رواية انا وابن خالتي مروان وهند كاملة جميع الفصول بقلم عمرو راشد
رواية انا وابن خالتي مروان وهند كاملة جميع الفصول هى رواية من كتابة عمرو راشد رواية انا وابن خالتي مروان وهند كاملة جميع الفصول صدر لاول مرة على موقع التواصل الاجتماعى فيسبوك رواية انا وابن خالتي مروان وهند كاملة جميع الفصول حقق تفاعل كبير على الفيسبوك لذلك سنعرض لكم رواية انا وابن خالتي مروان وهند كاملة جميع الفصول
رواية انا وابن خالتي مروان وهند كاملة جميع الفصول
الناس دي بتعمل ايه في اوضتي ليلة دخلتي ومين الحيو*ان اللي معاكي على السرير دا
= في ايه يا حبيبي.. احنا عندنا في عيلتنا عندنا تقاليد ان لازم اهلي يشوفو ليلة الدخلة كاملة
وحياه امك!!!!
" بيت العيلة من اكتر الحاجات اللي ممكن تسبب مشاكل في حياتنا بس كنت دايما فاكرة اني لما هخرج منه هتنتهي المشاكل دي ولكن انا مكنتش اعرف ان اللي فات دا كله كان تمهيد للي هيحصل قدام
بذمتك مش كان احسن انك تتجوزي أنتي وبودي بدل الراجل الغريب اللي انتي جايباه دا
= مروان مش هيكون راجل غريب يا خالتو.. دا هيكون جوزي وبعدها هيكون واحد من العيلة و بعدين انا و بودي اخوات مش اكتر من كدا
اخوات اه.. بس على الاقل كان مضمون.. بكرا تشوفي مروان دا هيعمل فيكي ايه
= انا مش عارفة ليه انتي مش بتحبيه
وانا احبه ليه يا حبيبتي هو انا اللي هتجوزه؟
= بس يعني حاولي تتقبليه شوية
حاولت والله ومش عارفة.. اول ما بشوفه بتعصب وبعدين تحسيه عيل ملزق كدا و مش مظبوط
" ضحكت ورديت عليها
قصدك يعني عشان بيدلعني
= ايه نودي دي.. دمه سم وهو بيقولها
لعلمك بقا دي اكتر حاجة بتحببني فيه.. بحس انه حنين عليا أوي
= امممم حنين اه.. اشبعي بيه يا حبيبتي
بقولك ايه يا خالتي.. طبعا انتي عارفة انا بحبك قد ايه ويمكن أكتر من امي والله ف عشان خاطري حاولي تقبليه عشاني انا حتى
= حاضر يا حبيبتي
" من ساعة ما فتحت عيني على الدنيا وانا مش شايفة غير خالتي صفاء.. تقريبا انا عيشت و اتربيت عندها.. كنت باكل واشرب وأنام كمان وطبعا انا مكنتش لوحدي،، كان معايا بودي ابن خالتي و دا اللي انا قضيت معاه حياتي كلها لحد ما دخلت الجامعة و اتخرجت كمان..
خلاص هتتجوزي وتسبيني يا هند
= يا بودي هو انا هسافر يعني.. مانا هبقا موجودة برضو يعني تقدر تيجي عندي في اي وقت
وجوزك هيوافق على اللي أنتي بتقوليه دا
= وهو مروان ميوافقش ليه ؟
انا حاسه مش بيطيقني
= حرام عليك متقولش كدا،، انت بس عشان متعرفوش كويس
لا عارفه وعارف هو عايز ايه
= يعني هيكون عايز ايه
عايز ياخدك مننا ويبعدك عن اهلك وصحابك
= مروان لو كان عايز يعمل كدا مكنش وافق اننا ناخد شقة جنبكو هنا عشان مبقاش بعيدة عن امي و بعدين سيبك بقا من مروان خالص وخلينا فيك انت.. عملت ايه مع شهد؟
عادي ولا حاجة
= ولا حاجة ازاي ياابني.. مش دي البت اللي كنت هتمو*ت وتكلمها،، ويوم ما تكلمها تعاملها بالشكل دا
عملت فيها ايه يعني؟
= حرام عليك يا بودي البت مكلماني وهي بتعيط
وهي المفروض كدا تصعب عليا مثلا يعني
= لا بس لو مش عايزها قولّها
قولتلها كتير وهي مش عايزة تفهم
= يبقا بتحبك يا بودي
انا مش حاسس معاها بأي حاجة
= انا احترت معاك والله.. كل ما اجبلك واحدة و اعرفك عليها متكملش يومين وتسيبها
عشان مش شايفهم.. انا مش عارف احس معاهم بحاجة
= على كدا بقا انت عايز واحدة تفصيل على مزاجك
بالعكس اللي انا عايزها موجودة وشايفاني بس شايفاني في حدود معينة،، مش عايزة تشوفني برا الحدود دي
= و دي مين دي بقا اللي انا معرفهاش
سيبك مني دلوقتي و قوليلي أنتي حجزتي مع الكوافير ولا لسة
= لا لسة والله.. عايزة اشوف حد كويس الاول
خلاص سيبي الموضوع دا عليا.. وبعدين انا شايف بشرتك مرهقة اوي حاولي تهتمي شوية.. انا عايزك تبقي اجمل عروسة في الكون كله
" جميل أوي انك تلاقي حد تتكلم معاه.. حد يشجعك ويدعمك ويحاول يساعدك بأي طريقة.. و دا كله انا لقيته في بودي،، بعدها رجعت بيتي و دخلت أوضتي وبفتح تليفوني بالصدفة لقيت مروان اتصل بيا أكتر من مرة وانا مشوفتش.. اتصلت انا بيه
ايه يا حبيبي؟
= انتي كنتي فين
كنت عند خالتو.. معلش والله مشوفتش التليفون خالص
= وبتعملي ايه عند خالتو
قاعدة معاها عادي
= طبعا بودي كان هناك
اه هناك اومال هيروح فين يعني
= هو انا مش قولتلك متروحيش هناك طول ما الواد دا موجود
ماهو انا مش فاهمة ليه
= كدا انا مش بطيقه دا كفاية اسمه،، هو في حد اسمه بودي؟
يابني اسمه عبدالله بس احنا بنحب ندلعه
= طيب يا هند ياريت لو سمحتي متروحيش هناك وهو موجود تاني.. لما يكون مش موجود روحي براحتك
انا مش فاهمة في ايه بجد
= في اني بغير عليكي يا هند ومبحبكيش تقعدي مع الواد دا كتير
يا حبيبي دا زي اخويا
= انا مفهمش الكلام دا ومن اول يوم قولتلك انا مش هقبل بالكلام دا.. كلمة دا اخويا واحنا متربيين مع بعض كل دا ميدخلش عليا
خلاص حاضر.. انا هعملك اللي انت عايزه بس اهدا
" دي كانت أكتر مشكلة انا بقابلها لان بالشكل دا انا و بودي مش هنعرف نتكلم بعد الجواز.. واساسا مبقاش فاضل كتير لان الفرح كمان أسبوع بالظبط ف مكنش ينفع ان اي خناقة تحصل دلوقتي بيني وبين مروان.. حاولت أراضيه بكلمتين وبعدها خرجت قعدت مع ماما شوية
مالك
= مش عارفة يا ماما.. عندي شعور غريب
شعور غريب ازاي يعني
= خايفة وقلقانة.. حاسة بتوتر ، حاسة ان في حاجة مش مظبوطة.. مش عارفة
يا حبيبتي كل دا طبيعي وبيحصل لأي عروسة.. لازم يكون في شوية توتر وخوف كدا لان برضو حياه المتجوزين مش سهلة
= مش سهلة ازاي
يا هند انتي هتكوني مسؤولة عن بيت و زوج وقدام ان شاء الله هيكون معاكي أطفال هتبقي مسؤولة عنهم.. كل دا مش سهل
= كل دا انا هييجي بالتعود.. انا بس خايفة من فكرة أني ابعد و اخرج من البيت دا
انا شايفة ان مروان راجل كويس و بعدين دا كان اختيارك من الأساس
= انا عارفة انه اختياري بس برضو عندي احساس بالخوف
انا كنت زيك برضو زمان بس كل دا هيروح لما تروحي بيتك وتقعدي فيه،، ساعتها هتتعودي
هحاول
= الدنيا سهلة يا هند بلاش تختاري الصعب
مش فاهمة
= هتفهمي بعدين.. دايما اختاري اللي في مصلحتك ومصلحة بيتك و جوزك.. بالذات جوزك يا هند،، خلي بالك منه.. الراجل الكويس في الزمن دا بقا قليل ومروان كويس وبيحبك ومتأكدة أنه هيحافظ عليكي،، انتي كمان لازم تحافظي عليه و اوعي في يوم تسمعي لأي حد يحاول يخليكي تسيبي بيتك.. جوزك هو سندك في الدنيا اوعي تتخلي عنه اهو على الاقل عشان متبقيش لوحدك
#بقلم : #عمرو_راشد
" كانت من اكتر الحاجات اللي بتخليني خايفة من فكرة الجواز هي المو*ت.. بخاف انه يمو*ت ويسيبني زي ما بابا عمل مع معانا انا و امي.. سابنا و ما*ت من 10 سنين وبقينا عايشين لوحدنا.. عيشنا معاناه كبيرة بين كلام الناس علينا وشغل ماما عشان تعرف تصرف عليا وحاجات كتير أوي مريت بيها لحد ما وصلت للي انت فيه دا عشان كدا انا كنت دايما خايفة لحد ما شوفت مروان وتدريجيا هو بدأ يشيل الخوف من جوايا ويطمني بس برضو انا لسة عندي نفس الشعور.. الايام بدأت تجري والأسبوع عدا بسرعة جدا والنهاردة هو يوم فرحي،، اليوم اللي كل بنت بتتمناه،، انا كمان كنت مبسوطة اوي باليوم دا من اول ما لبست الفستان لحد ما اتصورنا مع بغض وبعدها روحنا القاعة وبدأنا نرقص.. كنت طايرة وحاسة اني في عالم تاني،، اخيرا ربنا بيعوضني بعد كل اللي أنا شوفته.. عوضني ب مروان احن و اجمل راجل في االدنيا،، خلصنا الفرح و رجعنا على البيت.. دخلت وهو قفل الباب ورايا و قلع چاكيت البدلة.. بعدها قرب مني وهو بيغمزلي
اخيرا بقينا لوحدنا.. انا مش مصدق نفسي
= ولا انا.. حاسة اني بحلم،، مش متخيلة اني معاك في بيت واحد
ومش بيت واحد وبس.. لا دا كمان سرير واحد
= مروان اتلم
وهو أنا عملت حاجة؟
= طب وسع بقا عشان ادخل اغير الفستان دا
طب على مهلك.. على اقل من مهلك
" بصتله و ضحكت
في ايه هو انا حامل
= لا بس مش عايزك تتعبي نفسك.. كفاية تعبنا في الفرح.. عايزين نوفر الطاقة دي لحاجات تانية
انا قولت اتلم
= طب يلا وانتي قمر كدا
" دخلت الأوضة تغير هدومها وانا فضلت مستني برا.. كنت واقف ومستني على نار.. مش عارف مستعجل على ايه بس مش عايز اضيع أي دقيقة تاني.. بس برضو لازم ابان تقيل شوية.. لقيتها بعد 3 دقايق بالظبط بتنادي عليا
مروان تعالى
" ابتسامة ارتسمت على وشي تلقائي و روحت عشان ادخل الأوضة واول ما فتحت الباب تلقائي الابتسامة اختفت من على وشي من الصدمة اللي شوفتها..
ايه يا جماعة في ايه.. انتو جايين هنا تعملو ايه؟
" رد عليا الزفت اللي اسمه بودي
يعني ايه جايين نعمل ايه؟.. دا بدل ما تعزم علينا بحاجة نشربها
= حبيبي النهاردة دخلتي ولا انت نسيت ولا انت متخلف ولا ايه
" بصيت على هند
هو في ايه يا هند.. ايه اللي بيحصل.. والحيوان دا قاعد جنبك على السرير ليه
= لو سمحت يا مروان متتكلمش كدا على بودي وبعدين يا حبيبي دي تقاليد في عيلتنا
تقاليد؟
= ايوا يا حبيبي... لازم اهل العروسة يشوفو ليلة الدخلة كاملة
وحياه امك!! ،، ما نطلع لايف احسن
= في ايه يا مروان.. انا مش فاهمة انت متعصب ليه؟
" خالتها بدأت تتكلم
يا مروان يا حبيبي عادي مفيهاش حاجة.. يلا انت و هند اعملو اللي انتو عايزينه واحنا مش هنعمل صوت متخافش
= لا انت باين عليكو مجانين صح؟
" امها ردت المرادي
احنا عايزين نفرح بيكو يا حبيبي،، ليلة الدخلة دي ليلة متتعوضش ف عشان كدا لازم نحضرها من اولها ل اخرها
" بصيت ل هند
أنتي موافقة على الكلام دا؟
= طبعا موافقة
طيب خليكي معاهم يا هند.. انا هروح ابات عند ابويا أحسن
" لقيتها بتضحك وباصة ليهم
خلاص يا جماعة بقا عشان ميزعلش
" ولقيتها قربت مني وبتحضني
احنا كنا بنهزر معاك يا حبيبي،، ايه رأيك بقا في المقلب دا؟
= جميل يا حبيبتي بس متعملهوش تاني عشان ميبقاش فيها طلاقك
" امها و بودي خرجو من الأوضة وبعدها خالتها
الف مبروك يا عريس.. ربنا يسعدك ويعينك
" سمعت باب الشقة وهو بيتقفل،، بعدها هند قربت مني
خلاص بقا متزعلش.. كنت بهزر معاك والله
= وهو دا هزار تعمليه في يوم زي دا
خلاص بقا حقك عليا.. يلا روح غير هدومك
" خرجت برا وقل*عت البدلة وغيرت هدومي،، بعدها ب نص ساعة خبطت على باب الأوضة.. لقيتها ردت عليا من جوا
ادخل
" فتحت الأوضة بهدوء و دخلت.. شوفتها واقفة قدام المراية وهي لابسة روب بينك ومن تحته قميص نوم قصير جدا.. قربت منها ومسكت ايدها و بو*ستها
بحبك
= بمو*ت فيك يا مروان.. بحبك أوي
عايزك تعرفي اني مليش غيرك في الدنيا ووعد عليا ما هسيبك ولا هخذلك في اي يوم،، انا هفضل جنبك طول الوقت لاخر ثانية في عمري
= بحبك
" لقيته خدني في حضنه.. كان بيحضني وكأنه هطير منه.. بعدها خرجت من حضنه وكان لسة هيقرب من شفا*يفي ويبو*سني لكن فجأه وشه اتغير 180 درجة و ضر*بني بالقلم..
انت بتضر*بني يا مروان!!
= وهكسر عضمك كمان يا بنت الكل*
انت اتجننت.. انت بتشت*مني!!!
= وكمان بتردي عليا.. دا أنتي ليلة ابوكي سودا!!
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
انت بتضر*بني يا مروان.. بتضر*بني يوم فرحي
= اه بضر*بك وهكسر عضمك كمان يا بنت الكل*
انت اتجننت.. انت بتشت*مني!
= وكمان بتردي عليا.. دا أنتي ليلة ابوكي سودا
لا لا دا انت مش طبيعي.. انت شكلك شارب حاجة،، انطق قول شارب ايه؟
= انا اسف يا هند،، اقسم بالله انا ما عارف عملت كدا ازاي
يعني ايه
= انا مش متحكم في نفسي
ازاي انا مش فاهمة
" ملامح وشه اتبدلت تاني للغضب وضر*بني قلم أقوى من اللي فات لدرجة ان ودني كانت بتصفر
وأنتي تفهمي ليه.. أنتي ملكيش انك تفهمي
= حرام عليك يا مروان كفاية.. قولي بس أنا عملت ايه غلط
" صوته رجع هادي من تاني
انا اسف.. مش انا والله،، والله العظيم في حاجة بتحركني يا هند
= طب لو سمحت ممكن تطلع برا وتسيبني النهاردة
حاضر هطلع بس عشان خاطري متزعليش مني
= مش زعلانة اطلع بس
" مشي لحد الباب وفتحه وكان لسة هيخرج بس فجأه قفل الباب بقوة و رجع بص ليا
هو انتي عايزة تطرديني من بيتي يا زبا*لة يا بنت الزبا*لة
= يا مروان بقا كفاية
كفاية!!،، وهو أنتي لسة شوفتي حاجة دا انا هخلي ايامك الجاية كلها سواد
" كنت قاعد جنب امي بعد ما حطت عروسة الفودو جنبها وبصت ليا وهي بتضحك وقالت
كفاية كدا عليها النهاردة
= انتي عايزة تفهميني ان اللعبة دي هتعمل كل اللي أنتي بتقوليه دا
بكرا تشوف يا بودي.. وبكرا ليه يا حبيبي،، الصبح مش بعيد.. اول ما النهار هيطلع هنروحلهم
= بس انا خايف اوي على هند
متخافش يا حبيبي و بعدين هو انا بعمل كل دا ليه.. ماهو عشان هند تبقا ليك
= انتي أصلا جبتي العروسة دي منين؟
دا موضوع طويل
فلاش باك
" مكنتش عارفة ازاي امنع الجوازة دي.. حاولت كتير وفي كل مرة كنت بفشل لان البت باين عليها بتحبه اوى.. مكنش عندي غير الشيخ قاسم.. راجل بركة وكل الناس بتشكر فيه.. صحابي كانو بيروحو عنده ومفيش واحدة مشيت من عنده الا وهي محققة اللي هي عايزاه فقررت اروحله وعلى عكس ما كنت متوقعة.. لقيت راجل لابس بدلة وماسك سبحة في ايده وجنبه بخور مش زي ما بنشوف في الافلام،، قعدت قدامه وقولتله
انا عايزة حاجة تمنع جوازة بنت اختي بأي شكل
= ليه.. هو العريس مالو؟
انا بصراحة عايزاها ل ابني.. مش عايزاها تخرج برا عيلتنا اصل هي و ابني متربيين سوا وانا خايفة عليها من الغريب
= وهي بتحب ابنك؟
انا ابني بودي مفيهوش عيوب واي بنت تتمناه
= اي بنت غير بنت اختك صح
بصراحة اه هي بتعتبره اخوها
= طيب ماهو بالشكل دا حتى لو العريس سابها فهي برضو مش هتحب ابنك لانها بالبلدي كدا مش شايفاه أصلا
سيب دي عليا انا.. انا هخليها تحبه
= الحب مش بالعافية يا صفاء ولا انتي رأيك ايه
هو حضرتك عرفت اسمي منين؟
= مش مهم عرفته منين.. المهم انتي عايزة ايه؟
انا مش عايزة الجوازة تتم وخلاص
= ممكن نعملها عمل ونكرهها فيه.. الموضوع بسيط
لا بلاش انا اخاف على البت ممكن تتأ*ذي
= الموضوع مفيهوش اي حاجة وبسيط زي ما قولتلك يعني متخافيش
لا برضو اخاف اصلها غالية عليا أوي
= طالما غالية عليكي سبيها تتجوز اللي هي اختارته ولو ليها نصيب مع ابنك هيحصل حتى لو بعد 10 سنين
اومال انا جيالك ليه ياعم الشيخ؟ ماهو عشان اخليها من نصيبه
= النصيب دا حاجة بتاعت ربنا ملناش دخل فيها
بس يعني انتو.. اقصد الشيوخ يعني اللي زي حضرتك بيعرفو يتحكمو في الحاجات دي
= مفيش بشر يقدر يخالف إرادة ربنا ولا انتي مش مؤمنة يا ست صفاء
لا مؤمنة والحمدلله بس انا مش عايزة اكسر قلب ابني
= ف تكسري قلب بنت اختك
ياعم الشيخ انا مش جاية عشان آاخد منك نصايح.. هتقدر تساعدني ولا لا؟
= من ناحية هقدر ف انا اكيد اقدر ان شاء الله ولكن انا دايما احب أقدم النصيحة قبل ما اعمل اي حاجة ولكن دايما البني ادم بيكون مصمم على الشر سبحان الله،، بصي يا صفاء حلك عندي بس هتدفعي كتير
مش مشكلة هدفع اللي انت عايزه بس من غير ما البت تتأ*ذي
= اسمه ايه عريس بنت اختك
مروان محمد عبدالرحمن و امه اسمها زينب حسن السيد
= هرجعلك تاني
" لقيته قام من مكانه و دخل اوضة كانت موجودة جوا الأوضة اللي احنا فيها وقفل الباب عليه،، فضلت قاعدة مستنية أكتر من عشر دقايق لحد ما خرج تاني وقعد قدامي و مد ايده ليا وكان فيها عروسة فودو
دي ايه دي
= دي تقولي عليها ان عريس هند في ايدك
يعني ايه مش فاهمة
= يعني بالعروسة دي أنتي متحكمة في مروان بشكل كامل.. كل اللي أنتي هتعمليه انك تقولي عايزاه يعمل ايه وهيعمله فورا
= انت بتتكلم بجد يا شيخنا
جربي
= يعني اعمل بالظبط
هتمسكي العروسة وتبدأي تقولي الحاجات اللي أنتي عايزاه يعملها و هيعملها زي مثلا لو قولتي دلوقتي " اضر*ب هند بالقلم " هيضر*بها حالا
" ابتسامة الانتصار اترسمت على وشي
يعني مروان بقا في ايدي كدا خلاص
= اه بس خدي بالك.. دي كدا فيها خطر على هند بشكل كبير عشان كدا بنصحك انك متستعمليهاش كتير
خطر عليها ازاي يعني؟
= مش شرط تفهمي،، اسمعي النصيحة ومتنسيهاش.. متستعمليش العروسة كتير يا صفاء
باااك
#بقلم : #عمرو راشد
وهو كان قصده ب انك متستعمليش العروسة كتير
= معرفش ولحد دلوقتي عايزة افهم
خلاص مش مهم.. المهم دلوقتي اننا نقدر نعمل اللي احنا عايزينه يعني خمني مثلا الجوازة دي ممكن تستمر قد ايه بعد لا اللي حصل دلوقتي دا
= اربع ساعات بالكتير
" ضحكت انا وامي وبعدها قومنا احنا الاتنين وكل واحد دخل اوضته،، غيرت هدومي ونمت.. لما صحيت كانت الساعة 10 الصبح خرجت من الأوضة لقيت امي قاعدة في الصالة
ايه يا ماما انتي ايه اللي مصحيكي بدري كدا
= صحيت على تليفون خالتك منى.. كانت عايزاني اروح معاها ل هند عشان الصباحية بتاعتها
وانتي مروحتيش معاها ليه يا ماما؟
= افهم يا واد.. احنا مينفعش نروح دلوقتي،، احنا دورنا لسة جاي
جاي ازاي يعني؟
= اقعد افطر وهفهمك
" مكنتش نمت من امبارح بعد اللي حصل و مروان نزل ومعرفش راح فين،، لقيت الجرس بيرن.. قومت فتحت الباب لقيتها امي،، كانت بتزغرط وداخلة بتحضني
صباحية مباركة يا عروسة
= صباح الخير يا ماما
مالك يا هند.. أنتي منمتيش ولا ايه
= لا نمت
ولا مروان هو اللي منيمكيش
" كانت بتقولها وهي بتضحك.. ابتسمت عشان مبينش اي حاجة
لا عادي احنا نمنا من التعب
= طب اقعدي احكيلي حصل ايه امبارح،، بس استني هو جوزك فين؟
مروان جاله تليفون شغل مهم ونزل
= يا مصيبتي!!!،، نزل يوم الصباحية
يا ماما هو مش رايح يشتغل.. دي مشكلة هيحلها وهيرجع تاني
= حاجة غريبة والله المهم قوليلي حصل ايه
محصلش يا ماما.. قولتلك كنا تعبانين ونمنا
= يعني مقربش منك خالص
خالص
= وانتي سبتيه عادي كدا
هعمل ايه يعني.. هخليه يقربلي بالعافية و بعدين احنا تعبنا جدا من الفرح
= ايوا يا بنتي بس برضو يعني
متقلقيش يا ماما كل حاجة هتكون كويسة و بعدين احنا لسة العمر قدامنا طويل،، اطمني
" كنت بحاول اطمنها بأي شكل ولكن في الحقيقة انا اللي محتاجة حد يطمني.. انا مش فاهمة ايه اللي حصل امبارح دا وخايفة،، خايفة يحصل تاني ومش عارفة حتى هتعامل تاني ازاي.. امي قعدت معايا ساعة ومشيت وانا فضلت قاعدة لوحدي.. مكنش ليا نفس للاكل،، عملت نسكافيه وفضلت قاعدة حتى مش عارفة افتح الموبايل لان مفيش عروسة بتفتح تليفونها يوم صباحيتها لحد ما سمعت العصر بيأذن.. بعدها ب ربع ساعة لقيت جرس الباب بيرن،، قومت بصيت من العين السحرية لقيته بودي.. دخلت غيرت هدومي ولبست بيچامة وخرجت فتحت
ايه يا هند كل دا،، انتو نايمين ولا ايه
= لا كنت في البلكونة ومش سامعة،، اومال فين خالتي مجتش معاك ليه
تعبانة والله يا هند.. تعبت بعد الفرح ونايمة في السرير
= الف سلامة عليها
" دخل قعد على الكنبة وانا روحت قعدت جنبه
بصي بقا عشان مكدبش عليكي.. امك اتصلت ب امي وقالتلها على اللي حصل
= وهو ايه اللي حصل؟
امك شايفاكي مش مبسوطة يا هند
= عادي يا جماعة في ايه.. محصلش حاجة لكل دا
طب قوليلي هو عمل حاجة تزعلك؟
= مش عارفة يا بودي.. بص اللي هقوله دا متقولوش لحد،، مروان امبارح كان غريب أوي،، تصدق انه شت*مني وضر*بني
دا اتجنن دا ولا ايه؟
= اه والله.. كان كويس معايا وفجأة لقيته عمل كدا وبدون سبب
لا دا لازم حد يكلمه.. هو فاكر انك معندكيش رجالة ترد عليه ولا ايه
= عشان خاطري يا بودي بلاش.. انا مش عايزة الموضوع يكبر،، هو اكيد حصل حاجة ضايقته بس ايه هي الحاجة دي نفسي اعرف
وهو عشان مضايق يضر*بك يا هند.. أنتي بتهزري؟
= انا منمتش من امبارح.. مش عارفة انام من التفكير
طب سبيلي انا الموضوع دا
= هتعمل ايه؟
هتصرف انا ملكيش دعوة
= عشان خاطري يا بودي بلاش حد يعرف
متقلقيش
" فجأه لقيت باب الشقة اتفتح و مروان دخل
هو الواد دا بيعمل ايه هنا؟
= عادي يا مروان.. ابن خالتي وجاي يطمن عليا
ازاي يدخل البيت وانا مش موجود
" كنت لسة هرد ولكن بودي رد مكاني
وفيها ايه يا مروان انا وهند اخوات و اظن انت عارف دا
= بس هند دلوقتي متجوزة يا حبيبي يعني مينفعش تدخل الشقة و راجل البيت مش موجود
انا كنت فاكر اننا بقينا اهل يعني
= طبعا اهل بس دي اصول
معاك حق.. بس برضو كويس اني جيت النهاردة عشان اشوف اللي انت عملته مع هند
= عملت ايه
انت ضر*بت هند ليه؟
= بص والله انا،،، ايه دا انت مالك اصلا
مالي ازاي يا مروان،، هند دي أختي لو مش هتعرف تحافظ عليها وتشيلها جوا عينك يبقا تطلقها
= اطلقها!!
اه تطلقها،، انت أساسا مكنتش تحلم تتجوزها
" لقيته فجأه قرب مني وضر*بني بالبوكس.. وقعت على الأرض بعدها هند جريت عليه
انت ايه اللي بتعمله دا؟
= والله العظيم مش انا.. انا معملتش كدا
" لكن قرب مني تاني وكمل ضر*ب لحد ما حسيت ب د*م بينزل من وشي.. هند كانت بتصرخ
سيبه يا مروان عشان خاطري
" بعدها قام وقف وهو مستغرب و باصص لنفسه و ل ايده بعدها بص ل هند اللي اتكلمت وقالت
لا انت مبقتش طبيعي.. انت اكيد مجنون
= صدقيني يا هند انا معملتش كدا.. انا مش قاصد اعمل دا والله
طلقني يا مروان!!
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
نمت ازاي يا حبيبي.. بقولك انت كنت قاعد معايا امبارح.. مروان احنا دخلتنا كانت امبارح لو فاكر
= انا مش فاكر اي حاجة من الكلام دا،، انا امبارح رجعت ملقتكيش في البيت،، غيرت هدومي ونمت وبس كدا
" اتعدلت من مكاني ورديت عليه وأنا مصدومة
= نمت ازاي،، اومال مين اللي كان معايا امبارح دا
انتي متأكدة اصلا من اللي بتقوليه دا ولا شكلك كنتي بتحلمي
= ماهو انا اكيد مش مجنونة عشان معرفش افرق بين الحلم و الحقيقة.. انت امبارح كنت معايا وكنت شايفاك زي ما شايفاك دلوقتي كدا ولمستك كمان،، انا مش فاهمة ازاي انت مش فاكر
عشان انا فعلا مش فاكر اي حاجة من دي
= مروان متجننيش.. انت عايز تفهمني ان دي حاجة ممكن تتنسي عادي
لا مش عادي بس ساعات لما بيكون نفسنا في حاجة معينة ومش عارفين نعملها أو نحققها بنتخيل انها حصلتلنا فعلا بس عن طريق العالم الافتراضي اللي بيكون في دماغك زي تهيؤات كدا
= اه يعني عايز تقول اني مجنونة؟
يا حبيبتي مقصدش بس..
= طب قوم معايا بقا لو سمحت عشان اثبتلك اني مش مجنونة.. الاكل والتجهيزات اللي انت كنت عاملها امبارح اكيد لسة موجودة زي ما هي.. تعالى معايا
" قومت بسرعة وشديته من ايده وخرجنا برا الأوضة وانا بشاورله على السفرة والحاجات اللي كانت عليها
بص بقا اهو زي ما قو....
" المفاجأه ان مكنش في اي حاجة على السفرة ولا اطباق الاكل ولا الشموع.. جريت على المطبخ بسرعة لكن برضو ملقتش حاجة،، رجعت وفضلت واقفة جنبه لحد ما لمحت الشموع اللي كانت موجودة امبارح.. كانت جنب التليفزيون،، روحت جبتها
اهو بص هي دي اللي انت كنت حاططها على السفرة امبارح
= بس يا حبيبتي الشمعة دي مفيهاش ريحة اي نار
يعني ايه
= يعني عمرنا ما استعملناها أصلا،، زي ما قولتلك يا حبيبتي انتي جايز كنتي بتحلمي
يا مروان والله لا كل دا حصل بجد
= طيب نتكلم في الموضوع دا لما ارجع عشان متأخرش
" دخل و اخد دش بعدها خرج لبس هدومه ونزل،، وانا كل دا قاعدة في مكاني في الصالة متحركتش،، ماهو اكيد انا مش مجنونة و مروان معندوش زهايمر عشان ينسا كل اللي حصل دا وبعدين لو هو زهايمر فعلا مكنش قال انه رجع نام.. كان المفروض ميفتكرش حاجة اصلا،، يارب هو انا كل ما اقول أنها هتتحل ترجع تتعقد اكتر،، حاولت انسا وقومت فطرت وبعدها بدأت احضر الغدا عقبال ما مروان يرجع من الشغل،، خرجت استريح شوية لقيت خالتي بتكلمني
خلاص عشان اتجوزتي نسيتي خالتك
= وانا اقدر برضو يا قمر انتي
ماهو باين عشان كدا حتى مبتتصليش تسألي عليا
= حقك عليا يا حبيبتي بس كنت مشغولة شوية اليومين اللي فاتو دول
خير في حاجة ولا ايه؟
لا بس انتي عارفة بقا الجواز و مسؤولياته
= هو انتي لحقتي يا هند؟،، دا انتي بقالك شهرين
ماهو شهرين مش قليل برضو يا خالتو
= طب والبيه بتاعك عامل معاكي ايه
مروان كويس والله.. كلنا كويسين الحمدلله
= طب ما تيجي تقعدي معايا شوية
معلش يا خالتو والله مش هينفع النهاردة خليها يوم تاني
= اه ماهو جوزك هيمنعك عننا بقا
والله لا بس..
= مفيش بس،، كلميه وقوليله وتعالي،، انا مستنياكي
" قفلت معاها وفعلا كلمت مروان وطبعا كان الرد بتاعه معروف
لا يا هند.. انا قولت مش هتروحي هناك غير وانا معاكي أو لما ابن خالتك ميكونش هناك غير كدا لا
" رجعت اتصلت بيها تاني
شوفتي قولتلك مش هيوافق،، انا عارفة مروان كويس
= هو ايه مالو.. هو بيغير مننا ولا ايه؟
لا عادي بس هو بيحبني اقعد في البيت يعني
= خلاص يا حبيبتي مش مشكلة،، لما يوافق ابقي تعالي
" مجرد ما قفلت معاها لقيت بودي جاي يجري وقعد جنبي
هااا جاية ؟
= لا.. الزفت بتاعها موافقش
انا مش فاهم هو بيرفض ليه
= سيبه خليه يرفض براحته.. اصل دا نوع من الرجالة مبيحبش ييجي بالذوق،، قوم هاتلي العروسة من جوا
" قام دخل الأوضة وجاب العروسة وخرج.. مسكتها وعملت زي ما بعمل كل مرة واستنيتها تتصل زي كل مرة برضو.. دقيقة واتنين وتلاتة وخمسة لحد ما عدا ساعة ومفيش أي حاجة حصلت،، بصيت ل بودي بإستغراب
هو في ايه؟
= جايز يكون وافق بس هي مشغولة
وهي من امتا هند بتنشغل عننا.. طول عمرها حتى لو مشغولة بتسيب اللي في ايدها وبتيجي عندنا
= طب ما تتصلي تشوفيها
لا مقدرش.. ممكن تشك
= هتشك ف ايه بس،، جربي يا ماما مش هيحصل حاجة
" سمعت كلامه و اتصلت فعلا ب هند
ايوا يا خالتو
= ايه يا حبيبة خالتو.. انا قولت اطمن يمكن يكون غير رأيه زي كل مرة
" كنت بضحك وانا بتكلم عشان متاخدش بالها من اي حاجة.. ردت هي كمان وهي بتضحك
لا متصلش والله يا خالتو
= ماشي يا حبيبتي.. ابقي استأذني منه تاني لما يرجع وتعالي
" قفلت وبصيت ل بودي بقلق
مروان مكلمهاش
= يعني ايه بقا
مش عارفة.. جايز تكون صدفة
= صدفة ايه يا ماما هي اول مرة نستخدمها ولا ايه
قصدك المفعول راح يعني
= يا ماما دا سحر مش مضاد حيوي،، مستحيل موضوع ان مفعوله يروح دا
انا كدا بدأت اقلق
= طب هنعمل ايه؟
لازم اروح للشيخ
" الساعة كانت 8 بليل ولقيت مروان داخل من باب الشقة.. جريت عليه وحضنته
حمدالله على سلامتك يا زوجي العزيز
= الله يسلمك يا احلى و احن زوجة في الدنيا
احضرلك الاكل
= ياريت عشان جعان جدا
عقبال ما تغير هدومك اكون انا جهزت الاكل
" دخلت المطبخ وبدأت احضر الاكل وحطيته على السفرة بعدها مروان خرج وقعدنا ناكل،، كان باين عليه انه تعبان جدا ومش قادر حتى يفتح عينه،، كلامه كان قليل دا اذا كان اتكلم اصلا،، وبمجرد ما خلص اكل دخل ينام علطول،، دخلت حطيت الاطباق في المطبخ وغسلتهم.. بعدها دخلت خدت دش وغيرت هدومي ووقفت قدام المراية شوية.. كنت بتأمل ملامحي وشكلي،، بين كل فترة والتانية بحب اعمل كدا عشان اشوف مدى تأثير الفترة دي عليا كان ايه،، خلصت ولسة ببص ورايا لقيت مروان واقف.. اتخضيت
انا كنت لسة سايباك نايم في الأوضة،، صحيت امتا؟
= دلوقتي
وصحيت ليه؟
= عشانك
عشاني؟
= اه عشانك يا هند
كنت جاي شكلك تعبان أوي
= حتى لو تعبان دا ميمنعش اني اقعد معاكي شوية
غريبة يعني
= ايه الغريب فيها؟
اصلك عمرك ما عملتها
= لا من النهاردة هعمل كتير متقلقيش
ايوا وتصحا الصبح مش فاكر صح
= عادي يا هند انا ساعات بنسا شوية حاجات كدا
حتى الحاجات اللي ما بينا
= دي محفورة في قلبي عشان كدا عمري ما انساها،، استني دقيقة وجاي
" دخل الأوضة وبعدها بثواني لقيته خرج و جايب في ايده حاجة بس مخبيها ورا ضهره،، ابتسمت وقولت
ايه دا؟
= غمضي عينك
" غمضت عيني فعلا بعدها حسيت ب ايده على رقبتي
ايه رأيك؟
" فتحت عيني،، كانت سلسلة على شكل فراشة كان شكلها حلو أوي ،، لبستها حضنته
بحبك أوي يا مروان
= انا كمان بحبك أكتر يا روح قلب مروان
#بقلم : #عمرو راشد
" قضينا الليلة دي كمان مع بعض.. صحيت تاني يوم ملقتوش جنبي.. اتصلت بيه
ايه يا حبيبي انت فين ؟
= في الشغل
بدري كدا!!،، دا انت نازل حتى قبل معادك
= يا حبيبتي قولتلك امبارح اني هصحا بدري اومال انا دخلت نمت بسرعة ليه
ما انت صحيت تاني يا حبيبي
= صحيت امتا دا ؟
بعدها صحيت وقعدنا مع بعض
= لا محصلش
محصلش!!،، تاني يا مروان!!!
= طب بقولك ايه يا حبيبتي.. خلينا نتكلم لما ارجع
" قفلت معاه وقومت من السرير،، هو في ايه،، هو ازاي بينسا كل حاجة كدا،، بس لا دا مش كل حاجة،، هو بينسا حاجات معينة،، حاجات مينفعش تتنسي.. انا بجد هتجنن،، فضلت قاعدة افكر في الموضوع لاني مش عارفة اتجاهله زي امبارح لان بالشكل دا اكيد في حاجة غلط،، في الوقت دا كانت خالتي بتتصل،، تجاهلت كل مكالماتها لاني مكنتش قادرة ارد على اي حد،، بالعافية قدرت اقوم احضر الغدا لحد ما يرجع مروان وافهم منه اللي بيحصل دا ايه.. كانت برضو خالتي لسة بتتصل و برضو انا مردتش عليها لحد ما الوقت جري وبقت الساعة 6 ونص ولقيت مروان رجع،، دخل و بص ليا باستغراب
اول مرة متجيش تستقبليني يعني
= لا عادي
" جه وقعد جنبي
مالك يا نودي فيكي ايه
= مش فاهماك بصراحة يا مروان
مش فاهمة ايه يا حبيبتي
= هو امبارح حصل ايه بينا
محصلش حاجة.. انا رجعت من الشغل و كلت ونمت
= ماشي وبعدين
بعدين ايه بقولك نمت
= لا يا مروان انت صحيت بعدها
لا مش فاكر حاجة زي كدا
= انا فاكرة.. انت صحيت بأمارة لما كنت واقفة قدام المراية
يا حبيبتي هصحا ازاي وانا اساسا راجع مش قادر اقف من كتر التعب
= طب فاكر الهدية؟
هدية؟؟؟
" لما بصيت على رقبتي ملقتش السلسلة
ايوا انت جبتلي سلسلة امبارح هدية
= هند انتي بتتكلمي عن حد تاني.. دا اكيد مش انا
" قومت من مكاني وصوتي بدأ يعلى
لا ماهو انا مش مجنونة.. انا متأكدة من كل كلمة انا بقولها
" مروان قام ومسك ايدي
طب اهدي،، ممكن تقوليلي هي فين الهدية دي؟
" جريت على الأوضة وبدأت ادور في كل مكان.. كنت عاملة زي المجنونة،، لحد ما لقيت العلبة اللي كان فيها السلسلة.. مسكتها ولثواني حسيت بإنتصار.. بصيت ورايا
اهي يا مروان. اتفضل عشان تعرف اني مش مجنونة،، انا قولتلك شكلك انت اللي جالك زهايمر بدري
" كنت بضحك ولكن مكملتش الضحكة لاني سمعته بيقول
والوصل اهو موجود كمان بس الوصل مكتوب بإسمك يا هند،، انتي اللي اشتريتي السلسلة دي؟
" رديت وانا في حالة ذهول تام
ازاي؟؟
= شوفي بنفسك
" مسكت الوصل وقعدت على السرير.. فعلا اسمي مكتوب،، بس يعني ايه،، مروان قعد جنبي وطبطب عليا وقالي
حبيبتي احنا لازم نروح ل دكتور
" بصيتله وانا مش قادرة انطق.. مش عارفة اتكلم،، مش عارفة اقول ايه
أنتي بقالك يومين فيكي حاجة مش مظبوطة.. من رأيي نروح ل دكتور عشان لو في مشكلة نلحق نحلها
" رديت عليه والدموع نازلة من عيني
بس انا مش مجنونة يا ممروان
" خدني في حضنه وطبطب عليا
انتي ست العاقلين،، قط*ع لسان اللي يقول عليكي غير كدا.. احنا بس هنروح نطمن عليكي ومش عايزك تقلقي ولا تخافي من اي حاجة،، انا جنبك
" في اللحظة دي مكنش عندي اي حل غير اني انام وفعلا نمت وهو نام جنبي و اخدني في حضنه.. صحيت كانت الساعة 12 بليل.. قومت بهدوء وخرجت برا.. مسكت التليفون لقيت اكتر من 25 مكالمة من خالتي.. كنت لسة هتصل بيها لكن هي رنت تاني و التليفون في ايدي،، رديت عليها
ايوا يا خالتو
= هند انتي كويسة يا حبيبتي؟
" صوتها كان مرعوب جدا
ايوا كويسة يا خالتو،، معلش انا كنت نايمة مسمعتش التليفون
= أنتي لوحدك؟
لا مروان معايا بس نايم جوا،، هو في حاجة ولا ايه قلقتيني؟
= طب البسي اي حاجة وتعالي حالا
البس ايه و آاجي ازاي يا خالتو.. الساعة 1 بليل،، قوليلي بس في ايه؟
= يا هند اللي معاكي في البيت دا مش مروان
" في نفس اللحظة لمحت خيال واقف ورايا.. بصيت بسرعة لقيت مروان واقف ومبتسم
بتكلمي مين يا هند؟
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
يا هند اللي معاكي في البيت دا مش مروان جوزك
= مش مروان ازاي يعني،، اومال مين اللي معايا دا؟
" في نفس اللحظة لمحت خيال واقف ورايا،، بصيت بسرعة لقيته واقف ومبتسم وقالي
بتكلمي مين يا هند؟
" اتسمرت في مكاني معرفتش اتحرك ولا انطق وكأن الكلام طار من على لساني.. كان هو لسة واقف وبنفس الابتسامة وقرب مني و مسح على شعري بحنية وقال
مالك يا حبيبتي ؟،، اتخضيتي ولا ايه؟
" حركت راسي وقولت
اه اصل انا محستش بيك وانت جاي
= انا قومت من النوم ملقتكيش جنبي ف قولت اقوم اطمن عليكي
انا كويسة بس كنت بكلم ماما
" لقيته بص على التليفون اللي في ايدي وبعدها بص ليا وابتسم أكتر
طب سلميلي عليها كتير
" بعدها مشي و دخل الأوضة،، مشيت وراه بهدوء لحد ما شوفته وهو بيروح وينام على السرير بعدها خرجت للصالة تاني و اتصلت ب خالتي
في ايه يا خالتي،، ايه الكلام اللي أنتي قولتيه دا؟
= اسمعي الكلام يا هند وتعالي،، الحقي نفسك
طب فهميني،، مالو مروان؟
= هفهمك لما تجيلي،، مينفعش في التليفون
انا مش هعرف انزل دلوقتي يا خالتو
= يبقا بكرا،، مجرد ما الشمس تطلع تلبسي وتيجي
انا خايفة
= متخافيش يا حبيبتي.. شغلي قرآن لحد الصبح و ان شاء الله مفيش حاجة هتحصل
" قفلت معاها وقومت دخلت اوضتي ولسة بقفل باب الأوضة لقيت بودي دخل
حصل ايه؟،، هتيجي؟
= الصبح
انا مش فاهم ليه انتي رافضة اروح اجيبها انا؟
= انت عايز تروح هناك لوحدك،، لا طبعا اخاف عليك
يا ماما هيحصل ايه يعني
= يا حبيبي اللي هناك دا مش بشر زينا يعني الله أعلم ممكن يعمل فيك ايه
هو الشيخ قالك ايه بالظبط؟
فلاش بااك
الحقني يا شيخ قاسم
= في ايه يا صفاء،، حصل ايه؟
العروسة مبتنفذش الأوامر اللي بطلبها منها
" لقيته اتنفض من مكانه و زعق بأعلى صوته
يا نهارك أسود،، هو انا مش محذرك وقولتلك متستعمليش العروسة كتير
= هو دا معناه ايه يا عم الشيخ؟
" غمض عينه وسكت شوية وبدأ يهمهم بكلام مش مفهوم بعدها فتح عينه
اللي كان موجود في العروسة خرج يا صفاء
= هو ايه اللي كان موجود؟
وهو أنتي فاكرة العروسة دي كان جواها،، جن بيتحكم في الشخص اللي المفروض بنتحكم فيه و بيبدأ يسيطر عليه وعشان كدا مروان كان بينفذ اي حاجة مطلوبة منه ولكن لما الطلبات بتزيد بيبدأ الجن يتشكل في هيئة مروان نفسه ومع الوقت هيبدأ يتحكم في مروان أكتر لحد ما يسيطر عليه بشكل كامل ويسيطر عليه للابد
= وايه الحل يا شيخنا،، هو كدا في خطر على بنت اختي؟
اللي عرفته ان هارون بيعشقها و دا هيسبب خطر كبير أوي على بنت أختك ولو اتمكن منها محدش هيقدر يمنعه عنها
= براحة عليا انا مش فاهمة حاجة،، مين هارون دا
اللي موجود جوا مروان اسمه هارون.. هارون بيعشق بنت اختك يا صفاء،، لازم هند تسيب البيت في اسرع وقت
= و مروان.. ماهو اكيد هييجي ورانا
انا هتعامل معاه ولكن لازم هند تبعد عنه في اسرع وقت لأنه خطر عليها
باااك
يعني ايه هيتعامل معاه،، هيقضي عليه يعني
= معرفش يا بودي،، انا دماغي كانت فين وانا بعمل كدا بس،، يارب يحفظك يا بنتي
متقلقيش يا ماما،، احنا مش هنسيبها
" طول الليل وأنا قاعدة برا في الصالة.. معرفتش ادخل الأوضة ولا حتى اقرب منها،، قاعدة بفكر في كلام خالتي،، يعني ايه دا مش مروان جوزي،، انا كنت حاسة ان في حاجة غلط بس مش عارفة ايه هي،، اصل ايه اللي هيغير مروان في يوم وليلة،، الشمس طلعت والساعة بقت 6 الصبح ولقيت مروان صحي من النوم،، جه قعد جنبي وبص ليا باستغراب
ايه دا أنتي ايه اللي مصحيكي بدري؟
= عادي قلقت
اصلها اول مرة تحصل يعني
= عادي يا مروان في ايه يعني
خلاص يا هند اهدي،، انا كنت بسأل مش اكتر
" قام دخل الحمام بعدها لبس هدومه ونزل،، كنت لسة هجري و اروح البس عشان انزل لكن فكرت شوية،، سواء هو مروان او لا فهو معملش ليا اي حاجة وحشة بالعكس دا كان بيصلح علاقته بيا وجابلي هدية وبيعملي مفاجأت يعني دا معناه انه كويس يعني،، فيها ايه لو استنيت وحاولت افهم،، بس المشكلة اني خايفة لاني لوحدي،، بس ايا كان النتيجة انا لازم استنا
" حضرت الغدا زي كل يوم واستنيته لحد ما يرجع،، الساعة 5 لقيته رجع و دا كان بدري عن معاده،، حاولت اكون على طبيعتي
حمدالله على سلامتك يا مروان
" كان شكله مرهق جدا و رد عليا بالعافية
الله يسلمك
" بعدها دخل علطول أوضة النوم و اترما على السرير
حبيبي انت مش هتاكل؟
" مردش عليا لأنه كان نام خلاص،، خرجت برا وفضلت قاعدة لحد ما تقريبا عدا ساعة بالظبط ولقيته قام وخرج وجه قعد على ركبته قدامي وقال وهو مبتسم
وحشتيني
" نظرة الحب اللي كانت في عنيه كفيلة تخليني انسا اي حاجة.. رديت عليه وأنا مبتسمة
وانت كمان وحشتني
= متأكدة يا هند
متأكدة اه
= طب انا نازل
رايح فين
= مشوار صغير و راجع
ماشي
= لما ارجع هنكمل كلامنا
مستنياك
" معرفش جبت الجرأه دي منين لكن انا مش حاسة اني قلقانة او خايفة،، ولسة عايزة افهم أكتر
#بقلم : #عمرو راشد
" كنا قاعدين بنشرب الشاي انا وامي وبنتكلم وفجأة الباب خبط،، قومت اشوف مين،، بصيت من العين السحرية لقيته مروان،، جريت بسرعة على امي وأنا مخضوض وخايف
دا مروان،، اعمل ايه
= حاول متبينش حاجة قدامه بس روح افتح بسرعة،، اتعامل عادي هااا
" روحت وفتحتله،، كان باصص في الارض بعدها رفع عينه وبص ليا و ابتسم
ازيك يا بودي
" رديت وانا متوتر
الحمدلله
= مش هتقولي اتفضل ولا ايه؟
اه طبعا اتفضل
" دخل وأنا دخلت وراه وقفلت الباب،، دخلنا جوا و امي قامت ترحب بيه
اهلا يا حبيبي،، والله دي احلى مفاجأه
= بجد عجبتك
اوي يا حبيبي والله،، اومال فين هند
= ماهو انا جاي عشان كدا
انتو متخانقين ولا ايه؟
= لا ومش هنتخانق بس هيكون احسنلك لو متكلمتيش تاني في حاجة متخصكيش يا صفاء
صفاء!!،، صفاء كدا من غير طنط ولا اي حاجة
= اممم يظهر انك مش فاهماني ولكني متأكد انك فاهمة وعارفة انا بتكلم عن ايه
لا مش فاهمة يا مروان،، انت عايز تقول ايه
" قام وقف وقالي
انتي فاهمة كويس،، بلاش تدخلي بيني وبين هند عشان متتأ*ذيش،، مفيش حد في الدنيا هيقدر ياخد مني هند،، انتي فاهمة ولا لا
" كان بيتكلم مع امي وهو بيزعق،، قومت انا وقفت وبكل جرأه قولتله
هو انت فاكر اننا هنخاف منك ولا ايه،، ايا كان انت مين بقا عايز اقولك اننا مبنخافش ولا هاممنا كلامك اصلا
" فجأه ملامحه اتحولت 180 درجة ووشه كان غضبان جدا.. و مسكني من رقبتي وخن*قني لدرجة اني كنت متعلق في الهوا
انا حذرت مرة ومش هكررها تاني.. هند بتاعتي ونصيحة مني قبل ما تحا*ربو عدو اعرفو مدى قوته الاول
" رماني على الأرض.. بدأت اتنفس من تاني،، امي جريت عليا و حضنتني،، أما مروان فهو مشي وخرج من البيت
" كنت قاعدة ومستنية مروان لحد ما يرجع من برا،، لقيت تليفوني رن،، كانت خالتي
ايوا يا خالتو
= اهربي يا هند،، اهربي من عندك بسرعة،، مروان كان لسة عندنا و هد*دنا انه هيقت*لنا،، دا مش بشر يا هند،، اهربي يا بنتي بسرعة
" سمعت المكالمة وقفلت بسرعة وجريت على الأوضة غيرت هدومي بسرعة و خدت تليفوني و روحت عند باب الشقة وفتحته لكن اتصدمت لان مروان كان واقف قدامي،، اتخضيت و رجعت ل ورا خطوتين وهو دخل وقفل باب الشقة و ابتسم
رايحة فين؟
= مفيش انا كنت نازلة اجيب شوية طلبات
خليكي انتي،، انا هجيبهم
= لا انا عايزة انزل اشم هوا
ينفع ااجي معاكي؟
= معلش محتاجة اكون لوحدي
تمام يا نودي زي ما تحبي
" عنيه كان فيها نظرة شك،، حاولت اجمع قوتي وفي لحظة اتجرأت وسألته
فاكر احنا اتعرفنا على بعض ازاي يا مروان؟
= طبعا فاكر،، ايام الجامعة،، مدرج 5 ب
اممم صح،، طب فاكر اول هدية جبتهالي؟
= كان خاتم شوفتيه في محل دهب كان في المعادي
بس انت عارف،، كل دا كوم وشهر العسل بتاعنا كوم تاني خالص
" قلبي كنت قادرة اسمع نبضاته من كتر سرعتها لأننا اساسا مروحناش شهر عسل،، لقيته ابتسم أكتر
لأ كدا انا مش هعرف اجاوبك سامحيني،، عشان احنا مروحناش شهر عسل
" قرب مني أكتر وكانت لسة نظرة الشك موجودة في عنيه
انتي بتحاولي توقعيني يا هند؟
" رديت بإرتباك
لا خالص،، انا ممكن اكون اتلخبطت معلش
= متأكدة
الله في اي يا مروان؟
= بس انا مش مروان يا هند،، انا هارون!!
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
يا هند فوقي ابو*س ايدك.. ايه اللي حصلك بس؟
" فتحت عيني ببطئ لقيته قاعد جنبي.. اتفزعت وقومت من مكاني
ابعد عني متقربش مني،، ابعد
= حاضر بس اهدي
اطلع برا انا عايزة اقعد لوحدي
= طب قوليلي مالك بس يا حبيبتي
بقولك اطلع برا يا مروان بدل ما اسيبلك البيت و امشي
= خلاص انا خارج يا حبيبتي،، اهدي أنتي بس وهتبقي كويسة وانا هدخل كمان شوية اطمن عليكي
" خرج وقفل الباب وراه.. هو في ايه،، هو اللي انا كنت فيه دا حقيقة؟،، حقيقة صح مش حلم
فلاش باك
الله في ايه يا مروان؟
= بس انا مش مروان يا هند،، انا هارون واظن انتي عارفة كل حاجة بلاش نضحك على بعض
" ساعتها حسيت ان الدنيا كلها بتلف بيا و مستحملتش دقيقة كمان و اغمى علي ،، قبل ما افقد الوعي شوفته وهو داخل اوضة النوم ومن بعدها محستش بأي حاجة
باااك
" طب اعمل ايه،، امشي ولا اخليني في البيت،، يعني هو أنا لو مشيت مش هيعرف يوصلي ماهو اكيد هيعرف،، يارب اتصرف ازاي،، انا مش عارفة افكر،، بصيت في الساعة لقيتها 1 بليل،، رجعت على السرير ونمت عليه ولكن كنت حاسة بكل حاجة،، الوقت عدا والنوم غلب عليا،، وشوفته تاني في الحلم
انا مش مروان يا هند،، انا هارون
" صحيت مفزوعة لقيت مروان واقف قدامي.. اول ما صحيت هو رجع ل ورا وقال بقلق
انا كنت داخل اطمن عليكي قبل ما انزل
" حاولت ابتسم
انزل يا حبيبي روح على شغلك،، انا كويسة
= طب تحبي اوصلك عند مامتك تقعدي عندها لحد ما ارجع او اكلمها هي تيجي تقعد معانا يومين
لا ملوش لازمة،، بلاش نقلقها
= طيب يا حبيبتي انا هحاول آاخد اجازة واقعد معاكي لحد ما تبقي كويسة
انا كويسة يا مروان مفيش حاجة،، اطمن
" لما نزل انا قومت وخرجت قعدت برا بعد محاولات اني ارجع انام تاني ولكن معرفتش،، نمت على الكنبة والتليفزيون مفتوح قدامي وفضلت على الحال دا لحد اذان الضهر لحد ما لقيت رسالة من بودي
جوزك عندك؟
" استغربت من الرسالة ولكن رديت عليه
لا
" شافها ومردش لكن سمعت بعدها ب دقيقتين جرس الباب بيرن،، قومت افتح لقيته بودي ،، فتحتله وكان لسة هيدخل لكن رجع تاني ووقف برا
متأكدة انه مش هنا؟
= في ايه يا بودي،، قولتلك مروان نزل من بدري
" دخل وأنا قفلت الباب وراه و دخلت قعدت معاه على الكنبة
انتي ازاي جايلك قلب تقعدي معاه في بيت واحد
= قصدك مين
بلاش استعباط يا هند،، اللي معاكي دا مش مروان،، وعلى فكرة هو جالنا البيت امبارح وكان هيمو*تني وهد*دنا اننا نبعد عنك ومنحاولش نوقفه
= طب هو عايز ايه
عايزك أنتي طبعا
= هو قال كدا؟
ايوا قال،، اسمعي كلامي يا هند وقومي البسي وتعالي معايا لحد ما نشوف حل
= بس انا مش همشي يا بودي،، انا لازم اعرف هو عايز مني ايه،، اعرف هو جه منين أصلا
الفضول دا نهايته مش حلوة يا هند،، انا خايف عليكي
= هو لو كان عايز يأذ*يني يا بودي ماهو كان عملها،، تفتكر يعني هو هيخاف؟
برضو لازم تخافي
= بس هو ليه جالكو انتو،، اشمعنا انت وخالتي؟
مش عارف،، ممكن عشان حاولنا نحذرك منه
= لا لا ثواني،، خالتي كلمتني من يومين وقالتلي اهرب لان مروان مش طبيعي،، هي عرفت منين بقا؟
" لقيته مش عارف يجمع الكلام و باين عليه انه عارف حاجة فعلا
انت مخبي عليا ايه يا بودي؟
= هخبي ايه يعني يا هند،، مش مخبي حاجة
لو انت فعلا خايف عليا قول في ايه انا معرفوش،، قولي عشان ابقا عارفة كل حاجة وساعتها اقدر أقرر هعمل ايه
= انا هحكيلك بس وحياه اي حاجة بينا ما تزعلي مننا
" بدأ يحكي وأنا قاعدة قدامه كأني مش موجودة او في عالم تاني،، مخي مش عارف يستوعب اللي بيقوله،، مصدومة لدرجة اني مش عارفة آاخد اي رد فعل
بتعملولي سحر،، طب ليه وعشان ايه،، كل دا عشان متجوزش مروان
= يا هند انا عارف ان اللي امي عملته غلط بس هي والله كانت عايزة تطمن عليكي،، مش عايزاكي تبعدي عننا عشان كدا كانت عايزانا نتجوز
ودا مبرر فعلا انها تكون عايزة تأذ*يني وتخر*ب حياتي،، تحول جوزي ل جن ولا عفريت ولا الله اعلم هو ايه أصلا وبعدها تقولي انها كانت عايزة مصلحتي،، انتو ازاي عملتو فيا كدا،، جالك قلب يا بودي تأذ*يني انا،، انا هند اللي متربيين سوا وعيشنا مع بعض وكبرنا مع بعض،، جالك قلب تأذ*يني؟؟؟؟
= انا والله ما كنت اعرف ان كل دا هيحصل،، انا اسف يا هند،، والله انا ما كنت عايز اعمل كدا أصلا،، انتي عارفاني كويس يا هند
كنت عارفاك لكن دلوقتي انت أكدتلي اني معرفش أي حاجة حتى عن اقرب الناس ليا
= طيب أنتي معاكي حق في كل اللي بتقوليه و معاكي حق تعملي اكتر من كدا كمان بس وحياه اي حاجة حلوة بينا خلينا نأجل ونشوف الكارثة اللي احنا فيها،، انا عارف انه صعب بس عشان خاطري أنتي لازم تقبلي
تخيل ان الناس اللي انا عيشت معاها عمري كله عايزة تأ*ذيني والشخص اللي مش من الدنيا أصلا ولا اعرف هو جاي منين كان بيحبني
= عشان خاطري مش وقته الكلام دا،، عشان خاطري يا هند تعالي معانا للشيخ خلينا نعرف نعدي المشكلة اللي احنا فيها
" زعقت فيه وقومت وقفت
انا مش رايحة لأي حد ولا عايزة اعرفكو تاني،، انت فاهم ولا لا
= هنروح يا هند،، انا مش هسيبك تتأ*ذي بسببي،، هنروح وبعد ما المشكلة تخلص اعملي اللي أنتي عايزاه حتى لو هتضر*بيني بالنار انا موافق بس نعدي من المشكلة دي عشان خاطري يا هند،، خليني أحاول اصلح الغلط اللي انا عملته
#بقلم : #عمرو راشد
" كلامه كان مقنع وعشان كدا قررت اوافق و اروح معاه.. دخلت لبست ونزلنا روحنا عند الشيخ اللي بيقولو عليه.. كانت خالتي واقفة مستنية قدام باب البيت واول ما شافتني جريت عليا وكانت عايزة تحضني لكن انا بعدت عنها
ايه يا حبيبتي مالك انتي كويسة؟
= انا جيت بس عشان محتاجة افهم حاجات كتير لكن دا مش معناه اننا هنرجع زي الاول
نرجع زي الاول ازاي يعني؟
= اسألي ابنك
" دخلنا كلنا البيت وفضلنا قاعدين منتظرين دورنا،، كان في ناس كتيرة موجودة في المكان.. عدت ساعة لحد ما دخلنا جوا عنده،، كنت فاكرة اني هشوف راجل كبير و دقنه بيضا و لابس جلابية ولكن كل دا اتغير بمجرد ما شوفته لان شكله كان شخص عادي جدا زينا.. لابس بدلة دقنه خفيفة وشكله يبان انه محترم ومش زي الشيوخ التانية،، دخلنا واول ما شافني ابتسم وقالي
اتفضلي يا هند
" استغربت وسألته
انت عارف اسمي؟
= طبعا انا اعرف كل حاجة
وايه اللي انت تعرفه كمان؟
= السؤال ميبقاش كدا يا هند،، قصدك ايه اللي انتي عايزة تعرفيه كمان؟
انا مش عايزة اعرف حاجة
= يبقا انتي بتضحكي على نفسك،، لان مفيش سبب تاني انك تيجي هنا غير دا
وانت بقا دخلت جوايا وعرفت انا جاية هنا ليه؟
= من غير ما ادخل جواكي يا هند،، انا اعرف اشوف اللي قدامي كويس
وشايف ايه بقا؟
= شايف انك مش هادية ولحد دلوقتي مش مقررة هتعملي ايه،، متلخبطة بالإضافة كمان ان في اعجاب منك
اعجاب مني انا!!!
= هو دا اللي باين قدامي،، بصي يا بنتي انا هنصحك وانتي ليكي الحرية انك تسمعي نصيحتي او لا،، هارون مش سهل ومش بعيد يكون سامعنا دلوقتي اصلا،، هارون جرئ وجرأته دي هي اللي خلته يخرج من العروسة ويدخل في جوزك مروان،، والمفروض انه بيحبك،، والمفروض كمان ان قبيلته قلبت عليه وبيهاجموه،، نصيحة مني اهربي وسيبي البيت وخليني انا اتعامل معاه،، هارون لو اتمكن من جوزك مش هنعرف نسيطر عليه مهما عملنا
بس هو لحد دلوقتي معملش ليا اي حاجة وحشة
= ومش هيعمل لانه بيحبك بس اخر الحب دا ايه يا هند،، هتروحي تعيشي معاه في العالم ولا هو اللي يسيطر على جوزك ويعيش معاكي في العالم بتاعك وساعتها انتي تنسي مروان لانه مش هيرجع تاني
" عيوني دمعت وقولت
انا مش عارفة اعمل ايه،، انا حاسة اني بحبه
= صدقيني يا بنتي لو قبلتي بالوضع دا هتعيشي طول عمرك و أنتي ضميرك بيو*جعك على اللي هتعمليه في جوزك
بس هارون حاجة تانية.. هارون كان بيصلح اللي بيني وبين مروان،، هو مش عايز يأذ*ينا
= كونه انه يخرج من العروسة ويدخل في جوزك دا اكبر خطر ويثبتلك انه ممكن يعمل حاجات تانية كتير عشان كدا بقولك هو مش الشخص اللي أنتي بتشوفيه،، ويكون في علمك ان قبيلة هارون لو واحد منهم بس ظهرلك هيخلي حياتك جح*يم،، لأنهم اكيد مش هيسكتو وبعد ما هيزهقو من محاولاتهم مع هارون هينزلو على الأرض وهيظهرو ليكي
طب انا مطلوب مني اعمل ايه
= تهربي ومجرد ما هتخرجي من الشقة هدخل انا وبإذن الرحمن الموضوع هيخلص
وهارون؟
= هيتحرق
" مش عارفة دا طبيعي ولا لأ بس انا حسيت ان قلبي اتقبض مجرد ما سمعت الكلمة
دا مش حب يا هند،، اوعي تصدقي نفسك عشان لو صدقتي الله اعلم ايه اللي ممكن يحصل
" مشينا من عنده،، خالتي و بودي كانو بيتكلمو معايا بس انا في دنيا تانية تماما،، هو دا طبيعي اني اكون بحب جن ولا دا مش حب زي ما الشيخ قال،، ممكن اكون انا معجبة باللي بيعمله بس مش بيه هو،، والله ما عارفة،، انا محتارة أوي ومش عارفة اعمل ايه،، ركبت تاكسي و رجعت البيت،، طول الطريق وأنا بفكر لحد ما قررت اني لازم اتكلم معاه،، لازم اتكلم مع هارون،، رجعت البيت كانت الساعة 6 ونص،، دخلت جوا لقيت مروان نايم،، غيرت هدومي وخرجت قعدت برا في الصالة عدا ربع ساعة وحسيت باللي واقف ورايا وبيحط ايده على كتفي
هند
= كنت مستنياك
" جه وقعد قدامي
اظن انك عارفة كل حاجة دلوقتي
= ممكن افهم أنت عايز مني ايه؟
انا بحبك يا هند
= والحب دا اخرته ايه؟
انا لما حبيتك مفكرتش هيكون اخرته،، انا حبيتك من غير ما افكر في العواقب اللي ممكن تحصل ليا بسبب الحب دا،، انا الحب ممنوع في العالم بتاعي يا هند،، انا قبيلتي كلها غضبانة بسبب اني حبيت واحدة من الأرض ورغم دا انا لسة موجود معاكي عشان انا بجد بحبك،، انا اتحديت كتير صعبة ومستعد اتحدى اي حاجة عشانك انتي بس يا هند
" كلامه خلاني اتلخبط أكتر،، ضربات قلبي بدأت تزيد خصوصا لما مسك ايدي
انتي عايزاني امشي؟
" دموعي نزلت غصب عني لكن هو مسحهم وطبطب عليا
انتي غالية اوي يا هند ومقامك غالي عندي،، صعب عليا اشوف دموعك بتنزل
= بس انا مش عارفة اعمل ايه
اعملي اللي قلبك بيقولك عليه،، لازم تختاري يا هند وبسرعة عشان...،، عشان انا وقتي مبقاش كتير على الأرض
= يعني ممكن تمشي؟
مش هيكون بإرادتي صدقيني،، انا عارف انك روحتي ل قاسم وعارف كمان هو قالك ايه،، القرار في ايدك يا هند
" قام من قدامي ولسة هيدخل الأوضة لكن فجأه الباب خبط لقيته بص ليا وعنيه كانت كلها غضب وقالي
متفتحيش الباب يا هند،، متفتحيش الباب،، اللي برا دول مش اهلك،، فاهماني!!!
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
متفتحيش الباب يا هند،، متفتحيش الباب،، اللي برا دول مش اهلك،، فاهماني!
= مش اهلي ازاي يعني؟وبعدين انت عرفت منين ان اهلي هما اللي برا
" ساعتها مردش عليا و دخل أوضة النوم بسرعة و اترما على السرير ونام.. الخبط كان بيزيد على الباب لدرجة اني حسيت ان الباب هيتكسر،، قومت وبصيت من العين السحرية لقيت ماما وخالتي وبودي،، استغربت،، اومال ايه الكلام اللي هو قاله دا،، اتجرأت و فتحت الباب ولقيتهم هما التلاتة واقفين قدامي و دخلو من غير ولا كلمة وقعدو على الكنبة اللي في الصالة،، اما انا فضلت واقفة في مكاني مبتحركش لحد ما خالتي ابتسمت وقالت
واقفة ليه يا هند،، تعالي اقعدي معانا
" حسيت ان في حاجة مش طبيعية،، لكن قفلت الباب بالفعل و روحت قعدت معاهم،، فضلنا ساكتين لمدة 5 دقايق بعدها خالتي اتكلمت وقالت
اخبارك ايه يا هند
= انا كويسة،، انتي عاملة ايه يا خالتو
" ابتسمت بسخرية
انا طول عمري كويسة يا حبيبتي
= طب الحمدلله دي حاجة كويسة
ومروان
= مالو؟
" امي هي اللي اتكلمت ساعتها بدل خالتي
مروان عامل ايه؟
= كويس
مرتاح؟
= يعني ايه مرتاح؟
يعني مرتاح وهو عايش معاكي بالشكل دا
= الشكل دا اللي هو ايه يا ماما مش فاهمة
" بودي كمل كلام و امي سكتت
احنا عايزين نطمن يا هند وبرضو ننصحك
= تنصحني انا!!،، طب ما كنت تنصح امك قبل ما تعمل اللي هي عملته
" خالتي اتكلمت بحدة
وعشان كدا أنا جيالك وبقولك صلحي انتي الغلط يا هند،، عشان مصلحتك
= مصلحتي انا عارفاها كويس واظن يا خالتي بعد اللي أنتي عملتيه ف أنتي هتبقي اخر واحدة آاخد منها نصايح
" نظرتها كانت مخيفة ليا،، حاولت اتجاهلها و اركز مع امي اللي كملت الكلام
يا هند بلاش تعاندي عشان متخسريش كل حاجة،، اللي جوا مروان لازم يخرج عشان تعرفي تكملي حياتك
" بودي اتكلم وقال بصوت اجش
اللي بتفكري فيه مستحيل يا هند ومش هيحصل،، هارون مننا ومش هيخرج برا عالمنا
" قومت وقفت وبعدت عنهم
انتو مش اهلي
" خالتي ضحكت وبصت ل بودي وقالت
لا ذكية
" بعدها قامت من مكانها وقربت مني وقالت بصوت عمره ما يكون صوت واحدة ست أبدا،، صوت اجش جدا
انا ممكن امحيكي من على الأرض ومش لوحدك،، انتي وعيلتك كلها،، اسمعي الكلام عشان متخسريش كل حاجة يإما هيبقا ذنبهم كلهم في رقبتك انتي
" مكنتش عارفة اتنفس حتى من الخوف،، رجلي ثابتة في مكانها مبتتحركش،، جسمي بيترعش،، حاولت ابعد عنها ولكن هي مسكت ايدي بقوة
لما هارون يظهر قوليله اننا جينا و زورناه
" حسيت فجأه ان جسمي رجع لطبيعته،، ولساني فك عقدته ورديت عليها بكل جرأه
انتي ممكن تقوليله الكلام دا بنفسك على فكرة ولو فاكرة اني خايفة منك ف احب اقولك لا،، انا مبخافش من اي حاجة
= بس انتي لازم تخافي يا هند
" شاورت ل صباعها ل امي و بودي او اللي عاملين انهم امي و بودي،، وقفو هما الاتنين وبدؤوا يقربو مني،، كنت لسة هجري على باب الشقة لكن فجأه حركتي اتشلت ومعرفتش اتحرك خطوة واحدة،، بصيتلهم وانا همو*ت من الرعب،، خالتي بصت حواليها وقالت
واضح ان هارون موجود معانا هنا
" هما التلاتة بصو ليا وعنيهم كلها شر،، لكن فجأه كل حاجة في البيت بدأت تتكسر،، الكراسي والفازة ، البيت كان كله بيتكسر تقريبا ، وانوار الشقة كلها كانت بتترعش،، خالتي بدأت تبص حواليها بغضب وقالت بصوت عالي جدا
اهلا،، انا كنت عارفة انك هنا
" ثواني وكل حاجة رجعت ل طبيعتها ولمحت اللي خارج من أوضة النوم،، كان مروان بس عنيه كانت مغمضة،، جه ووقف جنبي،، مسكت فيه وكأني بتحامى في اخر امل ليا،، فجأه فتح عينه و ابتسم واتكلم بصوت غير صوته
مرحبا بكم في عالمي،، كنت على علم أنكم ستأتون إلى هنا من أجل استعادتي
" ردت عليه خالتي بنبرة مرعبة
انت خرقت كل القواعد يا هارون والآن هو وقتك لكي تفكر جيدا وتعود لعالمنا وتستعيد مكانتك ونعدك اننا سنغفر لك أخطائك ولكن بشرط ان تعود معنا،، عليك الاختيار
= لن أعود اليكم مرة أخرى اما انتم فعليكم المغادرة الآن،، الآن
" عيون التلاتة اللي كانو موجودين اتحولت للون الأحمر وبدأو يقربو مننا
اذا فهو اختيارك وعليك تحمل عواقبه يا هارون
" هارون رفع ايده وشاور عليهم.. خرجت من ايده صعقة رمتهم كلهم على الأرض،، وفجأه زعق بأعلى صوته،، صوته كان اجش جدا ومرعب
فليقترب الجميييع،، عليكم أن تدركو جيدا من هو هارون،، فليقترب الجمييييع،، كلكم مقضي عليه اليوم،، انا لا اهاب احد،، والآن أنتم من عليكم الاختيار إما الاقتراب ونيل العقاب إما المغادرة وعدم الاقتراب مني مرة اخرى.. اتفهمونني جيدا
" صوته كان عالي جدا وبدأ يعلى اكتر لدرجة اني حسيت ان البيت بيتهز
عدم الاقتراب مرة أخرى!!
" فجأه التلاتة اختفو من الشقة وكأن مكنش في حد موجود اساسا،، مروان بص ليا وعنيه رجعت لطبيعتها وقالي
هذا كل شئ اما أنا فقد انتهيت الآن
" بعدها اترما على الأرض وفقد وعيه،، نزلت جنبه وبدأت أحاول اصحيه
مروان اصحا،، مروان قوم عشان خاطري،، قوم يا مروان
" ثواني ولقيته بيفتح عينه وقام وهو و باصص ليا باستغراب
هو ايه اللي حصل،، انا ايه اللي جابني هنا؟
= يلا بينا نمشي من هنا بسرعة
فهميني ايه اللي حصل طيب
= مفيش احنا كنا بنتكلم وانت اغمى عليك فجأه
بنتكلم!!،، هو انتي كنتي موجودة في الشقة اساسا يا هند،، انا رجعت ملقتكيش
= ازاي بس يا حبيبي،، اومال مين اللي كان بيتكلم معايا دا،، قوم بس معايا
" ساعدته يقوم و دخل غير هدومه
طب افهم الاول،، انتي عايزانا نسيب الشقة ليه؟
=اصل... ، اصل ماما كلمتني وقالتلي انها تعبانة شوية ف هنروح نقعد معاها كام يوم
الف سلامة عليها،، طيب خلاص يا حبيبتي مفيش مشكلة نروح نقعد معاها يومين عادي
" لمينا هدومنا ومشينا من الشقة وروحنا عند امي،، طول الطريق مروان كان بيتكلم معايا ولكن انا مش مركزة معاه نهائي،، انا كنت في عالم تاني،، عالم عمري ما اتخيلت اني اشوفه،، دايما بسمع عنه بس ولكن جه اليوم اللي اشوفه ومش بس كدا لا دا انا بقيت جزء منه كمان،، اصلهم اكيد مش هيسكتو بعد اللي حصل دا وهييجو تاني،، وصلنا عند ماما،، اول ما دخلنا سحبتها على جنب وقولتلها
انا قولت ل مروان انك تعبانة واننا جايين نقعد عندك يومين لاني بصراحة حاسة انه محتاج يغير جو وفي نفس الوقت مينفعش يكون بعيد عن شغله
= يا حبيبتي انتو تنورو في أي وقت
" دخلنا اوضتنا او اوضتي انا سابقنا وغيرنا هدومنا وفضلنا قاعدين لحد ما ماما ندهت علينا عشان نتعشى،، مكنش ليا نفس للاكل و لا للكلام ولكن كنت بحاول ابين العكس لحد ما خلصنا و دخلنا الأوضة تاني
هو في ايه يا هند؟
= ايه يا مروان؟
شكلك متغير
= متغير ازاي يعني؟
ساكتة ومبتتكلميش معانا ولا حتى معايا انا وسرحانة علطول،، هو في مشكلة ولا ايه؟
= لا مفيش مشاكل
طب اومال ايه يا حبيبتي،، انا حاسك فيكي حاجة غريبة
= مفيش يا مروان انا كويسة،، ممكن بس اكون زهقانة شوية
من ايه يا حبيبتي؟
= عادي من الروتين وبعدين بقالي كتير مبخرجش ف عادي يعني
طب ايه رأيك آاخد اجازة من الشغل ونسافر اي مكان نغير جو
= خليني افكر
لا الحاجات دي مش محتاجة تفكير،، لازم القرار يكون في ساعتها كدا،، ايه رأيك؟
= طيب ممكن نأجلها شوية؟
ليه؟
= معلش مش حاسة اني في مود حلو يخليني اسافر حاليا
ماهو احنا بقا هنسافر عشان نغير المود دا
= معلش يا مروان خليني على راحتي
زي ما تحبي يا حبيبتي ولو غيرتي رأيك في اي وقت تعالي قوليلي
" نمنا احنا الاتنين او تحديدا مروان بس هو اللي نام اما انا فضلت صاحية للصبح،، مين هيجيله نوم بعد اللي حصل دا،، انا حاسة اني في حلم ومش عارفة اصحا منه،، حلم صعب عليا أوي ونفسي يخلص بس في نفس الوقت انا هخاف لما يخلص،، هخاف لاني حاسة اني قوية،، حاسة اني عندي حد يحميني من اي حاجة،، حاولت انام عشان اعرف افكر واشوف هعمل ايه في اللي جاي،، مكملتش ساعتين وفوقت لما سمعت صوت باب الشقة وهو بيتقفل.. وسمعت صوت خالتي و بودي وهما داخلين،، طبعا اكيد امي كلمتهم وعرفو اني موجودة هنا،، غيرت هدومي وخرجت،، كان مروان نزل الحمدلله،، اول ما خالتي شافتني خارجة كانت هتقوم وتحضني زي ما بتعمل كل مرة،، تظاهرت بأني بحضنها عشان ماما متاخدش بالها من حاجة بعدها امي راحت عشان تقدملهم حاجة وانا قعدت معاهم
احنا عرفنا من امك انك جيتي عندها امبارح،، خير يا هند حصل ايه؟
" السؤال كان من خالتي.. نبرتها كانت حنينة كأنها بتمثل عليا
محصلش حاجة يا خالتو انا كويسة
= اصل غريبة ان مروان ييجي معاكي يعني
وايه الغريب فيها،، انا ومروان حبينا نغير جو عادي يعني
= وهو اللي بيغير جو بيروح عند امه!!
" اتنرفزت من فضولها الزايد وبدأ صوتي يعلى
هو انتي عايزة مني،، مالك انتي ومالي،، هو انا مش قولتلك ملكيش دعوة بيا تاني ولا بأي حاجة تخصني
= انا خالتك يا هند مهما كان.. مش عشان غلطت غلطة هتزعلي مني العمر كله و بعدين انا عايز اساعدك ووالله انا ندمانة على اللي عملته وعايزاكي تسامحيني
اسامحك على ايه،، انتي د*مرتي حياتي،، جوزي دا لو حصله حاجة هيبقا ذنبه في رقبتك انتي،، جاية تفتكري انك خالتي دلوقتي،، لا معلش بقا خالتي دي كانت زمان و احمدي ربنا اني لحد دلوقتي مقولتش لامي حاجة
" بودي اتكلم ساعتها
ميصحش كدا يا هند،، احنا في بيتك
= وهو انت يا بودي تعرف ايه اللي يصح واللي ميصحش،، أنت زيك زيها
بس احنا عايزين نساعدك ومستعدين نعمل اي حاجة عشان تطلعي من المشكلة دي
= الحاجة الوحيدة اللي عايزاكو تعملوها انكو تسيبوني في حالي وكفاية اللي حصلي بسببكو،، انا مبقتش عارفة اثق في حد بسببكو،، بقيت مش مطمنة ومش عارفة اروح لمين اشتكيله،، كنت الاول بروح ليكي يا خالتي أنتي وابنك،، ياريتني روحت للغريب ومجتش عندك،، بس معلش ماهو انا وقتها مكنتش اعرف ان الغريب عمره ما هيفكر يأذ*يني زي ما انتو عملتو كدا
" امي دخلت ساعتها وقالت
مين دا يا حبيبتي اللي عايز يأذ*يكي؟
" رديت انا عليها
مفيش يا ماما،، كنت بحكيلهم عن ناس صحابي او كنت مفكراهم صحابي بس دول مش صحاب،، دول ناس قليلة الأصل
= ولا يهمك يا حبيبتي،، الناس اللي زي دي خسارتهم مكسب
عندك حق يا ماما
" امي حطت صنية العصير على الترابيزة
اتفضلو يا جماعة بالهنا والشفا
" اتكلمت انا و رديت على امي
لا معلش يا ماما اصل خالتو و بودي كانو لسة بيقولو انهم ماشيين
" امي استغربت و قالت
نهار أبيض تمشو ايه،، دا انتو لسة جايين
" خالتي بصتلي ب عتاب بعدها ردت على امي
معلش يا حبيبتي،، احنا كنا جايين نطمن على هند وخلاص
" قامو مشيو وأنا كنت لسة رايحة عشان ادخل اوضتي لقيت امي ندهت عليا
هو انتي متخانقة مع خالتك ولا ايه؟
= لا أبدا هنتخانق ليه
اصل اول مرة اشوفكو بالشكل دا كأن في مشكلة بينكو
= لا مفيش حاجة يا ماما متقلقيش
يعني أنتي مش مخبية حاجة يا هند؟
= لا يا ماما مش مخبية،، بعد اذنك انا هدخل ارتاح
#بقلم : #عمرو راشد
دخلت الأوضة مش عشان ارتاح لكن عشان اهرب من قدامها لانها كانت هتسألني أكتر من سؤال وانا مكنتش هعرف ارد فكان لازم اهرب،، وهو دا كان حالي أسبوع كامل قاعدة عند امي فيه،، أسبوع كامل قاعدة فيه بلا هدف،، زي ما يكون مخي اتمسح،، مش عارفة ااخد قرار،، انا مش عارفة افكر اصلا،، حاسة اني متلخبطة،، اختيار زي دا هيكون صعب عليا أوي بس برغم كل دا في حاجة حاسة بيها مش عارفة هي صح ولا لا،، هو وحشني،، نظرة الحب اللي كنت بشوفها في عنيه وهو بيكلمني،، عنيه كانت بتلمع بطريقة تخليني احس ان مفيش واحدة غيري في الدنيا وعشان كدا قررت ارجعله،، لميت هدومي انا ومروان و رجعنا البيت،، اول ما دخلت لقيت كل حاجة طبيعية يعني مفيش أي حاجة مكسورة و الشقة سليمة تماما،، قعدنا على الكنبة انا و مروان
تصدقي البيت وحشني اوي
= اه طبعا ماهو بيتنا يا حبيبي لازم يوحشك
انا هدخل اغير هدومي وبعدها اجيلك ونسهر سوا
" قام دخل الأوضة،، عدت 10 دقايق وهو لسة مخرجش،، قومت عشان اشوفه لقيته نام،، قعدت جنبه على السرير و لمست وشه
تعرف انك وحشتني،، مكنتش اتخيل اني اقولها ولكن انت وحشتني بجد
" لقيته فتح عينه بسرعة وقام قعد قدامي
وانتي كمان وحشتيني
= هارون!
" خدني في حضنه،، كان بيحضني بقوة وكأنه اخر مرة هيشوفني ،، حسيت اني كنت محتاجة الحضن دا جدا،، خرجت من حضنه و دموعي نزلت غصب عني
انا كنت خايفة عليك أوي
= سامحيني لو كنت خليتك في لحظة تخافي مني بس انا كان لازم احميكي
مين الناس اللي كانت موجودة دي؟
= افراد من قبيلتي
وعايزين ايه؟
= ارجع معاهم
وهترجع؟
= مبقاش ينفع،، انا كدا اتحولت ل عدو ليهم وبعد اللي حصل دا مش هيقبلو اني ارجع وسطهم تاني
طب خليك هنا
= هنا ازاي يا هند،، انا هنا مليش حد ووقتي محدود ومينفعش اكون موجود اكتر من كدا
بس انا محتاجاك
= بس مش قادرة تنفذيها
اعذرني القرار صعب عليا والله،، انا بجد مش عارفة اتصرف
= وانا هنا دلوقتي عشان اختصر عليكي كل دا،، انا وجودي معاكي هيأذ*يكي انتي واهلك ثم اني عملت حاجات كتير غلط تخليهم يحكمو عليا بالسجن مدى الحياه،، انا تعديت كل القواعد اللي عندنا،، انا مكنش ينفع ارجع اظهر تاني لما هما كانو موجودين لان وقتي كان خلص بس انا تعديت القواعد وظهرت وحار*بتهم،، انا اتحكم عليا بالسجن الابدي يا هند يعني دي آخر مرة هتشوفيني فيها،، بس قبل ما اختفي من حياتك هاخدلك حقك منهم،، انا عايزك تتصلي ب قاسم وتحددي معاه معاد،، وأنا هستدعي افراد قبيلتي
هارون لا،، متعملش كدا عشان خاطري،، لو بتحبني بلاش يا هارون
= انا مش هقبل اعيش مسجون يا هند،، مش هقبل اعيش وانا مش عارف اخرج واشوفك من بعيد على الاقل
" دموعي نزلت ومسكت ايده بكل قوتي
هارون!
= انا بحبك يا هند
" دخلت في حضنه،، بدأ يطبطب عليا
هتكلمي قاسم يا هند
" رديت عليه وأنا صوتي منهار من العياط
مش هقدر
= هتكلميه يا هند،، هتكلميه لإني مش هقبل ان اي اذى يحصلك بسببي
" فجأه النور قطع.. خرجت من حضنه بسرعة
هو في ايه؟
" طبطب عليا وقالي
متخافيش انا هقوم اجيب حاجة ننور بيها
" قام وانا فضلت قاعدة،، حسيت بصوت انفاس جنبي،، ، جسمي اترعش ، افتكرت التليفون كان في جيبي،، خرجته وشغلت الكشاف ،، مجرد ما شغلته وبصيت جنبي صرخت بأعلى صوتي لاني شوفت عيون حمرا في وسط الضلمة كانت في وشي،، النور رجع ساعتها وشوفتهم،، كانو اربعة،، كانو طوال جدا و جلد وشهم مشوه،، واحد منهم مسكني لدرجة اني معرفتش احرك اي حتة في جسمي،، ساعتها هارون جه بسرعة،، كان باصصلهم وعنيه كلها شر،، بعدها عنيه قلبت للون الأحمر،، اللي كان ماسكني اتكلم وقال بصوت اجش
اقترب يا هارون،، اقترب لكي تستعيدها
" لسة بيقرب هارون لكن فجأه واحد منهم طلع قفل وحطه في وش هارون،، خرج من القفل جنازير ضخمة جدا جدا وبدأت تكتف هارون لدرجة انه كان عاجز تماما عن الحركة،، صرخت بأعلى صوتي
هارون!
" بدأوو يضحكو كلهم بشكل مرعب،، واحد منهم اتكلم وقال
استعد لتنال عذا*بك الابدي يا هارون،، الأبدي!!!
