رواية لن اتركك ابدا انين ويوسف كاملة جميع الفصول بقلم انين الجارحي
رواية لن اتركك ابدا انين ويوسف كاملة جميع الفصول هى رواية من كتابة انين الجارحي رواية لن اتركك ابدا انين ويوسف كاملة جميع الفصول صدر لاول مرة على موقع التواصل الاجتماعى فيسبوك رواية لن اتركك ابدا انين ويوسف كاملة جميع الفصول حقق تفاعل كبير على الفيسبوك لذلك سنعرض لكم رواية لن اتركك ابدا انين ويوسف كاملة جميع الفصول
رواية لن اتركك ابدا انين ويوسف كاملة جميع الفصول
- يعني انتَ مُش هتتجوز عليا..!!
= مستحيل...انا عاوزك انتِ وبس،
- انتَ مش مضطر تكمل معايا...سيبني يا يوسف
= وفيه حد يقدر يبعد عن نفسه برضوا..انتِ نفسي
- بس انا مش عاوزه اكمل..!!
= وتسيبي يوسف حبيبك يتعذب في بعدك ، يرضيكي.
- ايوه حقك تبقي اب..
= باس ايدي: ما انتِ بنوتي وكل حاجه ليا في الدنيا،
- بس انا مبقتش بحبك يا يوسف..طلقني،
= اتكلم بضيق: كذابه...بصي في عيني يا انين، بكلمككك
- بصتله بدموع: لا مش بكذب انا عاوزه اطلق
= لا بتكذبي عينك فضحاكي،
- اتنهدت بخنقه: بس انتَ لازم تتجوز،
= اتكلم بعصبيه: قولتلك مش عاوز غيرك...مش عاوز عيال
- اتنهدت بدموع: بس انا كان نفسي يكون عندنا ولاد،
= اتنهد وهو بيحضني: هنعترض علي حكم ربنا...انتِ عارفه ربنا كويس...ودي اختبارات لينا... كمل بضحكه وبكره يستي ربنا هيرزقك بدسته عيال تقرفك،
- عيطت بانهيار: ازاي وانا مبخلفش..!!
= استغفري يا حبيبي...ربنا قادر علي كل شئ ؛
سيدنا زكريا لما بشرته الملائكه بيحيي...قال يارب كيف يكون لي ولد بعد ان صرت شيخا كبير في السن يعني وامرأتي عاقر...يعني عقيمه لا تلد...وربنا رزقهم...وان شاء الله هيرزقنا ثقي في الله وخلي ايمانك اقوي ومتضعفيش،
" بسم الله الرحمن الرحيم: قُآلَ ربً آنِيَ يَکْوٌنِ لَيَ غُلَآمً وٌقُدٍ بًلَغُنِيَ آلَکْبًر وٌآمًرأتٌيَ عٌآقُر قُآلَ کْذِلَکْ آلَلَهّ يَفُعٌلَ مًآ يَشُآء "
- اتنهدت بعياط: ونعم بالله...انا حاسه ان انا ضعيفه اوي
= اتكلم وهو بيطبطب عليا: وانا هنا عشان اسندك واقويكي،
- بس انتَ هتتعب معايا...هتزهق...هتمل...هتمشي
= هشش ابقي غبي لو عملت كده وخسرتك،
- بس انتَ مش مجبر صدقني،
= اتكلم بحب: واسيبك لغيري...ده انا اموتك واموت اي حد ياخدك مني...مستحيل ابعد واسيبك...طب اسألك سؤال
- اسأل
= لو انا كنت مكانك كنتِ هتعملي اي ردي بأمانه،
- اتنهدت بدموع: مكنتش هبعد...مكنتش هسيبك...كنت هفضل متمسكه بيك لاخر لحظه...كفايه وجودك بالدنيا،
= اتكلم بصوت مبحوح: وعاوزاني اسيب اكتر انسانه بحبها...ابقي اهبل يا انين...!!
- بصتله بدموع: انا تعبانه اوي يا يوسف،
= حط راسي علي رجله: بسم الله علي قلبك حتي يهدأ...خرجي كل الا جواكي...انا هنا جنبك...،
- غمضت عيني وهو بدأ يقرألي قران لحد ما روحت في النوم
- صباح الخير...عملتلك احلي فطار يستاهل بوقك،
= اتنهدت بحزن: معلش انا نمت كل ده...ومقومتش عملت حاجه خالص وسايبه البيت يضرب يقلب،
- فداكي يا حبيبي...تعالي بس ده انا هبهرك ، اي رأيك
= بصتله بدموع: تسلم ايدك تحفه،
- طب يلا يا بطتي عشان تاكلي،
= اتنهدت بدموع: انا مقدره انك عملته عشاني ، بس مليش نفس صدقني...
- والله ازعل واجيب ناس تزعل...هتاكلي عشان اكل انا جعان
= طب كل انتَ ، مليش نفس صدقني
- لا مش هاكل لو مأكلتيش...انتِ بتفتحي نفسي علي الاكل،
= اتنهدت بقله حيله: طب يلا يا اخره صبري،
- خدي دي من ايدي بقي...
= ابتسمت بحب: الله عليك وكمان عامل اشكال،
- اتكلم بابتسامه: امال اهم حاجه يعجب الاميره،
= ده خطشييييير يا سفندي،
- لا وبصي الكبيره بقي،
= بصتله باستغراب: اييي،
- اتفضلي عملتلك احلي عصير عارف انك بتحبيه اوي ،
= ابتسمت: والله انتَ حبيبي ، وروحي ، وعمري ، ومحني بقي،
- فصيلله انتِ،
= اتكلمت بضحكه: اماااال انا محدش يتوقعني نياهاها،
- بقي كدهه تعاليلييي،
= اههه هموتت بطل تزغزني بقي حرام عليك،
- اتنهد بضحكه: مبسوطه،
= بصتله بدموع وانا بدخل في حضنه: اوي طول ما انا جنبك
- وكنتِ عاوزه تبعدي عني يا وحشه،
= كنت بقول كلام...مكنتش هقدر ابعد...لو كنت بعدت صدقني كنت هموت من بعدك...انا ما صدقت لقيتك،
- بعيد الشر عنك...وانا مكنتش هسمحلك اصلا تبعدي،
= اتنهدت بابتسامه: مش هتروح علي الشغل هتتأخر
- لا مش رايح
= لييييي...!!؟
- خدت اجازه عشان نخرج سوا،
= بجددد..!!؟
- اها والله هنقضي اليوم كله سوا،
= انا بحبك اوي،
- بابتسامه: بحبك اكتر والله،
_____________________________________________
- نورتي يا ماما اتفضلي...
= امال ابني فين،
- نايم جوا اتفضلي هصحيه،
= نايم لي خير تعبان ولا اي،
- لا بيستريح بس شويه،
= نورتي يا ماما...
- كنت نايم لي تعبان ولا اي،
= لا مريح شويه،
- وشك اصفر كده لي...!!
= عادي يا ماما ارهاق من الشغل،
- اتكلمت بضيق: مبتأكليهوش ولا اي،
= كنت لسه هرد قاطع كلامي يوسف وهو بيبوس ايدي وبيقولها: انين هو فيه زي انين...وجمال انين وحلاوه انين اقصد اكل انين دي كل يوم مغذياااني،
- اتكلمت بلويه بوز: اها مهو واضح...
= اتفضلي يا ماما كلي البيت بيتك،
- مفيش حاجه جايه كده ولا كده في السكه،
= اتكلمت بإحراج: احم لا لسه والله...اكيد لما يبقي فيه انتم اول ناس هتعرفوا،
- واحنا هنستني اكتر من كده...انتم بقالكم سنتين،
= ماماااااا
- اسكت انتَ ، انتَ اكيد زعلان ومقهور اكيد نفسك في ولد يشيل اسمك...امال هتكون نايم لي،
= ماما بعد اذنك...منمش يعني بني ادم طبيعي بيريح...وبعدين انا مبسوط انا وانين كده...واي يعني بقالنا سنتين ان شالله نقعد خمس سنين...وبعدين ده رزق ربنا،
- بس الهانم هيا الا مبتخلفش انتَ سليم
= وانا لو كنت مكانها كنتِ هتقولي كده اعقلي يا ماما وقولي كلام غير ده...وانا لو كنت مكانها انين كانت هتستحملني وهتعمل اكتر من كده عشاني،
- بس انا من حقي اشوف واشتال عيالك وافرح بيهم وبيك،
= لما ربنا يريد ان شاء الله هتشوفيهم وهيقرفوكي،
- لا انا مش هستني اكتر من كده،
= ماماا بعد اذنك لو هتتكلمي في الموضوع ده تاني ياريت يتقفل لان مش هستحمل كلمه علي مراتي...وربنا هيكرمنا، انتِ جايه عشان تزورينا ولا تقولي الكلام ده،
- اتكلمت بخنقه: بقي كده بتزعق لامك...الحق عليا...عاوزه اشوف عيالك قبل ما اموت،
= متزعليش مني يا امي...بس ده موضوع بيني وبين مراتي...وانا مشتكتش انا مبسوط
" كنت قاعده وسطهم مش قادره اتكلم...بحاول اداري دموعي ومعيطيش...بس للاسف عيطت...انك تضعف ومتبقاش قادر ترد...بيحسسوك انك السبب...لكن ده قضاء وقدر ربنا...هنعترض...مش عارفه لي الناس لازم تجرح بكلامهم السم...مع ان ده اختبار من ربنا ولازم نرضي بيه... مكنتش حاجه بإيدنا عشان نتعاير اننا مبنخلفش...مع اننا بشر زيهم وبنحس...ما احنا كمان الا بنبقي شايلين الهم اكتر منهم...احنا الا بنتعب وبنتقهر وبنحزن انما محدش بيشيل شيله التاني الكلام سهل... وبيبقي نفسنا في ضفر عيل وبنتمني كتير... "
- ان مطلقتهاش انتَ لا ابني ولا اعرفك...!!
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
- ان مطلقتهاش لا انتَ ابني ولا اعرفك
= اي الا بتقوليه ده يا أمي..!!
- زي ما سمعت
= يعني بتخيريني بينك وبين مراتي..!!
" كنت بسمع كلامها وانا في صدمه...قلبي بيتكسر مليون حته...مكنش في ايدي اعمل حاجه... مكنتش قادره ارد...دموعي بس الا نازله...لحظه ضعفي ومش قادره اكون قويه...انهارت حصوني..."
- مش هطلق مراتي يا ماما..!!
= يعني اي بتعصي امك ، وبتفضل دي وبتختارها علي امك
- اتنهد بضيق: معصتكيش يا امي...ومفضلتهاش بس انتِ الا بدأتي وعملتي مقارنه...ولو انا مليش خير فيكي مش هيكون فيه خير في مراتي،
= يعني اي كلامك ده يا ابن بطني،
- اتكلم وهو بيبوس ايدي: يعني مش هطلق انين...انا بحبها...
= اتنهدت بضيق: خلاص مطلقهاش...بس اتجوز تاني،
- اتكلم بعصبيه: مش هطلق مراتي ، ولا هتجوز عليها
= بزعيق: يعني لا طلاق...ولا جواز...انتَ حقك تبقي اب
- وهو انا اشتكيت...ولا شوفتيني زعلان
= لا بس انا عارفه ومتأكده انك بداري،
- لا مش بداري ومش زعلان...ومش هتجوز ولا هطلق...انا بحب انين فوق ما تتخيلي...وحتي لو مخلفناش...انا مش عاوز عيال...كفايه هيا بنتي...كفايه انها نعم الزوجه وشيلاني فوق راسها...ولو انا كنت مكانها...كانت هتعمل اكتر مني،
= بعصبيه: انا ماشيه راجع دماغك تاني،
- راجعت ومش عاوز حد غيرها،
= هسيبك تفكر برضواا سلام ، ومش هدخل بيتك ده تاني الا لما تعمل زي ما قولتلك،
- اتنهد وهو بيمسح علي وشه: انين انا اسف ، حقك علي قلبي
= اتنهدت بدموع: بتتأسف لي،
- علي الا حصل من امي،
= بصتله بدموع: بس هيا مغلطتش معاها حق،
- اتكلم بضيق: ينفع تسكتي...مشوفش دموعك دي تاني...دموعك غاليه...مهما يحصل حتي لو انا الا مزعلك..مش عاوز اشوف دموعك ابدا سامعه..!!
= بس حقك تتجوز وتبقي اب،
- خدني في حضنه: وانا والله ما عاوز غيرك ، بحبك انتِ وبس...وربنا هيكرمنا والله انا واثق،
= بس انا خايفه..!!
- بس انا جنبك ومش هسمح للخوف يتملك منك...اطمني،
" وشخص وقت ما تضعف...تخاف...وتيأس وتفقد الامل...يحتويك...يطمنك...يقولك انه بيحبك بكل حالاتك...وانه عمره ما هيسيبك مهما العالم كله صمم علي فراقكم..."
_____________________________________________
- انا متحمسه اوييي عشان اشوف البيبي،
= بابتسامه: عقبالك يا حبيبي،
- طب يلااا نطلع يلا،
= يلا يا ست البنات،
- حمدلله علي سلامتك...
= بضيق: الله يسلمك،
- اي الاخبار بعد النونو ها،
= اسكتي يا انين احمدي ربنا انتِ في نعمه
- الحمدلله بس برضوا مهما يحصل الاطفال دول نعمه
= صداع وعياط...ومفيش نوم...وسهر..وتعب
- ابتسمت بحزن: كله يهون والله كفايه شوفته بالدنيا
= بضيق: لا بس يا بختك انتِ مرتاحه،
- يستي ده انا نفسي والله انا عاوزه بس ومرتاحش مش مهم
= امم ربنا يكرمك طولتي انتِ شويه
- احم ايوه الحمدلله ربنا بيرزق،، امال النونو فين،
= ما صدقت نام والله...معلش بقي مره تانيه هوريهولك لما يكون صاحي،
- حاولت ابتسم: طب يلا عن اذنك انا بقي..
= نورتي يا حبيبتي،
- بابتسامه: بنورك،
- مش يالا ولا هتقعد انتَ مع صاحبك...!!؟
= يالا يا حبيبي ، قوليلي مالك
- اتنهدت بابتسامه حزينه: مفيش والله
= بقلق: طب متحلفيش كذب...مالك يا حبيبي
- ينفع منروحش البيت..!!
= طب تحبي تروحي فين،
- خلينا نتمشي شويه كده نلف،
= عيوني يا عم...بقالنا نصف ساعه ماشين...وسيبتك مضغطتش عليكي ولا سألتك قوليلي اي الا حصل،
- اتنهدت وانا ببص ف الارض: مفيش صدقني،
= اتنهد بقلق وخوف: انين ارفعي وشك قوليلي مالك،
- بصتله بدموع: انا مش بحسد يا يوسف،
= يا حبيبي عارف مين قال كده،
- كانت خايفه احسده وبتتكلم معايا بطريقه..بس والله مش بحسد كان نفسي بس اشوفه وكنت راحه عادي... كملت بإنهيار..هما لي تفكيرهم كده عشان انا مبخلفش...
= طبطب عليا: ولا تزعلي نفسك يا حبيبي طظ فيها...يستي هاخدك لحد تاني وهتشوفي ابنها كمان،
- دفنت نفسي في حضنه: لا مش عاوزه اروح،
= هتفضلي في حضني كتير،
- بصتله بخجل وبعدت،
= بغمزه: خليكي متبعديش ،انا بهزر هو ملكك اصلا،
- ضربته في كتفه: قليل الادب،
= طب يلا...
- علي فين..؟؟
= احلي حواوشي عند المعلم عبده،
- و طحينه وشيبسي واهم حاجه المخلل
= طبعاا وعصير عشان نبلع بقي،
- خطشييييير بجد طعم،
= بغمزه: مفيش أطعم منك والله،
- محن في الاكل مش عاوزه..
= بضحكه: طب بحبك والله
- بابتسامه: اكتر والله
- وانتِ بقي يا حبيبتي ناويه تخلفي امته،
= اتنهدت بضيق: موضوع يخصنا انا وجوزي،
- عاوزين نشوف ولادكم ،
= لما ربنا يأذن ويرزقنا ان شآءالله الحاجات دي مش بإيدنا،
- ونعم بالله...بس اكشفي زياده اطمئنان،
= والله يا عمتو انا ويوسف حبيبي راضين خليكي في حالك ومتحشريش نفسك في حياتنا،
- ما تشوف مراتك يا يوسف،
= والله يا عمتو مراتي مقالتش حاجه غلط،
- والله وامك دي مش صعبانه عليك،
= هيا الا عملت كده ، وبعدين انا مش مقاطعها ولا زعلان منها...ولا مانعها تيجي عندنا..
- هيا سحرالك ولا اي،
= بابتسامه: اها سحرالي وبحبها وهو عشان بحبها لازم تبقي سحرالي تفكيركم مرييييض،
- خلاص اتجوز بنتي وراضي امك واهو تخلف وتبقي اب،
= وهو انا زعلان او اشتكيت...وبعدين لقدر الله لو اتجوزت مش هتجوز بنتك ده من سابع المستحيلات...وبعدين انا مبشوفش غير انين،
- بخنقه: انا ماشيه
= استني يا عمتو ده انين عامله اكل تاكلي صوابعك وراه
- مش طافحه
= اانتِ ما صدقتي انا بهزر...عاوز استمتع انا ومراتي لوحدنا،
- انتَ قليل الذوق كده لمين،
= ليكي،
- انا ماشيه تسلم لذوقك،
= استني ياااا عمتووو
- بابتسامه: عرفت غلطك وهتتأسف وهترجع في قرارك صح،
= اتكلم بخبث: متنسيش تاخدي برشام الضغط اهو،
- انااا ماشيهههه لهموت بسببكك،
= اتكلمت بضحكه: مكنش ينفع برضوا كده يا يوسف،
- اتكلم بضحكه: لا ينفع ونص حلال فيها...حربايه ده الا يليق بيها...لو كانت بتتكلم بذوق وادب كانت شافت احترامنا لكن المعامله بالمثل،
- طب يلا تعالي كل،
= طب ما تجبيلي بوسه وسيبك من الاكل،
_____________________________________________
- يااا يوسف براحه ايدي وجعتني،
= اتكلم بزعيق: امشييي قدامي ، مسمعش نفسك،
- انا معملتش حاجه،
= قولت مسمعش نفسك مبتفهميش،
- بس انا معملتذ حاجه لكل ده،
= اتكلم بعصبيه: انتِ بتضحكي عليا وتقوليلي راحه لاهلك...وتيجي عند الدكتورهه،
- بصتله بضيق: كنت جايه اكشف
= تكشفييي ليه هااااا،
- اتكلمت بعياط: غريزه الامومه الا جوايا يا يوسف هيا الا بتحركني...عشان نفسي في حته ضفر عيل نفسي ابقي ام...واكيد انتَ كمان نفسك تبقي اب...متحاولش تكذب انا عارفه وحاسه بيك...!!
= اتكلم بهدوء: طب اهدي انا اسف حقك عليا اني اتعصبت عليكي بس انا قولتلك سيبي الموضوع ده وربنا هيرزقنا والله...وبعدين كفايه انتِ جنبي،
- بصتله بدموع: نفسي بس في طفل...يوسف ينفع اعمل حقن انا عارفه ان مصاريفه كتير وممكن ينجح وممكن لا،
= بصلي بحزن: والله هيعوضك وهيرزقك...طب ولو لقدر الله فشل ترجعي تزعلي وكمان تحزني علي المصاريف، يا حبيبي والله سبيها علي ربنا وهيعوضنا،
- بس انا تعبت من كلام الناس ونظراتهم ليا ولما بيخبوا ولادهم وكأني هاكلهم..!!
= الناس دي ولا حاجه بيجرحوا وخلاص...بيتكلموا في الحالتين والله...طظ فيهم...ولا يهمك كلامهم...اسمعي وارمي كلامهم في الزباله...!!
" ياريت نراعي ظروف غيرنا...منقولش اتاخرتي لي في الحمل...هتحملي امته... اكشفي...وياريت بلاش كلامنا السم...فيها اي لو اتاخروا... بلاش نتدخل في خصوصيات غيرنا ونحشر نفسنا..منحسسهمش انهم هياكلوا ولادنا وانهم هيحسدونا...هما احسن مننا والله...بس ده رزق من ربنا...واختبارات للي بيتأخروا...انتم متعرفوش الا بيحسوا بيه والوجع...وغير كلامكم الا بيرشق فيهم ياريت نراعي غيرنا ونحس بيهم...."
- انتِ نايمه لي كل دهه،
= مرهقه،
- بقلق: من اي يا حبيبي
= بضحكه: من الراحهه،
- يا جدع خضتني،
= اتنهدت بابتسامه: يوسف،
- عيونه،
= نفسي في حرنكش،
- اي،
= اي،
- غريبه يعني اشمعنا حرنكش،
= معرفش نفسي ريحاله،
- حاضر يستي عنيا هجيبهولك،
= بابتسامه: وشاورما واندومي ومخلل،
- بضحكه: حاضر عيوني،
= وكمان...
- لاا كده كتييير في اي،
= معرفش نفسي فيهم الله،
- طب ما تجيبييي بوسه االاول،
= قليل الادب استغلالي،
- هاخدها يعني هاخدهااا،
= اوعييي كده،
- اتكلم بخوف: مالك يا انين ، انتِ كويسه،
= الظاهر خدت دور برد،
- لا احنا هنروح نكشف،
= صدقني دور برد مش مستاهل،
- اتنهد بخوف: بس لو فضلتي تعبانه هنروح،
= حاضر،
- قاطعتي انتِ اللحظه: هاخد البوسه يعني هاخدها،
- بتعيطيي لييي في اييي انا جيت من الشغل علي ملي وشي
= اتنهدت بعياط وابتسامه: يوسف
- مالك فيه اي صوتك قلقني والله حد زعلك
= هزيت دماغي ب لا
- امال فيه اي بس،
= اتنهدت بدموع وابتسامه: افتح البوكس ده،
- شراب طفل صغير،
= بصتله بابتسامه ودموع: هات ايدك حطها هنا،
- اتكلم بدموع وصدمه: انتِ حامل....!!؟
= هزيت راسي ب اه
- بجد يا انين ولا بتهزري،
= مش بهزر يا يوسف انا كمان اتصدمت زي زيك،
- لف بيا واتكلم بدموع وابتسامه: انا مش قادر اوصفلك فرحتي، انتِ عرفتي ازاي،
= انا كنت حاسه كمان...والاعراض دي،
- حضني جامد: انا مش مصدق ان انا هبقي اب،
= ولا انا بجد...صبرنا ونولنا فعلا مفيش حاجه مستحيله،
- مفيش حركه سامعه متعمليش محهود انا هعمل كل حاجه،
= بضحكه: حاضر حاضر سيبني بقي كسرتني في حضنك،
- اروح اقول الخبر ده للحاقدين ،
= ابتسمت بيأس: ولمامتك قولها اول قبل الحاقدين انا مسمحاها وعذراها...لما جت من يومين اعتذرتلي،
- اتكلم بابتسامه: بحبك وبحب النونو الا هيجي في الطريق.
