فصول روايات
1

رواية بنت الادهم حور وادهم كاملة جميع الفصول بقلم شهد هاشم

عشاق الروايات

رواية بنت الادهم حور وادهم كاملة جميع الفصول بقلم شهد هاشم


رواية بنت الادهم حور وادهم كاملة جميع الفصول هى رواية من كتابة شهد هاشم رواية بنت الادهم حور وادهم كاملة جميع الفصول صدر لاول مرة على موقع التواصل الاجتماعى فيسبوك رواية بنت الادهم حور وادهم كاملة جميع الفصول حقق تفاعل كبير على الفيسبوك لذلك سنعرض لكم رواية بنت الادهم حور وادهم كاملة جميع الفصول

رواية بنت الادهم حور وادهم كاملة جميع الفصول بقلم شهد هاشم

رواية بنت الادهم حور وادهم كاملة جميع الفصول بقلم شهد هاشم

عارفه يا حور انتي صعبانه عليا اوي 
حور . وده ليه بقي إن شاء الله
ادهم .يعني انتي متخيله اتدبستي في جوازه انتي مش عاوزاها اصلا وكلها شهر  وهتلاقي واحده جديده عايشه معاكي هنا 
حور .باستفزاز .عادي 
سابني ومشي وسط أفكاري ؛ انا وادهم لسه متجوزين جديد مجرد بس كانت وصية باباه قبل ما يموت انو يتجوزني ولما مات وفتحوا الوصيه بعدها بيومين كنا انا وادهم متجوزين 
.....
حور. ما لسه بدري 
ادهم .وانتي مالك ؛ ملكيش اي علاقه بيا ولا حتي تتكلمي معايا
حور. حيلك حيلك مكانتش مجرد كلمتين يعني 
....
صحيت الصبح لقيته بيشرب قهوه وقاعد علي مكتبه وهو دايما كده ملامحه الجميله شعره البني عيونه اللي نفس لون شعره ؛ دايما هو كده .
ادهم .صباح الخير اسف علي طريقتي اللي كلمتك بيها امبارح
حور. لا عادي 
ادهم .طيب انا نازل 
حور. هتقابل عروستك بقي الجديده 
ادهم .يعني حاجه زي كده 
....
ادهم مش مجرد كان جار ليا ادهم كان شخصيه خياليه بالنسبالي دايما بسمع كلام الناس عنه الحلو كنت دايما بدعي يكون ليا ويوم ما اتقدملي كنت اسعد واحده في العالم كله بس بعدها اكتشفت انو هو متقدم بس علشان وصية باباه بس قولت لازم احاول علشان اخليه يحبني 
....
حور . بترجع متأخر لي يا أدهم 
ادهم .يعني بقعد مع اصحابي شويه وبرجع اسلم علي ماما علشان بقيت عايشه لوحدها 
حور وهيا بتكلم نفسها .انا فرحانه اوي حكالي هو اتاخر لي مقاليش انتي مالك 
ادهم .سرحتي في اي يا حور 
حور .ها لا ولا حاجه ؛.طيب اكلت
ادهم .لا وجعان اوي 
حور .ولا انا ثواني ويكون الاكل جاهز 
...
بدأت اكل انا وهو 
ادهم . للدرجه دي أنا جميل اوي يعني 
حور .اوي 
ادهم .نعم 
حور. لا مبقولش حاجه 
ادهم بضحكه خفيفه  .هعتبر نفسي مسمعتش حاجه 
حور . جدع كده 
...
حور. ادهاااااام 
ادهم . ايه يا حور في اي 
حور. انا هنزل لطنط  تحت أقعد معاها 
ادهم . طيب هلبس بس وننزل انا وانتي 
حور. تمام 
.....
حور. انا قولت اي بقي يا طنط أقعد معاكي شويه لحد ما ادهم ييجي علشان بقعد لوحدي 
والدة ادهم .يا حبيبتي بعد ما مامتك ماتت وانا يعتبر اللي مربياكي قوليلي يا ماما احسن
أخدتني في حضنها وحقيقي هيا كانت بنفس حنية ماما 
والدة ادهم .قوليلي بقي يا حبيبتي ادهم عامل معاكي اي 
حور. والله يا ماما كان في الأول وحش معايا بس حاليا بقي احسن بكتير 
والدة ادهم .طيب الحمد لله 
حور. بس قال انو هيجيب واحده تانيه الشقه بعد شهر 
والدة ادهم. يلاهوي هيتجوز عليكي 
حور. والله مش عارفه بقي ؛ هو كان بيحب واحده قبل ما يتجوزني 
والدة ادهم. هيا  كانت في واحده عاوز يخطبها
كنت لسه هكمل كلامي بس قطع كلامنا ادهم 
ادهم .كنتوا بتقولوا اي وسكتوا 
حور. ها ولا حاجه 
ادهم .طيب يلا يا حور عاوزه حاجه يا ماما 
والدة ادهم. لا يا حبيبي
...
مشينا وطلعنا فوق الشقه اصل احنا فوق بعض علي طول 
حور. اكلت ولا عاوز تاكل 
ادهم .لا اكلت برا مع مها 
حور . مها
ادهم. مين مها حد قال مها 
حور.اه انت قولت 
ادهم بتغيير الموضوع.طيب انا نعسان تصبحي علي خير
...
صحيت الفجر لقيتها كانت نايمه علي الانتريه اللي برا ؛ شيلتها وحطيتها علي السرير .
...
حور. انت إزاي تشيلني 
ادهم. خلاص المره الجايه مش هشيلك
حور . لا 
ادهم. هو اي اللي لا 
حور . استاذني الاول قبل ما تشيلني 
ادهم .بس يا حور بس 
...
عدي اسبوعين كاملين وقربنا من بعض اوي انا وادهم بقينا اتنين متجوزين حقيقين مش مجرد بس كانت وصيه وخلاص 
بس فجاه 
~دي الشغاله بتاعتنا يا **** 
/مالك يا حبيبتي في اي 

متنساش ان الرواية موجودة كاملة في قناة التلجرام والواتساب
↚
هنا .دي الشغاله بتاعتنا يا ادهم 
ادهم بزعيق  قبل ما حتي تتكلم حور. بس يا هنا 
هنا .طيب يا حبيبي انا مستنياك جوا  .
حور. مين دي يا ادهم 
ادهم وهو كان عاوز يهديني ومسكني من كتفي . بصي ده وضع صدقيني أنا نفسي حاليا كارهه 
حور. يعني هيا قريبتك 
ادهم .
حور. لا لا استني بس هيا ازاي هتقولك يا حبيبي وهيا قريبتك 
ادهم بنبرة حزن .مراتي 
حور بصدمه. يعني كان كلامك في أول جوازنا صح انك هتتجوز عليا 
ادهم وهو مسكني من كتفي وبيهديني . حور بس انا
حور بمقاطعه .اوعا ايدك يا ادهم 
نزلت اجري علي ماما تحت علشان أقعد معاها
حور بعياط. مكنتش مجرد كلمه بيقولها يا ماما 
والدة ادهم . لا مستحيل في حاجه غلط ؛ ادهم كان حبك اوي يا حور 
حور. معدتش فارقه يا طنط 
والدة ادهم وهيا بتطبطب عليها .ادهم بيحبك واكيد ده كله هيتحل 
....
هنا .انت لو مكنتش لسه بتحبني انت مكنتش إتجوزتني يا ادهم ؛.ادهم يا حبيبي احنا بنحب بعض بقالنا تلات سنين كاملين انا أولي بيك منها 
....
لقيت حد وانا نايمه بيبوس راسي بس يعني اكيد هتكون طنط علشان تواسيني
....
نزلت ليها في شقة ماما ؛ كانت نايمه ؛بوستها علي راسها ومشيت 
.....
والدة ادهم .يا خايبه مينفعش تفضلي هنا قومي روحي شقتك ؛ كده هينساكي
....
هنا .ادهم انت جيت
حور. لا يا حبيبتي مراته 
هنا .ادهم مش هنا
حور. طب ما انا عارفه انو مش هنا بس ده بيتي وانا حره فيه قبل ما يكون بيتك 
هنا .انا لادهم وبس انتي ملكيش مكان 
حور .طيب ماشي انتوا الاتنين بتحبوا بعض انا بقي يا ستي قاعده هِنا في الشقه ملكيش فيه
....
ادهم . حور
حور. مش كنت حتي تقولي يا ادهم
ادهم وهو بيحضنها .مكنتش هقدر اقولك يا حور بس خليكي هنا انا عاوزك جمبي
حور. انا علي طول معاك 
....
عدي اسبوع كان بين كره هنا ليا وأنها بتحاول علي قد ما تقدر تخليني اطلع من الشقه بس كله يهون علشان ادهم .
هنا .ا .ا ه انا تعبانه اوي 
ادهم .فيكي حاجه
هنا . اه تعبانه يا ادهم 
اخدناها وروحنا عند الدكتور
الدكتور. مبروك المدام حامل يا استاذ 
الدكتور قال كده وانا مكنتش حاسه بأي حاجه زي ما يكون الزمن وقف وشايفه بس ابتسامة ادهم وهنا لبعض 
روحنا البيت وطبعا والدة ادهم فرحت انو اخيرا هيبقي عندها حفيد ؛ ابتسامتهم كلهم واضحه لبعض 
طلعنا فوق الشقه 
هنا. مش هتقوليلي مبروك 
حور بنبرة فيها عياط .م .م.بروك 
دخلت جوا وانا عياطي كان كافي حتي انو ميخلينيش افكر في اي حاجه مجرد عياط بس 
لقيت ادهم دخل عليا 
حور بعياط . متتكلمش ولا كلمه ؛ لما اتجوزتها قولت عادي عدي الموقف علشان يمكن بتحبها حتي لو أقل مني ؛ بس انها تبقي حامل منك يا ادهم ده حقيقي اللي اثبت ان هيا اولي بيك مني ؛ اطلع يا ادهم مش عاوزه حتي اسمع منك اي حاجه 
ادهم .بس يا حو
حور بمقاطعه .اتفضل اطلع 
...
جه اليوم اللي بعده وكان ادهم في الشغل وجيه هو ومامته  واول ما وصل 
هنا . شوفت يا حبيبي النهارده حور حاولت توقعني من علي السلالم علشان انزل البيبي بص حتي ايدي اتخربشت ازاي 
ادهم ومامته .ليه كده يا حور ؛ ليه الكره ده كله ليها 
حور. انا معملتش حاجه والله دي بتكدب 
ادهم بزعيق .امال اثر الجرح اللي في أيدها ده اي 
حور بعياط . معرفش معرفش 
...
كان كل يوم يعدي بالشكل ده ادهم ومامته مصدقينها وانا بس بستحمل علشان حبي لادهم 
بس في مره 
هنا .يا حبيبي النهارده حور رمت الدوا في الزباله علشان ماخدوش
ادهم .يا حور انا قولت ١٠٠ مره تبطلي كده ؛ انتي مش بتحرمي يا حور 
حور. حرام عليك بقي انا مستحمله ده كله علشانك انت بس وما عمري عملت ليها اي حاجه ؛وبعدي علشانك بس هتوصل انك تقعد تزعق كل يوم ليا لا يا ادهم
حور. ا.ا. اه 
ادهم .حور مالك 

حور . ا. اه
ادهم. حور انتي بخير 
حور . بطني وجعاني اوي 
ادهم .طيب اوديكي الدكتور 
حور. لا لا 
مشيت وسبتهم ودخلت اوضتي اخدت مسكن لحد الصبح بس 
...
ادهم .هنا هيا فين حور 
هنا .معرفش وانا مالي 
ادهم .مش من عادتها أنها تمشي ومتقولش 
....
لما اخدت المسكن ارتاحت شويه وبعدها بتلات ساعات الالم هوا هوا بس استحملت لحد الصبح وخرجت
....
دكتور احمد .مبروك انتي حامل 
حور بفرحه مع زعل .بجد 
دكتور . اه تقدري تتابعي وتيجي بعد شهر علشان نتطمن 
حور. اه طبعا عن إذنك .
قررت اروح البيت ومقولش لادهم ؛ هو حاليا هيكون في الشغل هكتب ليه رساله وهمشي خالص
.....
بعد سبع ساعات ادهم جيه من الشغل 
ادهم .هيا لسه مجاتش لحد دلوقتي يا هنا
هنا .لا جات قعدت في اوضتها ومشيت 
فضلت ادور عليها برا كتير اوي ملقيتهاش رحت لكل الاماكن اللي ممكن تروحها 
ولما روحت لقيتها كاتبه رساله 
صدقني انا في الأول جيت علي نفسي واتجوزتك بالرغم من إنها كانت وصية باباك وانا كنت بحبك بس قولت عادي هو كمان هيحبك ؛جيت علي نفسي كتير اوي معاك اول يومين فرح بعدها اتحسنت معايا وقولت خلاص اهو بدأ يحبني لقيتك داخل عليا بواحده عديتها وقولت ماشي هستحمل علشانك انما تبقي حامل منك كمان مكنتش قادره استحملها خالص ؛ بدأت تكدبني وتقول عليا كلام وحش وانت صدقتها انت وطنط بس في الاخر مكنش ينفع استني اكتر من كده ورقة طلاقي توصل ليا يا ادهم علي العنوان ده وعلشان تبقي عارف انا مش موجوده هناك دول بس قرايبي .
....
خديجه صاحبة حور. مالك يا حور 
حور. عاوزه أقعد عندك بس 
خديجه .يا حبيبتي تنورينا اصلا هتنوري البيت عليا انا وماما 
قعدت معاهم ؛خديجه تبقي صاحبتي عايشه هيا ومامتها لوحدهم في الشقه اخوها مسافر برا ووالدها ميت
خديجه .بقي ده كله يحصل ليكي ومتقوليش يا حور 
حور. كنت بس بعدي علشان كنت بحبه 
خديجه .طب ودلوقتي 
حور. دلوقتي اي 
خديجه . لسه بتحبيه 
حور. حتي لو بحبه بعد اللي عمله مش هينفع 
اصلا نكمل مع بعض 
خديجه .طب واللي في بطنك ده 
حور. هو مش كان بيعاملني وحش ومصدق الزفته اللي كانت معاه خلاص خليه بقي يبقي لي ابن بس منها مش مني 
خديجه .ايوا بس هو من حقه يعرف 
حور. يلا سيبك 
....
قعدت معاهم وحقيقي عوضوني عن سفر بابا وماما برا ؛ هما سافروا اول ما اتجوزت ادهم قال اي اطمنوا عليا 
.....
لحد دلوقتي ورقة طلاقي اللي قولتله عليها موصلتليش عند المكان اللي قولتله عليه 
.....
*وحشتيني 
"مراد 
~انت بتعمل اي عندك هِنا 
.....

مراد. وحشتيني 
حور. مراد 
ادهم .انت مين وبتعمل اي هنا 
مراد .انت اللي مين اصلا 
ادهم .جوزها 
مراد وهو مش مصدق وبيبص لحور .ده ازاي 
حور.اذيك يا مراد تقدر تقول كده هيبقي طليقي 
ادهم بزعيق .حور
حور. ايه عاوز ايه مش انت اتجوزت عليا خلاص ؛ ورقة طلاقي توصلني يا ادهم عن إذنك .
مشيت وسبته ومراد وداني عند شقة خديجه لأنها تبقي أخته 
مراد بالنسبالي كان اخ حنين اوي كان دايما معايا في كل تصرفاتي هو يعتبر أكبر مني بشهرين واخويا في الرضاعه
فرحته وهو بيسلم علي خديجه ومامته بعد ما جيه من السفر كانت ضحكته حلوه اوي 
مراد .مين بقي اللي جيه وانا لسه بكلمك ده 
حور.ياه يا مراد دي حكايه صعبه اوي 
مراد .لما تبقي احسن احكيلي 
حور . اه طبعا 
مراد .طيب انتي حاليا كنتي عايشه هنا وانا جيت وطبعا هتتكسفي تقعدي معايا فلو كده انا هقعد برا في فندق لحد ما أسافر وابقي اجي اسلم عليكوا 
حور .لا طبعا ازاي تقول كده ده بيتك انت لازم تقعد فيه
مراد .مفيش حل غير كده يا حور 
حور. انا هروح شقة بابا أقعد فيها 
مراد .طيب  وابقي طمنيني عليكي 
 
نزلت من شقة خديجه لانو مهما كان بيته برده ولازم يرتاح وانا رحت شقة بابا وماما وطبعا بما انو إحنا جيران ادهم فعرف انو انا جيت 
ادهم .انا ده كله سايبك براحتك ومزعقتلكيش قدامه 
حور. يا استاذ انت اكيد عرفت من طنط والدتك انو اخويا في الرضاعه اصلا وبعدين مش هسمح لنفسي أكلم حد غريب يعني 
ادهم .طيب يا حور اطلعي معايا يلا 
حور. مش هطلع 
ادهم بزعيق .بقولك يلا يا حور 
حور.وانا قولت لا 
ادهم .طلاق مش هطلق يا حور 
حور. إنت انسان اناني اوي وانا مش هقبل علي نفسي ابقي معاك تاني 
ادهم .طلقتها علي فكره 
حور. نعم 
ادهم. زي ما سمعتي كده 
حور. ولو انا مالي براحتك تطلقها متطلقهاش ده يرجعلك انت 
ادهم .مش هينفع كده كفايه الفتره اللي بعدنا عن بعض فيها 
حور. اعمل حسابك بقي انها هتبقي فتره كبيره كمان 
ادهم بهدوء . يلا يا حور 
حور.انا حامل 
ادهم. اه اطلعي بقي زيها تكوني بتكدبي عليا 
حور. زيها اي مش فاهمه 
ادهم .كانت بتكدب علينا كلنا وكانت متفقه مع الدكتور  اللي روحنا ليه حتي لو تلاحظي إنها كانت مصممه عليه يا حور 
حور. انت ظلمتني كتير يا ادهم وانا كنت ساكته وبستحمل 
ادهم .بس بقي ظلمتك اي انا اصلا اتجوزتها رحمه ليا وليكي 
حور. يعني اي يعني 
ادهم .يعني خلاص براحتك يا حور عاوزه تطلقي ماشي .
مشي وسابني وانا مش فاهمه يعني اي رحمه ليا وليه ؛ سابني أنا وأفكاري صوت أفكاري يعتبر اعلي من اي حاجه 
...
صحيت الصبح وقولت اسلم علي والدة ادهم مهما كانت برده هيا كانت مربياني 
والدة ادهم .وحشتيني اوي يا بنتي اسفه لو كنت اتعصبت عليكي في مره بس شعور ان كان هيبقي عندي حفيد ده كان شعور حلو اوي 
حور. انا مش زعلانه يا طنط وبالمناسبة انا حامل وعاوزاكي تيجي معايا علشان اعمل التحليل ده علشان تتاكدوا 
والدة ادهم .انتي تربيتي يا بت يعني مستحيل تخدعينا 
حور. بس كان عادي انكم تصدقوا اللي كانت بتقولوا عليا
والدة ادهم. انا اسفه يا حبيبتي بس بكره تبقي ام وهتحسي شعور انك بتخافي علي حفيدك برده 
حور. خلاص يا طنط يلا نروح نعمل التحاليل 
والدة ادهم. طالما رجعتي قولتي طنط تاني تبقي لسه زعلانه 
حور. لا مش زعلانه يا ماما 
والده ادهم حضنتها ودخلت لبست وراحوا عملوا التحاليل واستنينا يومين وروحنا جيبنا النتيجه وطلعت حامل زي ما قولت بس واحنا جايين حصل *********
~ متخافيش انا جمبك 
/صدقيني لو هموت علشان انتي ***** هعمل كده 

بعد ما جينا من التحاليل وروحنا البيت والدة ادهم رنت عليه علشان تعرفه اني حامل حقيقي  بس مكانش في رد 
روحت البيت عند ادهم 
هنا .حامل مش كده 
حور. انتي اي اللي جابك هنا 
هنا .تؤتؤ تتكلمي معايا بطريقه احسن من كده 
انا ممكن اقتلك حالا 
حور. اطلعي برا وبعدين عرفتي منين أن انا حامل 
هنا .موبايل ادهم كان في أيدي وانتوا زي المتخلفين قولتوا علي طول بس لحظك بقي كان ادهم برا اجتماع الشغل وانا مسكت موبايله 
حور بزعيق . قولتلك برا 
.....
ادهم . ماما هيا حور فين 
والدة ادهم . مش موجوده عندي طلعت عندك الشقه 
ادهم .طيب عاوزه حاجه 
والدة ادهم.  لا يا حبيبي سلام 
طلعت فوق وملقيتهاش؛ بس المره دي في رساله هيا كاتباها "لن يوجد وداع بيني وبينك ؛ فراقنا سيدوم لسنوات لا لساعات " 
......
بحاول ادور عليها من موبايلها بيعت ليها رسايل عملت تتبع للموبايل لقيته في شقة والدها اللي باباها ومامتها عاشوا برا وهيا مش موجوده ؛ دورت في كل مكان مش لاقيها بقيت بدور علي وشها في كل حاجه في حياتي بس لاقي كل حاجه ما عدا هيا
.....
~ البقاء لله 
......
/ تعرفي انو انت فيك شبه منه 
.....
- اذيك يا عمو
...... 

حور. تعرف يا مراد انت فيك شبه من بابا 
مراد بس بيضحك .
عدي سنه ونص  كامله علي فراقي من ادهم  ؛ كنت لازم ابعد وأشوف نفسي كويس ؛كفايه اللي حصل لحد كده ؛ قررت أعيش عند حد من قرايبي في اسكندريه وابعد خالص وسبت حتي موبايلي في شقة بابا علشان ميعرفش ليا طريق؛ عدي سنه وهو مشافش ابنه لانو انا عاوزه كده 
....
السكرتيره .واحد اسمه سامح عاوز يقابل حضرتك 
ادهم .طب دخليه بعد دقيقه بالظبط 
سامح والد هنا .مراتك ماتت يا ادهم 
ادهم بزخفه .حور حصلها اي ؛ طب هيا فين 
والد هنا .كل اللي في دماغك حور ؛ بنتي هيا اللي ماتت يا استاذ 
ادهم .البقاء لله 
والد هنا .ايه الثبات اللي فيك ده 
ادهم .انت عملت موقف انت وبنتك فيا مش هسامحك فيه طول حياتي 
والد هنا .ده كله علشان بس جبرتك تتجوز بنتي 
ادهم .مقابل انك تخليني امضي علي شيك فيه ٣٠٠ مليون جنيه انك انت ليك عندي فلوس وانت مجرد واحد شغال تحت ايدي في العياده ولو مدفعتش تدخلني السجن صح لا وكمان 
عوده لسنه ونص  فاتوا 
والد هنا .الشيك اهو معايا ممكن تدخل السجن حالا 
ادهم .شيك اي ده
والد هنا . انت كنت معتبرني زي والدك وممسكني كل حاجه في شغلك ؛ وكنت بتمضي علي طول لدرجة ثقتك فيا ؛ طب حتي لو دخلت السجن هتدخل بقضيتين 
كان في نفس الوقت فاتح مكالمه مع واحد راح شقة ادهم وبيخبط 
والد هنا .انا هفتح اهو مكبر الصوت في واحد عندك في شقتك وهيقولها انو هو جاي يدي ورق لشغلك بس هو في الحقيقه معاه سكينه 
وفتح الفيديو صوت وصوره مش صوت وبس 
والد هنا .اهو بص شقتك اهي والسكينه في ايده ؛ هتفتح الباب هتموت وانت هتدخل السجن بقضيتين قتل والشيك اللي مش هتدفعه 
ادهم بزعيق .انت راجل خاين وواطي 
والد هنا .تتجوز هنا بنتي ؛ انتوا كنتوا مع بعض من اول ما جات الغبيه اللي اسمها حور دي وانت كرهت بنتي 
ادهم .وهفضل اكرهها
رجوع للحاضر
ادهم .وبالاجبار تخلي بنتك تبقي حامل مني علشان هنا متموتش حور صح 
والد هنا . انت لازم تموت زي ما بنتي ماتت 
ادهم .انت ناسي انو انا لما عرفت انك جيت وقفتك برا دقيقه رنيت علي البوليس وبلغت عنك وسيبتهم يسمعوا كل اللي انت قولته وانك عاوز تموتني واهم هما وراك
.....
اخدوه السجن واتحبس بكذا قضيه ؛ محاولة ق*تل ؛ رشو*ه ؛ في الاخر ربنا اداله علي قد اللي كان بيعمله
.....
والدة ادهم .لسه برده ملقيتهاش
ادهم . لسه والله يا ماما 
والدة ادهم .دور عليها يبني دي كانت حامل منك والتحاليل كانت صح 
ادهم . بدور يا ماما 
والدة ادهم .احنا ظلمناها كتير يبني 
ادهم .تاني يا ماما تاني انا اتجوزت وخليت هنا تبقي حامل علشان حور متتأذيش وكنت عارف انها هتبقي حامل لما انا وهيا حبينا بعض 
والدة ادهم.بس احنا يا حبيبي اول ما هنا كانت حامل كنا بنعامل حور وحش 
ادهم .واهو ربنا بيجازينا علي اللي احنا عملناه فيها ؛بس انتي كان نفسك في حفيد ؛ وانا كنت دايما بشوف غيرة حور عليا ؛ فكنت خايف أنها تاذي هنا وساعتها حور مكانتش هتعيش كان أبو هنا هيقتلنا 
والدة ادهم .يارب يبني تلاقيها 
ادهم .يا رب يا ماما ؛ أنا رايح خطوبة واحد صاحبي في اسكندريه 
والدة ادهم .طيب يا حبيبي تروح وترجع بالسلامه 
......
وصلت اسكندريه انا وصاحبي كانت خطوبته النهارده 
كنت عاوز اشرب فشاورولي علي مكان اللي هشرب منه كان في المطبخ 
حور. يا مراد تعالي بقي متدوخنيش 
كنت بشرب مايه ولقيتها من صدمتي مكنتش عارف حتي ابلع المايه
ادهم وهو بيحضن حور. وحشتيني اوي 
....
حسيت زي ما يكون جردل مايه ساقعه وقع عليا ؛ حضنه وصوته خلوني أقف في مكاني متحركش .
عدي اكتر من دقايق واحنا علي نفس الوضعيه دي 
ادهم وهو بيمسك ايد حور . وحشتيني اوي 
ليه تعملي كده وتبعدي ؛ دورت عليكي في القاهره منطقه منطقه ملقتكيش؛ كنت بدور عليكي في كل مكان في كل وش قدامي ؛ بلاقي كل حاجه مبلاقيكيش انتي 
حور. ده مراد ابنك 
كان ردي علي كلامه بإن ده ابنه 
لقيته بيشيل مراد وبيحضنه والغريب انو مراد مكانش بيبقي هادي كده مع اي حد بس بقي هادي معاه ومعيطش 
قعده علي رجليه وبدا يتكلم معايا 
ادهم .تخيلي الصدفه انو جاي مع صاحب عمري في خطوبته الاقيكي هنا 
مكنتش عارفه ارد عليه بأي حاجه ؛ كنت كل اللي عاوزاه بس منه انو اسمع صوته وهو بيتكلم من تاني 
ادهم .حور يا حور 
حور. معلش سرحت شويه 
ادهم . بعد الخطوبه هنرجع بيتنا يا حور 
حور. بيتك يا ادهم مش بيتنا 
ادهم .لا بيتنا 
مره واحده لقيت مراد بيقول بيتنا زي ادهم 
ضحكت انا وادهم علي تلقائية مراد وصوته 
ادهم .في حاجات كتير عاوزه اقولهالك 
حور . مهما حاولت تقول مش هترجع ماضي كان وِحِش يا ادهم 
ادهم وهو بيحضني . صدقيني كل اللي عاوزه منك بس تسمعيني
حور. ماشي يا ادهم 
خلصنا الخطوبه بس كنا تعبانين فقررت منروحش النهارده ؛ نخلينا بس النهارده وبكره نمشي 
...
بقالي سنه ونص منمتش جمبه ؛محسيتش بالأمان من سنه ونص فاتوا 
كان ادهم علي طرف السرير اللي علي اليمين ومراد قدامه والاتنين وشهم ليا ونايمين 
كمية شبه بينهم رهيبه ؛ يمكن الحاجه الوحيده اللي كانت مصبراني علي بُعدي من ادهم انو كنت بشوف ادهم في مراد 
....
مراد .إِتَ نِين 
ادهم .ده انت الحروف عندك بايظه خالص تقصد يعني أنا مين 
مراد .اه 
ادهم .بابا 
مراد .إِسَك بابا 
ادهم .لا مسميش بابا اسمي ادهم بس انت هتقولي يا بابا
مراد. يعني انا تِدَه عَدِي إتين بابا 
ادهم .انت الحروف عندك محتاجه تتظبط ؛ بس انت معندكش اتنين بابا ؛عندك واحد بس هو انا 
مراد .لأ
سابني وطلع وانا مش فاهم قصده ازاي يقول أنا كده عندي اتنين بابا إلا لو حور ******
...
نزلت تحت علشان أهل حور أصروا انو افطر معاهم وبعدين 
عم حور . اتفضل انت لازم تفطر معانا ؛ حور كانت دايما تشكر فيك وتقول انك دكتور وفعلا فيك شبه كبير من ابنك مراد 
ادهم .ليه محاولتش تقنعها انو حتي نشوف بعض والاقيها 
عم حور .ياما حاولنا معاها يبني وكانت تقول لو قولتوا هاخد ابني وامشي من البيت ولا هتبقوا انتوا عارفين طريقي ولا ادهم ؛ كنت أسبوعيا يا ادهم يا ابني افاتحها في الموضوع وكانت كل مره هيا اللي بتبقي منتصره في رأيها مش إحنا 
.......
~السلام عليكم ؛ عروستنا رأيها اي 
/ بابااااااا
- وصلت للدرجه دي 
" ده حقي وإنت هت***

كنت باكل ولقيت واحد داخل وبيقول 
احمد . راي عروستنا اي بقي 
مراد .بابااااا
احمد . حبيب بابا 
بابا إزاي وانا موجود 
ادهم بزعيق .انت عبيط اي اللي يخليك تشيل ابني واي بابا دي يا حور 
احمد .وانت مالك يا استاذ انت 
ادهم .جوزها 
احمد .قصدك هتطلقها 
ادهم .لا ده انت عاوز تتربي بقي واديتله بالبوكس في وشه ؛ واخدت حور علي اقرب اوضه 
ادهم .هيا وصلت للدرجه دي يا حور 
حور. ده حقي وإنت هتطلقني 
ادهم بزعيق .والله يا حور لو قولتيها تاني مش هتعرفي اي اللي هيحصلك 
حور. هتتجوز عليا زي ما عملت صح 
ادهم .انتي تبطلي تخلف بقي انا ده كله عملت علشانك وعلشان كنت عارف انك هتبقي حامل مني ؛ انا استحملت كتير ومش راضي اقولك
وفي الاخر عاوزه تطلقي علشان تتجوزي المتخلف اللي برا ده 
حور. المتخلف ده كان بيراعي مراد 
ادهم .ما انتي السبب في ده كله اخدتيه ومعرفتش ليكي طريق بعدتي عن المحافظه خالص ملقيتكيش في اي مكان وعاوزاني اعمل اي بعد كده 
حور. متعملش حاجه ابعد عني بس 
ادهم .مش هبعد يا حور واللي برا دي ان مطلعش من هِنا مش هيشوف برا تاني 
شوفته وهو طالع برا واكيد كان هيتخانق مع احمد 
حور. استني يا ادهم بس مش هينفع تتخانق معاه اهدي بس
ادهم .وبعدين ازاي مراد يقوله لبابا 
حور.انا بس عاوزه انام يا ادهم 
لقيتها نامت ولقيت مراد جاي ليا 
مراد .انت ليه ضربت بابا
حور .حبيبي اللي برا ده مسمهوش بابا 
مراد . امال لي هو قالي قولي يا بابا يا امبارح 
حور. انت قولت اهو امبارح يعني وقت وخلص خلاص وكان هزار اللي جمبي ده بابا الحقيقي 
مراد .يعني انت بابا الحقيقي 
ادهم بضحك .اه انا بابا الحقيقي 
لقيته جيه وحضني يعني اخيرا هقول بابا 
ادهم .اه اخيرا هتقولها 
وبعدين بصيت لحور علي موقفها اللي عملته معايا انا ومراد .
مراد .يلا بقي يا بابا احكيلي حدوته 
حور. بقي كده يا ميمو يعني أنا اللي بحكيلك كل يوم 
مراد .خلاص زهقت انا عاوز بابا 
ادهم حكيتله اي حكايه ونام في حضن
....
صحينا الصبح وكانت حور ومراد جوا
ادهم .خد هنا تعالي ؛ قولتلي بقي انك عاوزني أطلق مراتي 
احمد .هو بعد البوكس بتاع امبارح ده عاوزني انطق حتي 
ادهم .جدع كده تعجبني ؛ انت بقي اتقدمتلها ازاي وانت عارف انها متجوزه
احمد.بصراحه كده لا أنا ولا حور اصلا بنطيق بعض بس هيا قالتلي إن لو معملتلهاش طلبها هتقول انا عملت
ادهم .وانت عملت اي بقي 
احمد .لا يا عم مش هقولك 
ادهم .فاكر البوكس بتاع إمبارح 
احمد .لا وعلي اي  ياعم كان في طقم كوبايات غالي اوي علي ماما فانا اللي كسرته وامي لما عرفت انو اتكسر  حلفت بالله وقالت انو لما تعرف مين اللي كسره هتبيته برا البيت ؛ يرضيك ابات برا البيت وانا معنديش حد 
ادهم .كمل وبعدين 
احمد .من سوء حظي حور شافتني في نفس اليوم اللي انت جيت فيه انا كسرت طقم الكوبايات وانت جيت بعدها وقالت هتعمل ليا مصلحه مش هقول لو معملتش هقول
ادهم .اه وقالتلك بقي علشان ادهم جيه تروح انت ممثل يعني أن انت هتتقدملها
احمد .عليك نور
ادهم .وبالنسبه لمراد اقنعته ازاي 
احمد.جابتله مصاصه وقالتله والدك الحقيقي جاي النهارده بس انت قول لاحمد ده انو هو بابا مقابل اديك المصاصه بس النهارده بس 
ادهم .دي عاوزه تنتقم بقي 
احمد . معرفش وانا مالي
ادهم .طيب امشي بقي انتي 
احمد .مش هتقول لامي انو انا اللي كسرت طقم الكوبايات صح 
ادهم .لو قولت لحور انو انا عرفت هقولها 
احمد .متخافش يا اخويا سرك في بير مش هقولها 
ادهم .وهتروح تقول لحور انو انا ********** 
وانو لسه مت*** 
احمد. مقابل اي 
ادهم .مش انت دكتور زيي 
احمد .ايوه 
ادهم .هجيبك تشتغل معايا في القاهره 
احمد .حيث كده ماشي انا رايح 
....
حور. لا مستحيل ازاي 
- زي ما بقولك كده 
- الحقي 
....
ياتري ادهم قال اي لاحمد علشان حور تعمل كده ؛ وايه اللي حصل علشان الشخص ده يقول الحقي _اكيد هيبقي اوضح البارت اللي جاي 

احمد .زي ما بقولك كده في واحده قريبته معاه برا في الجنينه
حور . لا مستحيل ازاي يعني معتقدش انو ليه قرايب هنا 
احمد .اهو زي ما بقولك كده 
جريت علي طول علي الجنينه ولقيته فعلا معاه بنت 
حور. انتي مين بقي إن شاء الله 
مريم .مين دي يا ادهم 
حور . مراته 
مريم .ايه ده دي مراتك
حور.اه مراته 
ادهم وهو بيهمس لحور. مش كنتي من شويه عاوزه تطلقي 
حور. بس دلوقتي وتعالي معايا مراد تعبان عم إذنك يا بت انتي 
ادهم .ماله بقي ادهم 
حور.ها لا كان تعبان  وخف 
ادهم .بتغيري ولا اي 
حور. ها لا طبعا 
ادهم .طيب انا رايح بقي أقعد معاها شويه 
حور. مش هتتحرك من هِنا 
ادهم .هتحبسيني يعني 
حور. اه بالظبط كده
...
خرجت برا الأوضه علشان بس اتصل عليها 
ادهم .بس معرفش أن انتي ممثله حلوه كده 
مريم .عيب عليك يا اخويا 
ادهم . تسلمي باي بقي 
مريم.باي 
.....
ادهم .كنت عاوز احكيلك علي حاجه 
حور. قول
حكالها علي اللي حصل وليه اتجوز هنا اصلا 
حور. ده بجد
ادهم .لو مش مصدقاني في تسجيل سجلته ليه وهو بيتكلم معايا 
حور سمعته 
حور. طيب يا ادهم برده كنت حتي تقولي 
ادهم .لو كنت قولتلك كنتي هتعندي اكتر يا حور 
حور. ربنا يرحمها بقي 
ادهم .يارب 
حور. مين بقي البت اللي كانت تحت دي 
ادهم .دي تبقي قريبه ليا هنا في اسكندريه 
حور .بت مستفزه اوي 
ادهم .هيا عملت ليكي حاجه يا بنتي 
حور .اهو كده بقي وخلاص 
مراد .ما تناموا بقي بطلوا كلام 
حور . حاضر يا حبيبي بابا بس هو اللي بيسال عن كل حاجه 
ادهم .انا برده 
حور. ايوه 
....
صحينا الصبح 
ادهم .لا جدع كده 
احمد .شوفت بقي هتشغلني امتي عندك 
ادهم .اول ما ارجع القاهره اعتبر نفسك اشتغلت 
احمد .اخويا وعم عيالي 
ادهم.طيب حيث كده بقي انا هروح اقول لامك علي مين كسر طقم الكوبايات 
احمد .يعني بعد اللي عملته ده كله تروح تقول 
ادهم .بهزر معاك يا عم 
احمد .حيث كده يا ماشي 
ادهم .يا ام احمد عارفه مين اللي كسر الكوبايات 
احمد .لا ده بيهزر يا ماما مش اكتر 
....
رجعنا البيت 
ادهم.دي أوضتك يا مراد اي رايك 
مراد .حلوه اوي
ادهم .طيب يلا ادخل نام. 
مراد .حاتر 
ادهم .اسمها حاضر مش حاتر 
مراد .حاضر 
ادهم .شطور تصبح علي خير 
.....
حور. هو نام ولا لسه 
ادهم .هو حاليا نايم 
حور. تصدق واحشني البيت اوي 
ادهم .وانتي كمان وحشتيني والله اوي 
حور. انا بقول البيت مش انت 
ادهم .لا مهو انا والبيت واحد 
حور.لا والله 
ادهم .اه والله 
......
~زي ما بقولك كده مش ابنها وهيا بتكدب عليه
* يعني هيا كده متجوزاني انا في الحقيقه مش انت 
/ ده كله وانتي مستغفلاني 

زي ما قولتلك كده انت مش ابنهم الحقيقي ؛ ودي صوري معاهم وانا صغير 
ادهم .انت مجنون انت إزاي تقول كده 
عادل . ولا مجنون ولا حاجه انت اصلا مش ابنهم الحقيقي 
ادهم . انت عبيط بقي اطلع برا 
عادل . بابا وماما اتجوزوا عادي بس الفكره انو كانوا العيلتين مش راضيين اوي عن جوازتهم 
بعدها انا جيت قعدت معاهم لحد ما كان عندي ١١سنه وبعدها والدة ماما ماتت واهلها حكموا عليها انو هتاخد ورثها بس في حالة إنها مخلفتش من بابا ؛ كنت سامعهم في اليوم ده وانا قاعد في اوضتي وقالوا كمان أنهم هيودوني شهر كامل عند واحده صاحبتها علشان هما هيراقبونا سواء في البيت أو في الشارع وكده يعني ؛ مكنتش مصدق ان في أم ممكن تعمل كده في ابنها مقابل ورث ؛ ولما رحت عند صاحبتها كنت كل يوم بستناها تيجي مبتيجيش ؛ وبعدها قررت اهرب من عند صاحبتها دي كنت صغير لسه ومش عارف اروح فين مشيت لحد ما تعبت وروحت دار الايتام وعملت نفسي مش فاكر اسمي خالص قررت امسح كل حياتي اللي فاتت من دماغي 
ادهم .وأنا بقي دكتور نفسي أقعد اسمعك اطلع برا بقولك 
عادل. . مش مصدقني تعالي اوديك البيت بنفسي 
كان الشبه بينها وبين بابا الله يرحمه كان واضح اوي ؛ كنت خايف اروح الشقه عند ماما ويطلع صح وكنت خايف يطلع نصاب بس الشبه ده هو اللي خلاني اروح معاه 
عادل .احنا وصلنا اهو ده البيت صدقتني ولا لا 
ادهم .مهو انت ممكن تكون مراقبني وعارف البيت عادي يعني 
عادل . طب يلا نطلع وتشوف بنفسك .
خبطت علي الباب وكان عادل جمبي 
ماما .ادهم ابني 
ادهم ابنها الحقيقي اللي هو عادل  . ملحقتش اتكلم ولقيتها بتحضني 
والدة ادهم الحقيقي  . قعدنا ندور عليك يا ابني كتير اوي في كل مكان ملقيناكش 
ادهم الحقيقي . انتي اللي سبتيني في الأول 
والدة ادهم الحقيقي  . اسفه يا حبيبي والله اسفه .
مكنتش عارف اعمل اي يعني ده بجد ده حقيقي يعني انا كده مش ابنها الحقيقي يعني انا فعلا مش ابنهم يعني هو ازاي اسمه علي اسمه 
الام .انت يا ادهم كنت طفل صغير واتبنناك من دار الايتام وخلينا اسمك علي اسم ابني اللي ضاع مني انت اسمك الحقيقي عُدي واتبنناك وانت صغير خالص علشان تعوضنا عن فراق ادهم 
كنت كل شويه احط ايدي علي راسي علشان اتاكد انو انا مش في حلم بس ده حقيقي انا واقف اهو ؛ كنت بتمني ده كله يبقي حلم بس للاسف مش حلم 
ادهم .يعني انت كده مراتك اللي فوق دي في القسيمه هيا مراتي انا وانت بالنسبه لينا مجرد واحد نصاب قدام الحكومه لو قدمت قضيه عليك 
عدي بزعيق  . لا انت تحترم نفسك بقي علشان انت متعرفنيش كويس ؛ مراتي دي متجيبهاش علي لسانك ابدا طول حياتك 
ادهم .خلاص يا عم علي العموم اصلا لا انت ولا مراتك فارقين معايا 
والدة ادهم .عيب يا ادهم كده ؛ انا ربيت عدي فعلا كويس ؛ ايه اللي انت بتقوله ده ؛عدي ابني ويمكن غلاوته عندي كبيره اوي كمان ؛ مراته هيا زي بنتي قبل ما تكون مرات ابني 
انت هتقعد هِنا تبقي باحترامك يا ادهم .
بوست راسها وقولت ليها 
عدي . بالرغم انو طلعت مش ابنك بس كنتي حنينه عليا لدرجة انو متوقعتش في يوم من الايام انك ممكن تكوني مش والدتي الحقيقيه سواء انتي أو بابا الله يرحمه ؛ انتي ما صدقتي تلاقي ابنك يا ماما ؛ خليه معاكي كفايه السنين اللي فاتت دي وهو مش معاكي ؛ وزي ما ربيتيني وطلعتيني دكتور قد الدنيا انا برده معايا فلوس وعندي شقه برا هقعد فيها انا وحور ومراد وهنيجي ليكي كعادتنا ؛ مش هقطع علاقتي بيكي ابدا يا ماما 
لقيتها عيطت وقالت . هتوحشني يا ابني 
عدي . وانتي اكتر يا ماما 
والدة ادهم .خليك هنا بس لآخر الاسبوع حتي تكون ظبطت شقتك واقعد معاك اكتر انت وحور وحفيدي 
عدي . من عيوني عن إذنك 
......
طلعت لحور وحكيتلها علي اللي حصل 
حور. ولا تفرق معايا انت ابن مين أو بنت مين المهم عندي انت وبس يا ادهم 
عدي..لا ادهم اي بقي قولنا عدي 
حور. احسن عدي في حياتي
مراد .بابا 
عدي. حبيب بابا ايه رايك بقي هنروح شقه جديده 
مراد .يلا شقه جديده 
شيلته ووديته السرير علشان ينام .
ونمت انا وحور. 
....
لقيت حد بيخبط علي الباب وبيقول 
-مكنتش اعرف انك قمر كده 
* انت مين 
/ ابعدي يا حور دلوقتي 
....

قبل ما ادهم يروح الشغل لقيت حد بيخبط علي الباب 
ادهم  .مكنتش اعرف انك قمر كده 
حور. انت عبيط 
عدي . ابعدي دلوقتي يا حور.
مشيت حور وقعدت انا معاه 
عدي .ايه اللي جابك
ادهم .ابدا حبيت بس اسلم عليك 
عدي . طب امشي من هِنا 
ادهم .ماشي يا ادهم ولا الصح عدي 
عدي . اطلع برا 
....
عدي . احنا لازم نمشي يا حور احسن 
حور . انا قولت كده بردو مش هينفع اصلا نقعد هنا 
عدي . انا حتي هحجز اوضه في فندق لمدة تلات ايام كده نكون جهزنا الشقه 
حور. ماشي يا حبيبي اي حاجه 
عدي . تعرفي بالرغم من ان انا وانتي مرينا بحاجات صعبه اوي مع بعض كان ممكن اتنين غيرنا يسيبوا بعض من اول مشكله بس لا انا وانتي عافرنا مع بعض ومازلنا اهو 
حور. المشاكل كتيره بس اهم حاجه الأشخاص اللي جوا المشاكل دي 
عدي . طيب يلا قومي جهزي لبسك انتي ومراد.
نزلنا تحت نسلم علي ماما اللي ربيتني 
عدي . قبل اي حاجه انا ما عمري حسيت انك مش والدتي الحقيقيه ؛ ربنا يخليكي ويديمك في حياتنا ؛ احنا ماشيين دلوقتي وزي ما قولت هنبقي نجيلك 
والدة عدي . يعني أنا كده مش هشوفك تاني الا مره مرتين في الأسبوع بعد ما كنت بشوفك كل يوم 
عدي . بقي عندك اهو ادهم الحقيقي ؛ باين عليه شخص طيب بس اللي شافه كان صعب حاولي تعوضيه عن اللي حصل 
والدة عدي . من عيوني يا حبيبي ؛ تعالي يا مراد في حضن تيتا ؛ هتوحشيني يا حور 
حور. وانتي والله اوي 
.....
حجزنا اوضه في فندق وروحنا الشقه جديده وكل حاجه كانت ماشيه جميله مع بعض ؛كان في مشاكل اه بس كان فيه وِد بينا . 
...
بعد 20 سنه 
مين كان يصدق انو ابني مراد يتجوز بنتك يا ادهم 
ادهم .والله ولا انا مصدق 
خلصت الفرح ورحت عند المكان اللي فيه
 عدي وهو بيكلم نفسه .الحزن لسه جوايا مر تلات سنين علي فراقك يا حور ؛ مراد اتجوز اهو ولسه فاضل اميره بنتنا ؛ ما عمرك غبتي عني لحظه من ساعة ما مموتي يا حور ؛ احنا بعاد عن بعض بس يكفيني ذكرياتك اللي كانت معايا ؛ كنتي أعظم شخص دخل حياتي وجبتيلي احسن هديتين مراد واميره  ؛ كنتي اجمل وصيه في حياتي ؛ ربنا يرحمك يا حور تمت

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -