شكلك تعبانه .. تعالى نروح للدكتور ونش.. لكن روح قاطعته وقالت
روح لأ ملوش لزوم ده طبيعى من الح.. اقصد من التعب .. اصل عندى برد فى المعدة
فؤاد تمام يا روحى .. الف سلامة عليكى وبعد باس رأسها وقال
فؤاد اقعدى ارتاحى وانا هروح اعمل ليكى حاجة دافئة تشربيها وسابها ودخل المطبخ
روح نظرت لمكانها وقالت فى نفسها
روح أنا مش اسفه على اللى بعمله معاك يا فؤاد لانك تستاهل .. مكنتش اتوقع انك كده
يا ترى روح بتقول كده ليه وفؤاد عمل ايه تانى وهى رجعت ليه اصلا ؟!!!!؟؟
فى المطبخ
فؤاد بيعمل ينسون لروح وهو قلقان عليها بس افتكر طريقة كلامها قبل ما تستفرغ وقال
فؤاد كنت مفكر انك لما هترجعى هتسامحينى او على الاقل هتيدنى فرصة تانية بس مش باين كده خالص بسبب اللى عملتيه من شوية بس مش هتكلم معاكى دلوقتي علشان تعبانه
فؤاد جاب الينسون لروح اللى دخلت مرة أخرى تستفرغ بينما هو كان بيعمله
فؤاد خدى يا روحى الينسون ده هيريح بطنك
روح بصتله بحب لاهتمامه بها برغم أسلوبها العنيف معه من شوية
فؤاد سرحتى فى ايه يا روح
روح لا ارادى قالت فيك
فؤاد ابتسم وقام مسك الكوباية وحطها على جنب ولف وشها ليه وقال
فؤاد ارتاحى دلوقتي يا روح لحد ما تخفى و...
لكن روح بعدت ايده وقالت
روح بزعيق هو انت مش بتفهم .. قولتلك متقربش منى ومكانتش يعنى كوبايه ينسون اللى عملتهالى .. لكن انت عايز اى حاجة علشان تستغلها وتقرب منى
فؤاد انصدم من كلامها وقال
فؤاد انتى بتقولى ايه يا روح .. أنا عملت كده علشان خايف عليكى وعايز اريحك .. وبخصوص أنى عايز اقرب منك فأنا مش محتاج حاجة استغلها علشان اقربلك لانك مراتى ومن حقى وانا عمرى ما عملت كده معاكى ابدا ولا جبرتك على حاجة وسابها وطلع من الاوضة
روح قعدت تعيط جامد بس حطت ايديها على فمها علشان صوتها ميعلاش وفؤاد يسمع ويعرف
روح مش قصدى اجرحك .. عمرى ما تمنيت بعدك عنى بس اللى عملته مكنش هين عليا وبعد شوية قامت غيرت و نامت
أما عند فؤاد فهو ساكت مش بيتكلم من ساعة كلامها وحقيقى مصدوم من تصرفاتها فقرر يدخل يريح شوية ولما يصحى يكلمها ويتصرف معاها
أما عند ياسمين وزياد
العرسان قضوا افضل ليلة فى حياتهم .. ليلة رومانسية مع قليل من 🙈🤭
زياد صحى ولقى ياسمين نايمة فى حضنه فافتكر اللى حصل امبارح وقد ايه كان مبسوط معاها خصوصا انها عذراء وبعدين طبع قبلة على رأس ياسمين لكن ياسمين مصحيتش فقعد يوزع قبلات على خدها ومن ثم على شفتيها وكانت عنيفة قليلة مما جعل ياسمين تستيقظ
زياد بابتسامه اخيرا صحيتى يا روحى
ياسمين بخجل صباح الخير يا حبيبى
زياد صباح الخير يا نور عينى .. وحشتينى
ياسمين بس يا زياد بنكسف
زياد يا خلاثى على القمر اللى بينكسف .. احلى حاجة انك اول حاجة شوفتها النهاردة وبجد هكون مبسوط لما اصحى كل يوم على جمال عيونك
ياسمين انكسفت ودارت وشها فى صدره
زياد بلاش يا روحى كده علشان مكررش اللى حصل امبارح
ياسمين خدودها احمرت وما زالت مخبية وشها فى صدره
زياد لأ كده كتير عليا .. تعالى اقولك حاجة 🙈🙈🙈🤭🤭🤭🤭
وهنا تسكت شهرزاد عن الكلام الغير مباح 🤭🤭
أما عند عدى وندى
عدى كلم مروة وقالها أنه محتاج يشوفها وطبعا مروة وفقت وهى عارفه هو هيكلمها على ايه
عدى ازيك يا مروة
مروة بخير يا عدى .. انت عامل ايه
عدى بخير .. اظن انك عارفه أنا جايبك ليه
مروة بتظاهر وانا اعرف منين
عدى هعمل نفسى عبيط وهصدقك .. بصى انتى بعتى لندى ورقة بتثبت أن ابنك هو ابنى
مروة انت عرفت ازاى بس انا مبعتش حاجة
عدى لا والله .. اومال مين اللى عرف وبعت لمراتى
مروة معرفش يا عدى
عدى لأ عارفه يا مروة وكمان ازاى الولد ده ابنى .. وانتى مكنتيش حامل منى لما اتطلقنا وانتى نفسك قولتيلى انك مش عايزة عيال منى
مروة قولت كده بس بعد الطلاق عرفت انى حامل وطبعا مردتش اقولك لان مكنش فى اى حاجة باقية بينا فخبيت لكن ازاى مراتك عرفت فأنا مش عارفه
عدى وايه يثبتلى ان الولد ده ابنى وان التحليل مش مزور
مروة وانا هزور التقرير ليه وابعته لمراتك
مروة أدركت أنها غلطت واعترفت على نفسها
عدى عرفتى بقى انك كدابة وانك اللى بعتى التقرير بس مش موضوعنا فأنا عايز اتاكد أن الولد ده ابنى
مروة مانت شوفت التقرير
عدى لأ منا مش متاكد منه فأنا عايزة اعمله من جديد
مروة خلاص تعالى نعمله عند دكتور تانى
عدى لأ بردو .. أنا عايز شعره من شعر ابنك علشان أتأكد من DNA
مروة تمام اللى يعجبك اعمله .. بكره هجيبلك الشعره .. عن اذنك
عدى مستغرب أنها معترضتش يعنى .. معقول يكون الولد ده ابنى
مش عارف ادعى أن الولد ده ابنى علشان احس بالابوية ولا ادعى ميطلعش ابنى علشان مبعدش عن ندى لانه لو طلع ابنى هتحصل مشاكل كبيرة بينا بس اللى عارفه انى عايز ندى وبس
عند فؤاد
فؤاد نام فى الصالة من كتر التفكير وبعد بعض ساعات استيقظ ولقى ان الجو أصبح بالليل فدخل عند روح بس لقى أن الباب مقفول فاستغرب تصرفها واتضايق جدا بس خبط عليها
روح كانت نائمة وعماله تحلم بأحلام سعيدة أنها هى وفؤاد وابنها عايشين سعداء بس صحيت على صوت خبط فؤاد على الباب
روح يعنى معكنن عليا في الحقيقة وكمان مش عايزنى احلم كويس وبعدين قامت فتحت ليه
روح فى حد بيخبط كده
فؤاد هو فى حد بيرد كده ولا بينام كل ده
روح مدام انا عملت كده يبقى فيه .. انت عايز ايه
فؤاد تعالى نتكلم بره شوية
فؤاد قعد جمب روح وقال
فؤاد ممكن تفهميني يا روح ايه اللى انتى عملتيه ده النهاردة وليه اتكلمتى كده معايا
روح انت عارف السبب يا فؤاد .. هو انت ناسى انت عملت ايه ولا مفكر انى هسامحك كده بسهولة
فؤاد مش ناسى يا روح بس قولت انك مدام رجعتى يبقى سامحتينى
روح بس انا مسامحتكش يا فؤاد وكنت هطلق منك بس علشان اهلى ميزعلوش وميفضلوش شاكين فيا علشان كده جيت هنا
فؤاد طب وعلاقتنا هتبقى ازاى
روح هتبقى زى الإخوة يعنى أنا هعملك الاكل وشغل البيت وكده لكن من غير لما تكلمنى أو تقرب منى
فؤاد طب منا اروح اقعد عند أمى احسن وهى تعملى كل ده
روح براحتك أنا مش هضغط عليك
فؤاد يعنى انتى شايفة كده يعنى
روح اه شايفة كده وانت لو عايز تروح لمراتك التانية روح .. أنا مش همنعك
فؤاد بس انا مش عايز غيرك انتى .. عايز حبك واهتمامك .. عايز قربك
روح طلبك مش موجود عندى .. عن اذنك وقامت ماشية للاوضة بس فؤاد مسكها من ايديها وحاصرها بينه وبين الحيطة وقال
فؤاد يعنى انتى عايزانى ابعد عنك
روح من غير لما تبص فى عينيه قالت اه
فؤاد لأ بصى فى عينى وقولى مش عايزاك تقرب
روح بضعف من قربه مش عاا..يزاك .. تقرررب
فؤاد عايزانى اروح لسلمى واقرب منها
روح بلعت ريقها وقالت اه عايزاك
فؤاد قعد يبص فى عينيها وكل لما روح تنزل عينيها يقوم هو رافع وشها ليه
فؤاد يعنى مش حاسه بأى حاجة دلوقتي وانا جنبك
روح بضعف واضع لأ مش حاسه حاسه حاجة
فؤاد قرب منها اكتر وحط راسه على رقبتها وباسها
فؤاد قعد يتنفس على رقبتها
روح صوت نفسها على لدرجة أن فؤاد سمع صوتها
فؤاد بصوت هامس قال عايزانى ابعد؟
روح لللللأ
فؤاد ابتسم اوى على ردها وقال وانا كمان مش عايز ابعد عنك لانى بحبك
روح فجأة حست انها فاقت وافتكرت كل حاجة فبعدت عنه دخلت الاوضة
فؤاد بصدمة هو ايه اللى حصل .. ليه جريت
فؤاد وروح قضوا الليل فى التفكير فى اللى حصل وفى اللى جاى من علاقتهم
تانى يوم
روح راحت الكلية علشان تركز فى دراستها
بعد المحاضرة
منى عامله ايه يا روحى .. اخبارك ايه
روح بخير الحمد لله .. معلش مشغولة اوى الفترة دى
منى من ايه يا حبيبتى
روح تعبانه اوى يا منى .. حاسه انى متضايقة
منى ربنا معاكى يا روح ... بصى الشاب اللى هناك ده
روح بصت وقالت مش عارفه ليه كل شوية اشوفه ماشى ورايا .. عايزة أكلمه افهمه ولا اقولك مش مهم
منى سيبك منه .. يلا نروح
روح معلش أنا هروح لوحدى
منى تمام يا روح
بره الكلية
_ كنت مستنياكى
يا ترى مين ده ؟؟؟!!!