فصول روايات
0

رواية زواج بطرف ثالث محمد ومريم كاملة جميع الفصول بقلم ليان محمد

Novelesta

رواية زواج بطرف ثالث محمد ومريم كاملة جميع الفصول بقلم ليان محمد


رواية زواج بطرف ثالث محمد ومريم كاملة جميع الفصول هى رواية من كتابة ليان محمد رواية زواج بطرف ثالث محمد ومريم كاملة جميع الفصول صدر لاول مرة على موقع التواصل الاجتماعى فيسبوك رواية زواج بطرف ثالث محمد ومريم كاملة جميع الفصول حقق تفاعل كبير على الفيسبوك لذلك سنعرض لكم رواية زواج بطرف ثالث محمد ومريم كاملة جميع الفصول

رواية زواج بطرف ثالث محمد ومريم بقلم ليان محمد

رواية زواج بطرف ثالث محمد ومريم كاملة جميع الفصول

من ايام ماكنت مخطوبه لمحمد وبحس حماتى مابتحبش تتعامل معايا وكل مااتصل ممكن ترد او تتلكك بحاجه وكل مااتكلم مع محمد يقولى هى ماما مش اجتماعيه شويه 

الموضوع كان خانقنى قوى لكنى قولت يمكن زى مامحمد بيقول وحاولت اهدى واتعود على طبعها ده 

لكن بعد الجواز لقيت حماتى اللى محمد بيقولى عليها مش اجتماعيه من تانى يوم جواز قاعده عندى فى البيت من الصبح للساعه 12 بالليل وطول الوقت تكلم فى محمد ومابتوجهش كلمه وحده ليا وطبعا انا لسه عروسه ومش واخده راحتى فى البيت خالص وعدى اول اسبوع جواز بالشكل اكل الفرح كان خلاص خلص ودخلت عشان اطبخ واجهز الغدا لمحمد لما يرجع من الشغل وبرضوا حماتى قاعده فى البيت عندى من الصبح

_انا هدخل المطبخ ياماما اطبخ الغدا عشان لما محمد يرجع

_ انا اللى هطبخ لابنى انتى ماتطبخيش

_ مااطبخش ليه يعنى

_ انا عارفه ابنى بيحب ايه

_ ماانا كمان عارفه

_ بس ابنى بيحب الاكل من ايدى انا

_ماشى ياماما ماهو خلاص اتجوز ويتعود ياكل من ايدى

_بقولك ايه انا اللى هطبخ وانتى اقعدى هنا

"حماتى دخلت المطبخ وبدأت تجهز الاكل لمحمد وانا اتخنقت ماينفعش ازعق معاها او تبقى بدايتها كده

دخلت اوضه النوم وانا هطق مسكت التليفون عشان اتصل على محمد وبعدين رجعت فى كلامى وقولت هبقى اقوله لما يجى

حماتى جهزت الاكل ومحمد رجع البيت من الشغل 

رصينا الاكل عالسفره واكلنا وحماتى فضلت تأكل محمد بأيدها وتقوله انا اللى طبختلك ياحبيبى عشان عارفه انك مابتحبش غير اللى بطبخه ليك وبصتلى كأنها بتغيظنى 

ماقدرتش اكمل الاكل ودخلت الاوضه وقولت انى تعبانه وهنام شويه

محمد حاول يقوم ورايا لكن مامته مسكت فيه 

وبعد شويه لقيت محمد داخل ورايا الاوضه كانت حماتى نزلت بدرى كأنها معجزه وطلع نزلت عشان عندها ناس تحت

_ مالك يا مريم

_ انا اتخنقت

_ فيه ايه بس

_ هو فيه ايه مش واخد بالك من يوم مااتجوزتك وامك لازقه لينا وحاجه تخنق ولا عارفه احس انى عروسه ولا اى زفت وانهارده داخله اطبخ تقولى لا انا اللى هطبخ لأبنى

_ طب ممكن تهدى

_ لا مش ههدى

_ عشان خاطرى

" فتحت عياط وقولتله انا عايزه احس انى عروسه انا بحبها بس مش كده "

_ بصى يامريم امى بتحبنى قوى ومتعلقه بيا بزياده وهى والله بتحبك

_ واضح

_ امك مابتحبنيش يامحمد امك شايفه انى خطفتك منها

_ ايه اللى بتقوليه ده طبعا لا والله بيتهيألك

_ والحل

_ حل ايه يامريم

_ يعنى الوضع ده هيستمر يعنى ولا ايه

_ ايوه بس دى امى

_ هو انا بقولك مش تكلمها ولا اضربها ولا ماتخليهاش تيجى بس كل شئ ليه حدود وانا ليا خصوصيات

_ انتى عايزانى اقول لأمى ماتجيش البيت ولا ايه

_ لا ماقولتش كده بس تيجى بالعقل

_ مريم دى امى وتيجى اى وقت

_ وانا مراتك وليا حقوق وزى ماانت مقدر امك تقدرنى

_ طب بس اهدى بس

_ هو ايه اهدى هو انت مش حاسس ولا شايف

_ شايف بس دى امى

_ طب وانا

_ انتى حبيبتى ودنيتى

_ بص يامحمد انا الوضع تاعبنى

_ ماهو انا ماينفعش اقول حاجه لامى يامريم

_ بمعنى الوضع هيفضل كده

_ لا ان شاء الله هيتغير

_ ازاى

_ مش عارف

"جرس الباب ضرب واكيد حماتى اللى بتخبط عشان تكمل اليوم كالعاده ماهى مش معقول تسيبنا كده وفعلا طلعت هى محمد خرج قعد معاها وبعد شويه دخل يندهلى ويقولى ماينفعش وخرجت وسمعت كلامه رغم انى كنت هطق من جوايا

بعد ما حماتى خرجت محمد نام واتعامل عادى جدا وده غاظنى اكتر اتصلت بأمى وحكتلها وقالتلى زى اى ام انها ست كبيره ولازم اتحملها قفلت مع امى وكنت مخنوقه برضوا 

تانى يوم ماصحتش جهزت فطار لمحمد عشان كنت زعلانه وعملت نفسى نايمه

الغريبه بقى ان حماتى ماطلعتش خالص وانا اخدت راحتى ولبست لبس بقى مفتوح وقعدت فى الاوضه جوه وفاتحه فيس بعد شويه سمعت صوت باب الشقه بيتفتح 

قولت معقوله محمد رجع طلعت فى الصاله لقيت حماتى

_ ماما انتى دخلتى ازاى

_ هكون دخلت ازاى بالمفتاح

_ هو حضرتك معاكى مفتاح

_ اه طبعا معايا مفتاح مش بيت ابنى وبعدين ايه اللى انتى لابساه ده

_ ده لبس فى بيتى ياماما من حقى البس اللى احبه

_ وانا قولتلك ماتلبسيش مش مكسوفه من نفسك وانتى

واقفه قصادى كده ادخلى البسى سدال ولا حاجه وانا هدخل اطبخ

_ ماما انا هطبخ تقدرى تقعدى

_ لا انا اللى هطبخ لأبنى

_ ماما انا عايزه اطبخ لجوزى لأن ده بيتى

_ بيتك مين ياحببتى ده بيت ابنى وانا امه وانا هنا اللى احكم مين يعمل ايه ومين مايعملش

_ انتى بتعملى معايا كده ليه للدرجادى بتكرهينى حرام عليكى

_ اتظبطى يابت انتى بدل مااديكى على وشك

_ بصى انا بعتبرك فى مقام امى لكن انا هرد على ابنك وهو يتكلم معاكى

_ اللى يريحك اوعى كده بقى عشان اطبخ لأبنى

مااستحملتش واتصلت بمحمد يجى البيت حالا وانا متعصبه 

محمد ساب الشغل ورجع البيت دخل لقى امه فى المطبخ بتطبخ وانا فضلت فى الاوضه مستنياه

_ خير ياماما حصل ايه

_ خير ياابنى ايه اللى جابك

_ مريم اتصلت بيا وقالت انكم اتخانقنا

_ والله يابنى مااتخانقنا ده هى مدايقه انك ادتنى مفتاح وانا يابنى هسرقكوا يعنى ولا اعمل حاجه وكمان جزاتى كمان عايزه اطبخلك وهى تزعق فيا وتقولى لا مالكيش دعوه وانا سكت وهى كمان اللى تتصل بيك وتشتكى عالعموم يابنى خد مفتاحك اهو وانا مش طالعه بيتك ده تانى

_ انتى بتقولى ايه ياماما انتى تطلعى وتدخلى هنا براحتك ده بيتك انتى

_ لا يابنى انا مش عايزالك مشاكل انا نازله بيتى اقعد بكرامتى انا كنت بعتبرها زى بنتى والله يابنى

ونزلت حماتى من البيت رغم ان محمد حاول يمسك فيها لكن هى صممت 

محمد دخل عليا الاوضه متعصب 

_ ايه اللى انتى عملتيه ده لازم تفهمى ان امى دى تطلع وتدخل براحتها وانتى مالكيش حق تتكلمى ولا تمنعيها وانتى ازاى اصلا تسمحى لنفسك تتكلمى معاها بأسلوبك الزفت ده وانتى اهلك مش علموكى ازاى تكلمى اللى اكبر منك

_ بس بقى كفايه وماتجبش سيره اهلى وبدل ماانت داخل مشحون منها كده اسمعنى الاول بدل ماتعمل معايا كده لكن لا صدقت كلامها وخلاص

_ وانتى فاكره امى هتكذب عليا مثلا

_ واضح انها عملت كده فعلا

_ احترمى نفسك بدل ماامد ايدى عليكى انتى سامعه ولا لا

_ انت حتى ماكلفتش خاطرك تسمع منى

_ هتقولى ايه

_ هقولك انها مانعانى اخد راحتى فى بيتى وخانقانى واتكلمت معايا بأسلوب مش كويس وانت كمان مديها مفتاح

_ وفيها ايه مااديها مفتاح ..بصى يابنت الناس دى امى وانتى اه مراتى على عينى وراسى بس انا مش هاجى على امى عشانك

_ لكن تيجى عليا انا عشانها

_ وانا جيت عليكى

_ انت مش شايف اسلوبك هتيجى ايه اكتر من كده متجوزه بقالى اسبوع ومش عارفه احس انى عروسه زى اى مخلوق

_ بصى انا بجد ماكنتش عارف ان الجواز مقرف كده

"اتصدمت من كلمته ليا ودموعى نزلت من عينى وفضل واقف باصصلى قرب منى وخدنى فى حضنه وطبطب عليا "

_انا اسف حقك عليا مااقصدش والله بس دى امى يامريم وانا عارف انها متعلقه بيا بزياده بصى انا هاخدك وننزلها تحت وتتصالحوا

"بعدت نفسى عنه "

_ انزل فين ..انا مش نازله هى اللى غلطت فيا

_ وانتى عايزه امى اللى تعتذرلك يامريم

_ لا مش عايزاها تعتذر بس انا مش نازله عايز تنزل انزل انت

"محمد نزل عند والدتى فعلا ومافرقش معاه اللى انا فيه وشايف ان الموضوع عادى اتصلت باامى وفضفضت معاها وانا بعيط فضلت تهون عليا وقالتلى انها جايالى فى الطريق هى واختى

محمد حاول يصالح امه لكن امه كانت راسمه الدور قدامه

_ خلاص بقى ياماما ده مريم بتحبك قوى

_ لا يابنى مراتك مش طايقانى وانا مااحبش اكون عبء على حد شقتك مش طالعاها تانى ويبقى دى اخرتها انا اتعب واربى واكبر وفى الاخر هى اللى تاخد كل حاجه عالعموم يابنى المهم انك مبسوط معاها

_ انتى بتقولى ايه ياماما ده بيتك وانتى حقك تطلعى وقت ماتحبى وده سوء تفاهم بينكوا

_ لا يابنى ورحمه ابوك ماطالعه تانى انت عايز تشوفنى انزلى بيتى وهى بقى تطبخ براحتها وانا هبقى اكل لوحدى بقى ماخلاص انت بقيت ليها

_ لا ياامى طبعا انا هاكل معاكى وهى تبقى تنزل تاكل معانا تحت

_ لا يابنى عشان ماتزعلش

_ لا مش هتزعل انا جوزها وواجبها تسمع كلامى

" والدتى جت البيت عندى واول ماشوفتها انهرت من العياط " 

_ شوفتى يماما حماتى وعمايلها

_ اهدى يابنتى برضوا تتحمليها

_ اتحمل ايه ياماما انا بجد تعبت

_ طب وجوزك رأيه ايه

_ جوزى كل كلامه امى امى

"محمد دخل البيت وبصلى بغضب "

_ خلاص مابقتش داخله البيت ارتاحى بقى

_ ماتهدى يابنى كده دى امك وده بيت ابنها وتيجى وقت ماتحب

_ يعنى ايه وقت ماتحب ياماما وانا فين

_ عقلى بنتك ياحماتى عقليها عن اذنكوا انا خارج رايح لواحد صاحبى

" ماما زعقت فيا وقالت ماكنش ينفع اتكلم كده وفضلت تتكلم معايا انى مااخربش على نفسى وست كبيره اتحملها واهدى مع جوزى واتناقش معاه بهدوء لما يرجع من غير شد اعصاب 

"بعد مامحمد رجع البيت حاولت اهدى واتكلم معاه "

_ محمد انا بحب والدتك وربنا عالم بس اللى بيحصل ده مش طبيعى وانا والله مااقصد انها ماتدخلش البيت بس برضوا المفروض تحترم وجودى ونفسى اخد راحتى معاك

_طب اعمل ايه انا يامريم ماكنش نفسى تكونوا كده مع بعض

_ طب بص انا بكره هنزل معاك واطيب بخاطرها

_ بجد يامريم

_ اه بجد ومش انت قولت هنتغدى عندها تحت انا ماعنديش مانع نتغدى تحت ويبقى نتعشى سوا فوق وناكل معاها حاجه خفيفه

_ خلاص تمام

" تانى يوم نزلت انا ومحمد مع انى كنت مش طايقه بس عملت كده عشانه وعشان الامور تهدى

حماتى عاملتنى حلو قوى وقالتلى عمرى ماازعل منك ده انتى بنتى وعيطت قصاد محمد وفضلنا نهدى فيها 

انا ماكنتش مطمنه للجو ده وقولت احسن الظن برضوا فيها المهم اتغدينا عندها وهزرت معايا على غير العاده"

تانى يوم نزلت على معاد طبخ الغدا على اساس اساعدها وكده اول ماشافتنى قالتلى انا تعبانه قوى يابنتى وعايزاكى انتى اللى تطبخى لينا

دخلت المطبخ عندها وطبخت عندها ومحمد رجع من الشغل واتغدينا واليوم عدى طبيعى جدا وعلاقتنا اتحسنت قوى وماكنتش مصدقه اننا بقينا كويسين

"وفى يوم نزلت طبخت كالعاده "

_ اعملى حسابك يامريم اسماء جايه تتغدى معانا انهارده

_ اول ماقالت الاسم كنت هولع فيها

_ ازاى ياماما تجبيها وهى كانت خطيبه محمد فى يوم

_ وفسخ معاها ورجعلك وماتنسيش انها بنت اختى ولا هتحكمينى انى مااجبش بنت اختى بيتى

_ لا ماقصدتش كده وعالعموم اللى حضرتك عايزاه

" اتصلت بمحمد وقالى معلش عديها واكيد هى مش قصدها حاجه وماجتش على عزومه يعنى وهتعدى "

حاولت اتماسك اعصابى وجهزت الاكل ونظمته وجت اسماء وفضلت قاعده هى وحماتى يضحكوا ولما خرجت اسلم عليها ردت عليا ببرود وقولت اهو يوم وهيعدى

محمد رجع من الشغل سلم على امه وعلى اسماء ودخل عليا المطبخ وكان شكلى باين عليه قوى انى مدايقه

_ عشان خاطرى يامريم حقك عليا

_ اهو يوم وهيعدى يامحمد وفى الاول والاخر بنت خالتك

_ تمام ماشى هرص معاكى الاكل

_ ماشى ابقى حط الطبق ده قصاد اسماء عشان امك قايلالى احطه ليها

_ خلاص ماشى

حطينا الاكل واكلنا واسماء مش مبطله كلام مع محمد وانا هطق وامه عماله تفتكر فى مواقفهم مع بعض ومره وحده اسماء صرخت من بطنها ودخلت الحمام ترجع

كلنا اتخضينا عليها والترجيع عمال يزيد واحنا كلنا مصدومين لعند مامحمد اخدها وطلع بيها عالمستشفى وعمل غسيل معده والدكتور قال انها حاله تسمم

ولقيت حماتى اول ماوصلنا البيت بتشتم فيا وبتقول انى حاولت اسمم بنت اختها عشان غيرتى منها

محمد بصلى بشك وقالى معقوله عملتى كده

_ انت بتقول ايه يامحمد

_ امال اشمعنى هى اللى تعبت

_ والله مااعرف اكيد امك اللى عملت كده

"ساعتها حماتى زعقت فيا وقالت هسم بنت اختى ليه وعشان ايه وفضلت تشتم فيا وقربت منى عشان تمد ايدها عليا لكن محمد مسكها وزعق فيا وقالى اطلعى على فوق

حاولت احلف قصاده انى ماعملتش حاجه لكن برضوا زعق فيا وصمم انى اطلع فوق

طلعت شقتى وانا مصدومه من اللى بيحصل معقوله يوصل بيها الغل انها تعمل معايا كده وشويه ولقيت محمد عندى وعينه مليانه غضب وقرب منى ومسكنى من ايدى جامد

_ ازاى تتجرأى وتعملى كده

_ والله ماانا يامحمد

_ بطلى كدب بقى بطلى قرف

_ انت ليه مش مصدقنى اكيد امك اللى عملت فيا كده عشان بتكرهنى

" لقيت قلم نازل على وشى من محمد "

_ يعنى كنتى عايزه تموتى البنت وكمان قليله الادب وكدابه

_ كنت فاكره انك هتكون واثق فيا كنت انا مش هقعدلك فى البيت ده

_ فى ستين داهيه تاخدك

"دخلت اوضتى الم هدومى وانا منهاره وانا بدخل الهدم فى الشنطه سمعت جرس الباب بيضرب ولقيت حماتى داخله عليا الاوضه وتعتذر وتقولى حقك عليا يابنتى انا غلطت فيكى محمد بص لامه فيه ايه ياماما

_ بصراحه يابنى انا كان عندى كيس توابل وعشان اسماء بتحب التوابل حتطلها منه وكان فيه كيس صغير خلطته عليه قولت من ضمن التوابل وكنت ناسيه انى شاريه سم للفار اللى فى اوضه الكراكيب

" وفضلت حماتى تعتذر وقالت هتنزل تتطمن على اسماء تحت "

" بعد ماحماتى نزلت محمد قرب منى يحضنى ويعتذر زقيته بعيد عنى "

_ انا اسف يامريم انا اتعصبت وزودتها حقك عليا

_ كان نفسى تكون واثق فيا وتبقى عارفنى على ايه ولا اتهنيت زى اى وحده لسه متجوزه وفوق ده كله ولا واثق فيا ولا عاملى اعتبار وفى الاخر بتمد ايدك عليا

_ انا غلطت اوعدك مش هتتكرر عشان خاطرى ماتمشيش

_لا انا همشى يامحمد

" قرب منى وحضنى غصب عنى "

_ مش هعمل كده تانى عشان خاطرى انا غلطت انا عارف عشان خاطرى

" رغم محاولاته فى الاعتذار الا انى كنت مصممه امشى لكنه مسك فيا وصمم ماامشيش "

_ انا هقعد بس ياريت مالكش دعوه بيا ومن هنا ورايح تنام فى اوضه وانا فى اوضه يااما اروح بيت اهلى

_ خلاص ماشى اللى يريحك

" اسماء طبعا فضلت عند حماتى بعد اللى حصل على اساس انها تعبانه تانى يوم حماتى طلعتلى فوق الشقه بعد مامحمد نزل "

_ اوعى تكونى لسه زعلانه منى يابنتى

_ لا مش زعلانه ياماما خلاص

_ طب ماانزلتيش ليه ده حتى اسماء بتسأل عليكى

_ معلش ياماما مش هقدر انزل انهارده عشان تعبانه

_ يعنى يابنتى يرضيكى انا اللى اجهز وانا ست كبيره وتعبانه

_ خلاص ياماما شويه وهنزل وراكى

" انا ماكنتش قادره اصدق ان اللى حصل ده غصب عنها بس معقوله هتأذى بنت اختها

نزلت عندها وانا متضرره وهطق ومن ساعه مانزلت ومابطلتش طلبات هى واسماء وهلكونى واسماء وقعت عصير عالسجاده ولقيت حماتى بتقولى اغسلها

اخدت السجاده الحمام وفضلت اغسل فيها وانا هطق من الغيظ طلعت من الحمام عشان اقولها تشيلها قصادى لكنى سمعت حماتى واسماء بيتكلموا عليا وقفت من غير مايشوفونى اسمع بيقولوا ايه

_ كويس ياخالتى انك ماكترتيش من السم ولا كنت روحت فيها

_ انتى عبيطه يابت انا حطيت حاجه خفيفه

_ بس مامشيتش زى ماتوقعنا

_ لو مامشيتش المره دى هتمشى المره الجايه ومحمد يرجعلك وانا اخلص من البومه دى

_ طب وهنعمل اللى جاى امتى

_ لا اصبرى شويه عشان مانتقفش

_ انا والله ياخالتى بكرهها ونفسى اولع فيها

_ وانا والله يابنتى بس اللى جاى تقيل مش هتقدر تطلع منها 

" اتصدمت من الكلام اللى سمعته وقولت هخرج اشتمهم وامسك فيهم بس متأكده انهم هينكروا وبعد مافكرت اقول لمحمد رجعت فى كلامى لأنه خذلنى مره ف اكيد هيخذلنى تانى

مسكت نفسى وخرجت على حماتى وقولتلها تيجى تمسك قصادى السجاده ومسكنا السجاده وقصاد بعض واستأذنتها عشان تعبانه

وطلعت الشقه عندى فوق وانا هتجنن من اللى بيحصل وياترى ناويين على ايه

اتصلت بأمى وحكتلها

قالتلى احاول احرص ولازم اقول لجوزى على اللى سمعته 

مااقتنعتش بكلام امى لانى عارفه ان محمد هيخيب املى فيه 

لا بقى تبقى حرب وانا مش هسمحلها هى والكلبه اللى تحت دى تخربلى بيتى

وهحاول اعرف بتخطط لأيه

"نزلت تانى يوم وانا بفكر ياترى بيخططوا لأيه ومتوقعه منهم ابشع الافكار "

دخلت كلمتهم واتكلموا معايا عادى جدا وقولتلهم هدخل عشان اجهز اكل الغدا

بعد شويه لقيت اسماء داخله ورايا المطبخ

_ مريم هو احنا ممكن نبقى صحاب

"سمعت جملتها دى كان نفسى اغزها بالسكينه اللى فى ايدى ابقى صحبتك برضوا اكيد بتخططى لحاجه ياحربايه "

_ اكيد طبعا يااسماء

_ يعنى انتى مش شايله منى بسبب الموضوع القديم

" اتعمدت اغيظها فى الكلام "

_ لا خالص وبعدين محمد عمره ماحبك ومن قبل مايخطبك انا وهو بنحب بعض وامه اللى غصبت عليه يخطبك وبرضوا فى الاخر رجعلى انا لأنه حبيبى انا

" وشها قلب وحسيت انها هتطق وانا كنت مبسوطه جدا جدا "

_ اكيد طبعا حبيبك ربنا يحفظكوا لبعض

_ امين يارب

_ انا هساعدك بقى فى الطبيخ

" هيعموا حاجه فى الاكل تانى بس هما مش اغبيه كده"

_ لا شكرا يااسماء انتى تعبانه

_ لا مش تعبانه ولا حاجه

" ووقفت معايا فى المطبخ تساعدنى وتهزر معايا وتتعامل كويس جدا وكل ده مش مطمنى اكيد فيه حاجه زباله هتحصل منها والغريب بقى ان لعند مامحمد رجع الدنيا كلها كانت تمام وبعد ماخلصنا اكل محمد داخل ورايا المطبخ .

_ مش هنتصالح

_ لا يامحمد

_ انا عارف انى غلطت

_ انت كسرت ثقتى فيك

_ غلطه ومش هتتكرر

_ لا هتتكرر يامحمد وكتير قوى الايام اللى جايه

_ تقصدى ايه

_ مااقصدش

_ طب انا عندى مفاجأه

_ مفاجأه ايه خير

_ حجزت اسبوع لينا فى شرم يبقى اسبوع عسل لينا

" فرحت جدا من جوايا لكن برضوا كنت مكسوره من اللى عمله فيا "

_ مش عايزه اروح اى مكان

_ عشان خاطرى بقى يامريم واعدك فى الاسبوع ده هعوضك عن كل اللى حصل

_ قولت لماما ولا لسه

_ لا هقولها دلوقت

_ هنمشى امتى

_ بعد يومين

_ تمام

_ بس كده مافيش حضن طيب

_ لا مافيش واطلع يلا من المطبخ

" ضحك وقالى احبك وانت عنيف وخرج من المطبخ انا فرحت انى هبعد عن القرف ده اسبوع ومره وحده سمعت صوت حماتى بتزعق طلعت من المطبخ بسرعه افهم فيه ايه "

لقيتها بتزعق مع محمد انه عايز يسيبها فى البيت لوحدها اسبوع وانه مابيفكرش الا فى نفسه وكلام كتير كده

محمد رد قالها ماهو اسماء قاعده معاكى

زعقت وقالتله مالكش دعوه بأسماء وهى هتقعد معايا ده كله ليه هى اصلا هتمشى بعد يومين عشان عندها شغل

محمد بص لوالدته بغيظ وقالها خلاص يبقى روحى لخالتى 

حماتى زعقت اكتر وقالتلى ياخساره تربيتى بقيت دلدول للهانم

كل ده وانا واقفه ساكته ومابتكلمش

ولقيتها بصتلى بغضب وجايه ناحيتى وبتقولى اطلعى بره بيتى يابنت الكلب محمد مسك امه وقالها كفايه بقى ومراتى مش هتنزل عندك تانى كفايه بهدله من يوم مااتجوزنا وانتى مبهدلاها

ولقيت محمد بيمسكنى من ايدى وبيطلع بيا لفوق وامه فضلت تشتم فيا وفيه

بعد ماطلعنا فوق محمد حسيته حزين قوى صعب عليا. قوى برضوا مهما حصل دى امه

_ محمد صالح امك ومالهاش لازمه نروح شرم

_ انتى بتقولى ايه والله لنروح

_ طب اهدى طيب

قربت منه وخدته فى حضنى حسيته مكسور من جواه من تصرفات امه معاه

بعد شويه صوت خبط عالباب جامد انا ومحمد اتفزعنا من صوت الخبط لقينا اسماء فى وشنا وبتقول الحق يامحمد امك واقعه على الارض ومش بتتحرك انا و محمد جرينا بسرعه على تحت ولقيت حماتى فعلا. واقعه على الارض انا ظنيت انها بتمثل اتوقع منها حركه زى كده لكن رغم محاولاتنا اننا نفوقها مافاقتش انا ومحمد اتخضينا واسماء كان باين عليها برضوا قلق شديد لبسنا وطلعنا بيها على اقرب مستشفى
بعد ماالدكتور كشف عليها ركبلها محاليل وقال ان ضغطها منخفض جدا وكان ممكن يحصلها حاجه وانها هتروق بعد المحلول
حماتى بدأت تفوق بصت ليا انا ومحمد وقالت اطلعوا بره محمد فضل يتحايل عليها لكن هى مصممه وتقوله لا انت ابنى ولا اعرفك وانا تعبت عشانك واتبهدلت وفى الاخر بعتنى عشان مراتك
انا كنت واقفه ورغم انى كنت قلقانه عليها عشان تعبانه ندمانه اصلا انى نزلت معاهم
محمد الح على امه انه مايمشيش لقيتها بتقوله خلاص افضل انت وخلى مراتك تمشى مش طايقه اشوفها
محمد قرب ليا والدموع فيه عنيه عشان قلقه على امه
_معلش يامريم روحى انتى دلوقت
_ ماشى يامحمد هروح خلى بالك منها
روحت البيت وبكيت بشده مش عشان انها طردتنى لا بكيت عشان كسره محمد واحساسه بالغلب انا والله كان نفسى تحبنى كنت تايهه ومش عارفه اعمل ايه وطبعا لو كلمت امى هتقولى حماتك واتحملى وجوزك بيحبك وانتى لسه عروسه
اتصلت بمحمد اطمنت عليه هو وامه وقالى انهم جايين فى الطريق ماارضتش انزل استنى تحت عشان اكيد هتتعصب وتدايق لما تشوفنى
بعد شويه محمد طلع فوق بيقولى انه هيبات تحت مع امه
_ تبات ازاى يامحمد انت ناسى ان اسماء تحت
_ هو انا هنام جمب اسماء
_ ماقولتش كده بس ماينفعش
_ بقولك ايه مش وقت غيره
_ انت ازاى عايز تبات تحت وهى موجوده هى هتبات معاها وخلاص
_ انتى عايزانى اسيب امى واجى انام هنا وهى تعبانه وكل ده بسببى
_ بسببك ازاى يعنى مش فاهمه
_ وانا مش عندى خلق افهمك
_ ماشى بس انا هنزل ابات تحت معاك
_ لا مش هتنزلى
_ عشان امى مش طايقاكى
_ ماهو ياانزل ابات معاك ياانت تفضل هنا واسماء كده كده معاها
_ بقولك ايه غباء مش عايز انا مش ناقص قرف
_ هو ايه قرف انت ليه مش حاسس بيا
_ يوو بقى على القرف اللى انا فيه
_ مش هتنزل يامحمد تبات تحت وبنت خالتك موجوده
_ مريم كلمه زياده منك هتخلينى اتصرف معاكى تصرف غبى ف اخرسى خالص
" سكت وماردتش عليه وهو سابنى ونزل تحت دخلت الاوضه وقولت انا همشى من البيت ده وبعدها قولت يعنى هما كده وصلوا للى هما عايزينه فضلت قاعده افكر وانا مخنوقه ومانمتش طول الليل "
الصبح محمد دخل البيت وشافنى وماوجهش ليا اى كلمه غير هدومه ولقيته نازل من غير مايكلمنى
_ محمد
_ نعم
_ مابتكلمنيش ليه
_ ماعنديش حاجه اقولها
_ هو انت كمان اللى زعلان ده بدل ماتراضينى
_ انا مابقتش عارف اراضى مين ولا مين
_ يعنى قصدك ايه
_ افهمى اللى تفهميه
_ بمعنى
_ انا نازل ومش رايح الشغل وهقضى اليوم مع امى
_ طب وانا
_ انتى ايه عايزانى اسيب امى العيانه واقعد معاكى
_ لا ماقصدتش كده خدنى اطمن عليها
_ وهى مش طايقه تشوفك انا نازل
" محمد نزل وسابنى وحسيت من طريقه كلامه انه من كتر المشاكل بقى كارهنى وقولت كفايه كده وقررت ابعد عنه خالص فى الاول والاخر هيختار امه ومش هيجى عليها عشانى ورغم انى قررت كده قولت يمكن لما اقوله هيتمسك بيا "
مسكت الموبايل بتاعى وبعتله رساله عالواتس انى هروح بيت اهلى عمل سين للرساله وماردش
قولت من جوايا يبقى طالع يراضينى استنيت شويه ماطلعش استنيت يرد عالرساله ماردش بعد شويه وصلتنى رساله على الواتس منه وكان رده عليا اعملى اللى يريحك
مش قادره اوصف القهره اللى كنت فيها من رده عليا لكن خلاص بقى لميت هدومى فى شنطه وطلعت روحت على بيت اهلى وانا لسه عروسه ماتمتش شهرين

اول ماوصلت بيتنا بابا وماما واخواتى اتصدموا انى جايه وبشنطه هدومى اترميت فى حضن امى وبكيت بشده وحكيتلهم على كل اللى حصل
بابا اتعصب وحلف ماهرجع هناك تانى لو حتى محمد باس على رجله
عدى يوم فى التانى من جوايا كنت بتمنى محمد يتصل بيا او يجى يصالحنى معقوله للدرجه دى هونت عليه
كنت محتاجه البطاقه بتاعتى ونسيتها فى بيتى ف ااضطريت اروح البيت اجيبها ماارضتش بابا يروح عشان مايحصلش مشاكل
اول ماوصلت هناك ماسمعتش صوت خالص فى شقه حماتى 
طلعت على شقتى فوق وبفتح فى الباب لقيت المفتاح اللى معايا مابيفتحش خبطت عالباب جامد
لقيت اسماء فاتحالى الباب ولابسه بيجامه من هدومى
_ انتى بتعملى ايه فى شقتى ولابسه كده ليه
_ وانتى مالك انتى
زقتها ودخلت الشقه واصرخ واقول يامحمد لقيت حماتى طالعالى وبتزعق فيا
_ انا عايزه افهم انتوا بتعملوا ايه فى شقتى
_ شقتك مين ياحبيبتى دى شقه ابنى
_ وهدومى اللى زفته دى لابساها هدوم ابنك
_ ايوه خير ابنى
_ خير ايه دى هدوم جهازى
_ لا ياحبيبتى مش كان بيديكى فلوس على قلبك فى الخطوبه
_ انتى ازاى بالبجاحه دى وانتى يازفته اقلعى البجامه واطلعى بره
_ مين دى اللى تطلع بره انتى اتجننتى يابت انتى ولا ايه
_ ايوه تطلع بره بيتى
_ لا ياحبيبتى انتى اللى هتطلعى بره
_ لا انا مش هطلع واتفضلوا انتى وهى بره
_ لا انتى شكلك اتهبلتى فى مخك
وقربت منى حماتى هى وبنت اختها ومسكونى بهدلونى ضرب ولقيت حماتى بتخبط راسها فى الحيطه واسماء بتشد فى شعرها وبيصرخوا وبيقولوا انى اتهجمت عليهم وحماتى كتفتنى واسماء اتصلت بمحمد وفضلوا هما الاتنين يعيطوا ومش راضيين يفتحولى الباب الا لما محمد وصل البيت
واول مادخل امه فضلت تبكى وتقوله اتهجمت عليا يابنى وضربتنى وضربت بنت خالتك عشان كنا بنضفلك البيت ونقولها يابنتى اهدى وهى تبهدل فينا وتشتم وهجمت عليا ضربتنى واسماء تبعدها عنى ضربتها هى كمان
صرخت لمحمد وقولتله صدقنى بيكذبوا دول هما اللى ضربونى وبهدلونى والله انا ماعملتش حاجه
محمد قرب منى بغل وشدنى من شعرى وطلعنى بره الشقه حاولت اصرخ واشده بعيد عنى لكن هو فضل يشد فيا ويشتمنى ورمانى فى الشارع قصاد الناس على الارض 
الناس حاولوا يهدوه ويبعدوه عنى لكن ماكنش بيسمع لحد واستمر فى شتايمه ليا قصاد الناس ومسك تليفونه واتصل بوالدى وقاله بنتك جايه تتهجم على امى فى البيت وتضربها بنتك انا رميتها فى الشارع وانا بقولك اهو وبقولها قدام الناس انتى طالق
سمعت كلمه انتى طالق من هنا ومش فاكره اللى حصل بعدها فوقت لقيت نفسى فى بيت اهلى
_ حمدالله على سلامتك يابنتى انتى كويسه حاسه ايه
_ محمد طلقنى ياماما
_ ماهو اى راجل بعد اللى انتى عملتيه هيعمل كده ماكنش لازم تروحى وتنفعلى كده
_ انا والله ياماما ماضربتها ده هى اللى ضربتنى
_ ازاى يابنتى واللى فى وشها ده
_ هى اللى عملته والله ياماما
_ يعنى انتى مااتعصبتيش عليها
_ لا والله ياماما
" والدى دخل عليا الاوضه وكان منفعل وقالى انتى فضحتينى قصاد الناس وكسرتينى قدام محمد واهله حتى لو الست دايقتك ماكنش ينفع تمدى ايدك عليها هو ده اللى ربيتك عليه "
ماما مسكت ف ابويا وقالتله البنت ماضربتهاش الست هى اللى اتبلت عليها وعملت فى نفسها كده بنتك مظلومه وهما اللى مبهدلنها
بابا بصلى ساعتها وقالى الكلام ده بجد بصيتله وانا منهاره من البكا والله بجد يابابا انا ماضربتهاش دى هى اللى ضربتنى
طب خلاص انا هجبلك حقك
والدى اتصل بمحمد وقاله امك وبنتى هيحلفوا على المصحف فى وجود شيخ وامك حاجه بيت ربنا وعارفه يعنى ايه حلفان على مصحف
ولو طلع الغلط عند بنتى هعمل كل اللى انت عايزه وبعد نقاش بينه وبين محمد
محمد وافق وقرر يقول لامه
_ ماما انتى ومريم هتحلفوا عالمصحف عشان بتقول انك انتى اللى ضربتيها
_ وانت عايزنى احلف على المصحف عشان كلبه زى دى وهى اللى ضربت امك وبهدلتها
_ لا ياامى انا واثق انك صادقه بس انا عايز اثبتلهم ان بنتهم هى اللى كذابه
_ وانا مش هحلف يامحمد واندهلى اسماء
" بعد مااسماء دخلت الاوضه محمد حس بالشك من ناحيتهم ووقف يسمع بيقولوا ايه واتصدم من اللى سمعه 

محمد سمع كلام اسماء وامه وده اللى دار بينهم 
_ فيه ايه ياخالتى 
_ ابو الكلبه مريم عايزنى احلف عالمصحف 
_ طب ماتحلفى 
_ انتى بتقولى ايه يابت احلف كدب عالمصحف لا طبعا
_ يعنى ياخالتى ماخوفتيش لما اتبليتى عليها ورشتيلى السم ولما خدتى برشام عملك.هبوط وخلتيه يكرهها ويطردها من البيت واتهمتيها انها ضربتك وده ماحصلش وخايفه دلوقتى من حلفان المصحف
_ وانتى مالك زى ماتكونى بتبكتينى كده هو انا مش عملت ده كله عشان يرجعلك 
_ طي هنعمل ايه دلوقت 
_ مش عارفه بس انا قولت لمحمد لا
_ ومحمد اقتنع
_ لا مااقتنعش بس انا هلعب على حته انه شاكك فيا
لعند مايروح يطلقها رسمى عند ماذون ونخلص
_ صح كده عشان تبقى تقولى بيتى تانى
محمد كان مصدوم من اللى بيسمعه وكأن شريط مر عليه كده بكل اللى حصل وعمال يفتكر قد ايه ظلم مريم وبهدلها وافترى عليها وفضحها فى الشارع وكسرها رغم انه وعدها انه هيصدقها 
قال لنفسه هدخل ازعق في امى ولا اقولها ايه وهى فى الاول والاخر امه ماينفعش يعاقبها 
ولا قادر يواجهها باللى سمعه مش قادر يستحمل يشوفها بالشكل ده قدامه
طلع على شقته فوق وهو مقهور هيواجه ابو مريم ازاى ولا مريم نفسها طب هيقولهم انه عرف الحقيقه ويكسر امه قصادهم واصلا هو بعد اللى عمله فى مريم ده ابوها هيسامحه طبعا مستحيل وهو اكتر حد عارف مريم انه يكسرها دى بالنسبالها كبيره قوى
لكن محمد ماقدرش يتماسك ونزل على امه وهو منفعل واول مادخل بص لأسماء 
_ لمى هدومك وامشى 
_ نعم يامحمد 
_ زى ماسمعتى يااسماء لمى هدومك وامشى حالا بدل ماانفعل عليكى يلا 
" اسماء اتخضت من اسلوب محمد معاها وامه جت زعقت فيه بص لأمه بغضب شديد وقالها خليها تمشى احسن واقسم بالله هجيب اجلها اسماء خدت هدومها ومشيت من البيت وام محمد بصتله بعد مااسماء مشيت وضربته بالقلم "
_ اضربينى كمان اضربينى يمكن تطلعى كل الغل اللى جواكى 
_ انت اتهبلت فى مخك 
_ ايوه اتهبلت لما عميت عيونى عن تصرفاتك مع مريم لما قبلت انها تتهان وفوق ده كله جيت عليها 
_ والله وضحكت عليك بأيه الوسخه دى 
_ لو سمحتى ياامى مااتجبيش سيرتها بقى وكفايه 
_ انت مالك بتتكلم كده ليه 
_ انتى عارفه ايه هى الحقيقه انا حتى مكسوف اواجهك باللى عملتيه بس انتى فاهمه كويس وبطلى كدب بقى وظلم وخلاص عندك البيت اشبعى بيه انا هروح لمراتى ارجعها ولو حكمت هبوس على رجل ابوها وامها 
_ اه ماانت دلدول ليهم ماانا مااعرفتش اربى 
_ للاسف ياامى انتى عرفتى تربى عشان كده انا لازم اصلح غلطى عن اذنك
"محمد خرج من البيت على طول وطلع على بيت ابو مريم وخبط عالباب جامد ام مريم فتحت الباب اترمى فى حضنها زى العيل الصغير وبكى كتير قوى ابو مريم اتخض عليه وفضل يقوله مالك واخوات مريم كلهم اتلموا عليه 
مريم اول ماسمعت صوت عياط محمد قلبها اتخلع ونسيت كل اللى حصل اصله مش سهل انك تشوف الشخص اللى روحك فيه بيبكى 
مريم طلعت بسرعه عليه كانت عايزه تحضنه لكن ابوها برقلها وقفت بصت لمحمد وعيونها بتبكى
_ انا اسف يامريم انا ظلمتك وامى ظلمتك عشان خاطرى سامحينى عشان خاطرى سامحونى كلكوا 
انا عارف ان امى غلطت وغلط كبير وانا غلطت غلط ابشع لما صدقتها وكدبت مريم انا مستعد اعمل اى حاجه واصلح غلطتى وانا هاخد مريم ونسافر والله وهقعد معاكوا الايام اللى قبل السفر دى كمان مش هنرجع عند امى تانى 
_ انت اه يابنى غلطت بس امك كمان غلطت وزى ماانت اعتذرت امك كمان تيجى لبنتى وتعتذرلها وده اللى عندى
محمد حاول يتحايل على ابو مريم لكن ابو مريم صمم على رأيه 
محمد رجع البيت وطلب من امه تروح تعتذر لمريم على كل اللى عملته امه انكرت كل ده حتى رغم انه سمع بودانه وقالتله مش هروح 
محمد مااتحايلش على امه تانى وطلع شقته والدنيا كلها كانت متقفله فى وشه 
امه افتكرت ان الموضوع هياخد وقته ويعدى لكنها اتصدمت لما محمد قالها انه مسافر بعد اسبوع ومابقاش يكلمها ولما بتطبخ مابياكلش من اكلها 
ماكنتش مصدقه ان محمد خلاص هيسافر وحست خلاص ان ابنها هيضيع منها 
ام محمد راحت بسرعه على بيت مريم واعتذرت لابوها ولمريم واعترفت بكل اللى هى عملته وقالتلها تمنع محمد انه يسافر مريم كانت قاعده قصادها 
ابو مريم بص لأم محمد وقالها 
انا لما طلبت من ابنك يجيبك تعتذرى لمريم ده مش عشان ترجعله لا ده عشان يتردلها اعتبراها لكن بنتى مستحيل ترجعلكوا تانى
"مريم اتصدمت من جواها لان رغم كل اللى حصل افتكرت بعد اعتذار حماتها ابوها هيوافق يخليها ترجعله بس مهما كان اللى والدها هيختاره هى هتوافق عليه "
ام محمد بصت لمريم وقالتلها ماتقولى حاجه يابنتى 
ابو مريم بص لأم محمد وقالها مريم مش هتقول حاجه ياحاجه وياريت بعد كده تتعلمى تتقى الله فى بنات الناس بنتى ماكانتش هتاكل ابنك لكن انتى الغيره والحقد عماكى ادعى ربنا يغفرلك ويهديكى
ام محمد مشيت من عندهم وهى حاسه بخيبه امل كبيره كان عندها امل ان الموضوع يتحل 
_مريم 
_ نعم يابابا 
_ عايزه ترجعى لمحمد
_ اللى تشوفه 
_ مش اللى اشوفه انتى سامحتيه وعايزه ترجعيله 
_ مش عارفه ( قالتها وهى بتبكى)
_خلاص يابنتى يبقى كده انا عملت الاصلح ليكى 
وعدت الايام وخلاص المفروض محمد هيسافر بعد بكره 
_ مريم 
_ نعم يابابا 
_ فى عريس جاى يتقدملك
_ عريس ازاى يابابا وانا لسه على ذمه محمد 
_ هطلقك منه دى مجرد شكليات بس اقعدى مع العريس ولا ناويه تقصرى برقبه ابوكى 
_ لايابابا هقعد معاه هيجى امتى بعد ساعه 
_ خلاص هجهز واطلع 
" كنت منهاره ازاى اكون مع حد غير محمد بس انا مش هخذل بابا وهطلع بعد مالبست وجهزت امى دخلت قالت العريس وصل والعصير فى المطبخ دخلت جبت العصير واول مادخلت الصاله لقيت محمد وامه فى وشى والعصير اتقلب منى فى الارض "
_
بابا بصلى وقالى انا قولت اديله فرصه تانيه بس يتقدموا من اول وجديد ها قولتى ايه ياعروسه 
_ موافقه طبعا 
كلهم ضحكوا وبابا بصلى طب اتقلى شويه نغلبهم 
محمد وقف قصاد ابويا وفضل يعتذرلى ويقولى عمره ماهيزعلنى وحماتى حضنتنى وقالت انها هتتقى ربنا فيا ورجعت بيتى وحياتى استقرت مع محمد وحماتى بقت زي امي بالضبط 

تمت بحمد الله 

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -